Yohanes 11:52 - Taaz Weru Witu u Nunuwu'en Tombulu

⁵² Wo zéi'kan uman wia sé tahsasana wanua itii taan kangkasii i ruméwok wo mapaheesa sé oki' ni Opo Empung sé méikasera.

Yohanes 11:52 Iomraidhean Croise

Lukas 15:8

A si Yesus sumirita kasii karia un aandéan, “Wéwéhan si wéwéné makaanu u mapulu' zoit péra'. Sa ikaliongla un zoit péra' esa, zéi'kankuaa tumutungla solo sia wo tumepi um waléna i ngumerez menéro makaz ing kailekanna un zoit itii?

Lukas 2:32

ni Sia én tanu u sena' i sumena'ma witu u lalan né tahsasana wanua walina, wo ni séra méyé wia ni Ko, u sena' itii é maéndo sisigi'an wo lolooz né tou-Mu, Israel.”

Yohanes 1:12

Taan péléng sé tou simungkul ni Sia wo ma'éman ni Sia ém winéhan-Na kawasa i maéndo oki' ni Opo Empung.

Yohanes 1:29

Masandonamé, si Yohanes nimilek si Yesus méyé wia ni sia. A si Yohanes kumuala, “Ilekena si Anak ni Domba ni Opo Empung, si zuméi' a singkéla' né tou wia ung kaayahan.

Yohanes 10:16

Taan ni Aku kangkasii é makaanu sé domba walina sé zéi'kan wia um pahpiaraan kenu. Sé domba itii kangkasii é léwo'zéi' im pahwali-Ku wo ni séra matumalinga u nuwu'-Ku wo ni séra é maéndo sana réwok domba esa memimiara.

Yohanes 12:32

Wo ni Aku, sa ni Aku itooz im wia ung kaayahan kenu, ni Aku mangun péléng sé tou méyé wia ni Aku.”

Kisah Rasul-rasul 18:10

Pahpaan ni Aku é memali-mali kariamu wo zéi'kan siapa si toro kumotkot wo zumézéha ni ko, pahpaan sé tou-Ku im wia um wanua tua'na kenu é lakez.”

Roma 3:29

Si Opo Empung én zéi'kan uman Opo Empung né tou Yahudi. Ni Sia kangkasii én Opo Empung né tahsasana wanua walina.

Roma 4:17

Tanu u méikua ni Opo Empung u méipantik witu um Pinantik Lenas, “Ni ko én tinotoz i maéndo ama' né tahsasana wanua lakez.” Ni sia én ama'ta im witu u sinaru ni Opo Empung. Un taaz itii é méiwéhéla ni Opo Empung wia si Abraham wo totoz pa'émanenna un taaz ni Opo Empung, si timou sumaup sé nimaté. Ni Sia kasii si numuwu' umana é mangun an zéi'kan siapa é mawia.

Efesus 1:5

Rengan im puuna, ni Sia é rumaraaté ni kita wo niméléngo ni kita i maéndo oki'-Na mengiité si Yesus Kristus, niitumo ung kapaaz-Na wo u mahwangun ni Sia mahpaa-paaz.

Efesus 3:11

Si Opo Empung nimangun niitu mengiit ung ginenang-Na u makaz ing kauré-uré, um winangun-Nama mengiité si Kristus Yesus Mahpiarata.

Yakobus 1:1

U sigi'ku Yakobus, si ata ni Opo Empung wo ni Yesus Kristus si Mahpiara. Um pinantik kenu iwéhé wia sé mapulu' wo zua suzu ni Israel sé ma'émano wia si Kristus sé wana a séséngkotan.

1 Petrus 1:1

Um pinantik kenu ém pinantikku, Petrus si aatu ni Yesus Kristus, iwéhé wia sé tou mahlepu-lepu wo méikasera im wia sé tou zéi'kampé' mata'u si Opo Empung sé witi tana': Pontus, Galatia, Kapadokia, Asia oki' wo Bitinia.

1 Yohanes 2:2

Ni Sia nimaté nimaéndo raragés, wo a singkéla'ta én ampungan. Zéi'kan uman a singkéla'ta, taan maan a singkéla' péléng né tou sé wia ung kaayahan.

1 Yohanes 3:1

Ilekela, ung kawangko' u raraatéan méitambéré ni Ama' wia ni kita, taka-takazan ni kita pahkuan in oki' ni Opo Empung. Wo niitu én ulit i ni kita én oki' ni Opo Empung. Niitumo, sé tou mahkiit u lelo léwo' ung kaayahan én zéi'kan mata'u ni kita, pahpaan sé tou itii én zéi'kan mata'u ni Sia.

1 Yohanes 3:10

Ang kenumo an tumuzu'mé sé oki' ni Opo Empung wo sé oki' ni tonaas né sétang: Péléng sé tou sé zéi'kan mahwangun ung kaulitan wo kangkasii sé zéi'kan rumaraaté sé katuari néra esa pa'émanen, ni séra én zéi'kan oki' ni Opo Empung.

1 Yohanes 3:2

Katuari-katuari ikararaatéku, in tarékan ni kita én oki' ni Opo Empung, taan zéi'kampé' kata'uanta u mamuali wia ni kita. Taan kata'uanta sa si Kristus mapailekomé un tou-Na, ni kita é maéndo tanu ni Sia. Pahpaan ni kita é mamilek un ulitna ung katou-touan-Na.

Wahyu 5:9

A sé epat tumou-tou wo sé zuana pulu' wo epat pahtutu'an kumantaré ung kakantaren weru. Kuan néra, “Ni Ko si wangun i makailek ung kitap ginulung itii, wo muka a segelna; pahpaan ni Ko si Anak ni Domba éng kinerizo, wo karia un zaha'-Mu sé tou wia ung kaayahan ém winaér-Mumo im wia sé tahsasana suzu, sé tahsasana nunuwu'en, sé tahsasana réwok mahtuari wo wia sé tahsasana wanua i maéndo anu ni Opo Empung.