Yohanes 11:5 - Taaz Weru Witu u Nunuwu'en Tombulu

⁵ Si Yesus é rumaraaté si Marta, si Maria wo si Lazarus.

Yohanes 11:5 Iomraidhean Croise

Lukas 10:38

I si Yesus wo sé pahtuzu'en-Na mahlampang, a séra ikaayola witu um wanua. Im witi wanua itii ém wéwéhan si wéwéné makangaran Marta, a séra sungkulena ni wéwéné itii witi waléna.

Lukas 10:40

Taan si Marta é mahkara-kara' i mahimek ung kanen néra, a sia rumétéla si Yesus, ang kuana, “Tuang, zéi'kan ndootuu pandungen-Nu aku? Ni aku uman si mahpaayang wo si Maria én zéi'kan pekisawang-Mu. Iatupé'mé sia i sumawang ni aku!”

Lukas 10:41

Taan ni sia ém winingkot umanla ni Yesus, “Marta, Marta, ni ko én tahlous maarét wo tahlous mahsususa un toumu in esa wana péléng am péléng,

Yohanes 11:1

Wéwéhan si saki makangaran Lazarus mahento' witi Betania karia ni Maria wo ni Marta sé totoz katuarina.

Yohanes 11:3

Sé wéwéné zua itii é nimatuma tou i makimuamé wia si Yesus, “Tuang, si kakaria totoz ikararaaté-Mu é saki.”

Yohanes 11:36

Ang kuan né tou Yahudi, “Ilekena, ni Sia én totoz rumaraaté si Lazarus!”

Yohanes 11:6

Taan in tinalinga-Nama si Lazarus i saki, ni Sia én zéi'kan rengan i mangé taan nimento'pé'la zuana endo im witu.

Yohanes 11:8

Sé pahtuzu'en-Na kimuala wia ni Sia, “Méster, zéi'kampé' uré sé tou Yahudi mahwewerité ni Ko karia am watu wo in tarékan kaa ni Ko paazpé' i mawuri witu?”

Yohanes 16:27

si Ama' in esa é rumaraaté ni kamu, pahpaan ni kamu é rimaraatémola ni Aku wo ma'éman i ni Aku ém wia si Opo Empung a méyé.

Yohanes 17:26

Séi si Ama' é mémoikua-Ku wia ni séra, wo niitu én zéi'kan ikana'-Ku im wanguneng-Ku, wo séra mahraa-raatéan tanu si Ama' rumaraaté ni Aku wo ni Aku maesa karia néra.”