Yohanes 11:47 - Taaz Weru Witu u Nunuwu'en Tombulu

⁴⁷ A sé tonaas né walian wo sé sana réwok tou Farisi tumawahmé sé tou méikauntep witu u Mahkama Agama i maréwok wo ni séra é mahkua, “Si Tou itii é nimanguno lakez makakompo'en, niitumo apa u léwo'zéi' im wangunenta?

Yohanes 11:47 Iomraidhean Croise

Matius 26:3

In toro niitu, sé tonaas né walian wo sé pahtutu'an né tou Yahudi é nimaréwok witi istana ni Walian Wangko' makangaran Kayafas.

Matius 5:22

Taan in tarékan ni Aku éng kumuama wia ni kamu: Séi uman sé maupi' wia si katuarina, ni sia é léwo'zéi' in ukumen. Séi si mahsalou si katuarina, ni sia é léwo'zéi' in isaru wia sé Mahkama Agama. Wo séi si mahkua si katuarina i letup, ni sia é léwo'zéi' in ilombo' witu un api naraka zéi'kan mahpaté.

Markus 14:1

Zuana endomokan sé tou Yahudi é lumé'oso un endo mahpésta pahkuan Paskah wo i lumé'os un endo Roti Zéi'kan Rinagian. In toro niitu, sé tonaas né walian wo sé tou tulap un Torat é menéro-néro lalan in tumion si Yesus wo munu' ni Sia karia i mahwuni-wuni.

Lukas 22:2

Sé tonaas né walian karia né tou tulap un Torat é menéro-néro lalan kura wo séra toro munu' si Yesus karia i mahwuni-wuni, pahpaan ni séra é maindé' wia sé tou lakez.

Yohanes 11:57

Karegas niitu sé tonaas né walian wo sé sana réwok tou Farisi é nimeréntamoma sa wéwéhan si tou mata'u wisa Sia én ikuamé, wo Sia toro tionan néra.

Yohanes 12:19

A sé tou im wia sé sana réwok tou Farisi mahkuaala, “Ilekenola, kumurapé' kita! Péléng sé tou mahkiit ni Sia.”

Yohanes 2:11

Niitumo u makakompo'en winangun ni Yesus kataré-taré witi Kana um witi Galilea, karia in téntu ni Sia nimapaileko ung kawangko'an-Na wo sé pahtuzu'en-Na ma'éman ni Sia.

Yohanes 6:2

Lakez sé tou mahkiit ni Sia, pahpaan ni séra nimilek a makakompo'en pahwangunen-Na wia sé tou saki.

Yohanes 7:32

Sé sana réwok tou Farisi mahtalinga sé tou lakez mahkekewitan tumoro si Yesus. Pahpaano niitu sé tonaas né walian wo sé sana réwok tou Farisi nimatuma sé menénéiz um Walé ni Opo Empung in tumion ni Sia.

Yohanes 7:45

A sé menénéiz um Walé ni Opo Empung sé méiatuma in tumion si Yesus, mawurimé wia sé tonaas né walian wo wia sé sana réwok tou Farisi. Ni séra é meligau wia sé menénéiz itii, “Kaa Sia zéi'kan méiwali nioué?”

Kisah Rasul-rasul 5:21

Kumawusa séra in timalingama u méikuama ni malaekat itii, i maayahmo a séra muntepa witi lésaz um Walé ni Opo Empung a mahtuzu' witu. Karegas niitu, si Walian Wangko' wo sé mahkii-kiit ni sia é riméwoké sé tou méikauntep witu u Mahkamah Agama, ni séra ém péléng sé pahtutu'an né tou Israel. Tumondong niitu an ipekiangé néramé sé aatu ni Yesus im witi bui.

Kisah Rasul-rasul 5:24

Kaitalingamé niitu, si tonaas né mahtéiz um Walé ni Opo Empung wo sé tonaas né walian é nimalinganga tumoro sé aatu itii wo mahliligauan tumoro apa u nimamuali.