Yohanes 11:41 - Taaz Weru Witu u Nunuwu'en Tombulu

⁴¹ An isoro' nérama um watu itii. A si Yesus lumoho'ma witi langit wo mahkua, “Ama', ni Aku mapaayoma u makasé wia ni Ko, pahpaan ni Ko én timalingamo ni Aku.

Yohanes 11:41 Iomraidhean Croise

Matius 11:25

In toro niitu si Yesus mengaléi, “Ni Aku kumuama u makasé wia ni Ko, Ama', Opo Empung u langit wo ung kaayahan, pahpaan niana é méiwuni ni Ama' im wia sé tou tulap wo lakez ang kata'uan. Taan niana é méipapailek ni Ama' wia sé tou kanaramen sé mahkii-kiit uman tanu sé koki'.

Matius 11:26

Niitu u nimangun un até ni Ama' i mahpaa-paaz.”

Matius 27:60

An izeta'nala un awak ni Yesus witu u lelewengan weru, u méikiarna witu ung kentur watu. Tumondong niitu an isoro'nama um watu tua'na in ipalot um wosona u lelewengan itii, a sia mangé.

Markus 15:46

Si Yusuf matumelesé u roko' lenan, an itumpanamé un awak ni Yesus im witu u salip, saputenala karia u roko' lenan itii. A maizeta'namé un awak ni Yesus witu u lelewengan u méikiar witu ung kentur watu. An isoro'namé um watu i malot u lelewengan itii.

Lukas 10:21

In toro niitu, si Yesus é mahpaa-paaz wo mawuta-wuta ung kawasa ni Roh Lenas. Ang kuan ni Yesus, “Ni Aku kumuama u makasé wia ni Ko, Ama', Opo Empung u langit wo ung kaayahan. Pahpaan niana é méiwuni ni Ama' im wia sé tou tulap wo lakez ang kata'uan. Taan niana é méipapailek ni Ama' wia sé tou kanaramen sé mahkii-kiit uman tanu sé koki'. Niitu u nimangun un até ni Ama' i mahpaa-paaz.

Lukas 18:13

Taan si menanagi am pajak itii é rimendai zou'ma oki', wo lumouspé'tarémé niitu ni sia é maindé' i lumoho' witi langit, karia i mahpéhos um wezwezna pahpaan i mene'sel wo mahkua: ‘O Opo Empung, iraraaté ndootuumé ni aku si memua-muali a singkéla' kenu.’

Lukas 24:2

Maileken néra um watu méipalot u lelewengan é mémoikasoro'.

Yohanes 11:22

Taan zozo' in téntu kata'uangku in oras kenukan péléng am pahaléien-Nu wia si Opo Empung én iwéhé-Na wia ni Ko.”

Yohanes 17:1

I nimakakuamola niitu, a si Yesus lumoho'ma witi langit ang kumua, “Ama', in tarékan é méikaayomola witu un oras tinotoz-Mu. Ipapaileka ung kawangko'ang-Ku in Oki'-Mu. Karia in téntu ni Aku kangkasii é mapailek ung kawangko'an-Nu.

Yohanes 20:1

In endo kataré witu un duminggu itii, im woondopé' karengan, i rimbengbengpé', si Maria tou Magdala nimangé witi linewengan itii. Ni sia nimilek um watu méipalot u linewengan si Yesus itii é mémoikasoro'.

Kisah Rasul-rasul 7:55

Taan si Stefanus si kinawasa ni Roh Lenas é limoho'ma witi langit an ilekennama ung kawangko'an ni Opo Empung, wo si Yesus si rimendai witu ung kakan ni Opo Empung.

Filipi 4:6

Tia'mo tahlous maindé' tumoro am péléng. Taan im wana péléng am péléng, mengaléila wo ipapaayola péléng am pemandungen niou wo am pahaléien niou wia si Opo Empung karia i mahkua u makasé.