Yohanes 11:4 - Taaz Weru Witu u Nunuwu'en Tombulu

⁴ Taan in timalingama u méikuamé itii, Sia kimua, “U saki itii én zéi'kan mangun ni sia i maté. Niia nimamuali wo si Opo Empung loozen wo sigi'en wo pahpaan u saki itii si Oki' ni Opo Empung é loozen wo sigi'en.”

Yohanes 11:4 Iomraidhean Croise

Yohanes 10:38

Taan sa ni Aku nimangun niitu wo ni kamu soo ma'éman wia ni Aku, pa'émanenola am pinaayang-Ku itii, wo ni kamu toro mata'u wo makatulap i si Ama' é nimaesa karia-Ku wo ni Aku é nimaesa karia si Ama'.”

Yohanes 11:40

Ang kuan ni Yesus, “Zéi'kankuaa mémoikua-Kula wia ni ko: sa ko ma'éman ni ko é milek ung kawangko'an ung kawasa ni Opo Empung?”

Yohanes 12:28

Ama', ituzu'mé ung kawangko'an-Nu!” An talingané u nuwu' witi kasendukan a méyé, “Ni Aku én timuzu'mo ung kawangko'an-Ku. Wo ni Aku kasii é matumuzu' ung kawangko'an-Ku sumaup.”

Yohanes 17:1

I nimakakuamola niitu, a si Yesus lumoho'ma witi langit ang kumua, “Ama', in tarékan é méikaayomola witu un oras tinotoz-Mu. Ipapaileka ung kawangko'ang-Ku in Oki'-Mu. Karia in téntu ni Aku kangkasii é mapailek ung kawangko'an-Nu.

Yohanes 17:10

Péléng sé méiwéhé wia ni Aku én anu ni Ama', wo péléng an anu ni Ama' én anu-Ku kangkasii, wo ni séramo sé nimapailek ung kawangko'an-Ku.

Yohanes 17:5

Wo in tarékan, o Ama', ipapaileka ung kawangko'an-Ku in Oki'-Mu, karia ung kawangko'an un anu-Ku karia ni Ama' rengan im puuna, puunala ung kaayahan kenu im winangun.

Yohanes 2:11

Niitumo u makakompo'en winangun ni Yesus kataré-taré witi Kana um witi Galilea, karia in téntu ni Sia nimapaileko ung kawangko'an-Na wo sé pahtuzu'en-Na ma'éman ni Sia.

Yohanes 5:23

Niitu ém winangun ni Ama' wo péléng sé tou é mahsigi' si Oki' tanu ni séra i mahsigi' si Ama'. Si tou zéi'kan mahsigi' si Oki', ni sia kangkasii én zéi'kan mahsigi' si Ama' si nimatumé si Oki'.

Yohanes 8:54

A si Yesus mingkotla, “Sa ni Aku mahsigi' wo mahlooz uman un tou-Ku in esa, u sigi' wo u looz itii én zéi'kan siapa torona. Si mahsigi' wo mahlooz ni Aku é si Ama'-Ku, si pahkuan niou in Opo Empung niou.

Yohanes 9:24

An tawahen néramé sumaup si letok woan itii a mahkua wia ni sia, “Ikuamé an ulit witu u sinaru ni Opo Empung, kata'uan nai si tou itii én tou mahsingkéla'.”

Yohanes 9:3

Si Yesus mingkotla, “Ni sia nimaletok én zéi'kan pahpaan a siningkéla'na wo zéi'kan kangkasii pahpaan a siningkéla' né tu'ana, taan wo sé tou toro milek um pahpaayangen ung kawasa ni Opo Empung wia ni sia.

Roma 11:11

Niitumo, ni aku é lumigau kasiima, “Apa sé tou Yahudi én ikasangkila téntu wo séra makemu?” Zéi'kan! Taan pahpaan a singkéla' néra, sé tou zéi'kan Yahudi é méipiloté im witu un ukuman wana a singkéla', i mangun sé tou Yahudi mahtéutéu pahpaan mahileka niitu.

Filipi 1:11

Ni aku kasii é mengaléi wo kamu toro memangu-mangun an ulit. Si Yesus Kristus uman si toro mangun ni kamu mangun niitu i mahsigi' wo mahlooz si Opo Empung.

Filipi 1:20

Un totoz pelelo-lelongku wo um pahéré'engkula i ni aku én zéi'kan ipapaiza-izang im wana péléng am pahwangunengku i menou-nou. Ni aku én totoz ma'éman wo wuaya i mahnuwu' tanu im puuna, téntu kangkasii in tarékan, im wana péléng am pahwangunengku, zozo' ni aku i menou-noupé' kaapa i nimatémo, si Yesus Kristus ém pahloozen wo pahsigi'en.

1 Petrus 1:21

Pahpaan am winanguna ni Kristus itiimo, taka-takazan ni kamu én toro ma'éman wia si Opo Empung. Si Opo Empung si timou si Kristus im wia sé nimaté wo nimangun ni Sia pahsigi'en wo pahloozen. Karia in téntu ni kamu én toro ma'éman wo mahéré' uman wia si Opo Empung.

1 Petrus 4:11

Sa wéwéhan tou tinambéran i mahkua u Nuwu' ni Opo Empung wia sé tou, ni sia é léwo'zéi' mahnuwu' mahkiit u Nuwu'-Na. Wo sa wéwéhan si tinambéran i sumawang sé kasuat tou, pahwangunennala niitu karia ung ketez méiwéhémé ni Opo Empung wia ni sia. Niitumo, wangunen nioula lumé'o-lé'os an tatambér itii wo sé tou lumooz wo sumigi' si Opo Empung. Karia in téntu si Opo Empung é loozen wo sigi'en wana péléng am péléng mengiité si Yesus Kristus. Ni Siamo si mahkawasa wo wangun i sigi'en wo loozen makaz ing kauré-uré. Amin.

1 Petrus 4:14

Ni kamu é mahpaa-paazola sa wéwéhan tou sé mahséro' wia ni kamu pahpaan i mahkiit si Kristus. Pahpaan si Roh si pahloozen wo pahsigi'en ém wia ni kamu, ni Siamo si Roh ni Opo Empung.