Yohanes 11:26 - Taaz Weru Witu u Nunuwu'en Tombulu

²⁶ Wo péléng sé tou menou-nou wo ma'éman wia ni Aku, zéi'kan maté makaz ing kauré-uré. Apa pa'émanennu un taré ikua-Kuma itii?”

Yohanes 11:26 Iomraidhean Croise

Matius 26:53

Kaapa pahgenangen nioula i ni Aku én zéi'kan toro mahaléia wia si Ama'-Ku, wo rengan in iatu-Namé sé mapulu' wo zuana réwok suraro né malaekat i mésumawang ni Aku?

Matius 9:28

I si Yesus nimuntepoma witu um walé esa, sé tou letok itii niméyé wia ni Sia. Ang kuan ni Yesus wia ni séra, “Pa'émanen niou i ni Aku én toro lumé'os ni kamu?” A séra mingkotla, “Éné, ni kai ma'éman, Tuang.”

Markus 9:23

A si Yesus mingkotla, “Kaa kuanu sa Aku én toro? Péléng am péléng én toro mamuali im wia sé tou ma'éman!”

Yohanes 10:28

Ni Aku é mahwéhé ung katou-touan makaz ing kauré-uré wia ni séra wo ni séra uli-ulit zéi'kan maléwo' makaz ing kauré-uré wo zéi'kan siapa zozo' in esa si kumahat ni séra im witu u lengen-Ku.

Yohanes 14:10

Zéi'kan pa'émanennu wé i ni Aku é nimaesa karia ni Ama' wo si Ama' é nimaesa karia-Ku? A méikua-Kuma wia ni ko én zéi'kan witu ung genang-Ku a mangé, taan wia si Ama' si nimaesa karia-Ku a mangé, ni Siamo si mahwangun péléng am pahpaayangen-Na.

Yohanes 4:14

taan séi uman si melep un zano iwéhé-Ku, ni sia én zéi'mo maré'o makaz ing kauré-uré. Pahpaan un zano iwéhé-Ku é maéndo tanu ung kembu'an witu un touna u mengembu-ngembu' uman wo mahwéhé ung katou-touan makaz ing kauré-uré wia ni sia.”

Yohanes 5:24

Uli-ulit ikua-Kuma wia ni kamu: Séi uman si timalinga u méikua-Ku wo ma'éman wia ni Sia si nimatumé ni Aku, si tou itii é makailek ung katou-touan makaz ing kauré-uré wo zéi'kan makailek un ukuman, pahpaan ni sia é méikapilotomé im witu um patéan wo niméramoma witu ung katou-touan.

Yohanes 6:47

Uli-ulit ikua-Kuma wia ni kamu: Séi uman si ma'éman, ni sia é makaanu ung katou-touan makaz ing kauré-uré.

Yohanes 9:35

Si Yesus én timalinga i si letok woan itii é méiwoho néramé mondolé im witu. A si Yesus mahilekala karia ni letok woan itii ang kumua, “Apa ko ma'éman wia si Oki' ni Tou?”

Roma 8:13

Pahpaan, sa ung katou-touan niou é mahkiit ung kapaaz un awak in esa, ni kamu é makailek um patéan. Taan sa ung katou-touan niou é mahkiit ung kapaaz ni Roh Lenas, ni kamu é mahpapaté um pahwangunen un awak niou u mahsingkéla', wo ni kamu é mamenou-nou.