Yohanes 11:18 - Taaz Weru Witu u Nunuwu'en Tombulu

¹⁸ Um Betania ém witi rété u Yerusalem, woo teluna kilometer ung kazou'na.

Yohanes 11:18 Iomraidhean Croise

Matius 21:17

A séra itula'u-Namé, a mangé witi wanua tua'na Betania. Im witu ni Sia é nimento'mé sana wengi.

Lukas 24:13

In endo itiikan, sé tou zua im wia sé mahkii-kiit si Yesus mahlampang mangé witi wanua Emaus, um woo mapulu' wo esa kilometer im witi Yerusalem.

Yohanes 11:1

Wéwéhan si saki makangaran Lazarus mahento' witi Betania karia ni Maria wo ni Marta sé totoz katuarina.

Yohanes 6:19

Im woo lima kaapa enemna kilométer ung kazou'na um pinanggayuan néra, an ileken nérama si Yesus mahlampangé witu um wawo un zano mahrétémé u londéi sinakéan néra. Ni séra én totoz maindé'.

Wahyu 14:20

Am wua'na an anggor itii ém pahpesuten witi ondol um wanua tua'na. Im witu um pahpesutan itii mahso'so'mé un zaha', ung karakékna é nimakaz witu u semuz ni kawalo wo kazou'na um pahso'so'ana én teluna atus kilometer.

Wahyu 21:16

Um wanua tua'na itii én epat zuhuna, masuat ung kalambo' wo ung kalempazna. Um wanua tua'na itii é niukura ni malaekat itii karia un ipahukur. Ung kalambo'na é mapulu' wo zuana riwu stadia, um woo zuana riwu wo epatna atus kilometer, téntu kangkasii ung kalempaz wo ung karakékna.