Yohanes 10:4 - Taaz Weru Witu u Nunuwu'en Tombulu

⁴ I nimakaondolomé péléng sé domba itii, si memimiara sé domba itii é mahlampanga mahpuuna im wia ni séra wo sé domba itii mahkiita ni sia pahpaan ni séra é mata'u u nuwu' ni memimiara sé domba itii.

Yohanes 10:4 Iomraidhean Croise

Matius 16:24

Ang kuan ni Yesus wia sé pahtuzu'en-Na, “Séi si paaz kumiit ni Aku, ni sia léwo'zéi' in zéi'mo mahgenang ung katou-touanna in esa, masaan u salipna wo kumiit ni Aku.

Yohanes 10:16

Taan ni Aku kangkasii é makaanu sé domba walina sé zéi'kan wia um pahpiaraan kenu. Sé domba itii kangkasii é léwo'zéi' im pahwali-Ku wo ni séra matumalinga u nuwu'-Ku wo ni séra é maéndo sana réwok domba esa memimiara.

Yohanes 10:27

Sé domba-Ku mahtalinga u nuwu'-Ku wo ni Aku mata'u ni séra wo ni séra mahkiit ni Aku.

Yohanes 10:3

Si menénéiz um pepenet um pahpiaraan sé domba é muka um pepenet wia si memimiara sé domba wo sé domba é mahkii-kiit u nuwu'na i ni sia mahtawah u ngaran néra si esa wo si esa wo mahwali ni séra i mondolé.

Yohanes 10:5

Ni séra é soo kumiit si zéi'kan kata'uan néra wo ni séra én tumingkas im wia si tou itii pahpaan u nuwu' ni tou itii zéi'kan kata'uan néra.”

Yohanes 10:8

Péléng sé tou niméyé puunala ni Aku, ni séra é maremu' wo mengangahat taan sé domba itii én zéi'kan mahtalinga ni séra.

Yohanes 12:26

Séi uman si mahpaayang wia ni Aku, ni sia é léwo'zéi' ing kumiit ni Aku wo wisa uman un angéang-Ku, ni sia é léwo'zéi' im witu. Séi uman si mahpaayang wia ni Aku, ni sia é masigi'en ni Ama'.

Yohanes 13:15

Ni Aku mahwéhéma wia ni kamu ung kékéréan, wo ni kamu kangkasii é mahwangunla am winangun-Kumoma wia ni kamu.

Yohanes 18:37

Ang kuan ni Pilatus wia ni Sia, “Sa téntu, ni Ko ndéén éng Kolano?” A si Yesus mingkotla, “Ni ko si kimua i ni Aku éng Kolano. Pahpaano niitu a ni Aku itoumé wo niméyé wia ung kaayahan kenu, wo ni Aku toro kumua a niilek wo tinalinga-Ku tumoro ung kaulitan. Sé tou paaz ung kaulitan itii é mahtalinga ni Aku.”

Yohanes 3:29

Si makaanu si broit é si brédégom, taan si kakaria ni brédégom si rimendai witu u réténa wo mahtalinga ni sia én totoz mahpaa-paaz in timalingamé u nuwu' ni brédégom itii. Téntu kangkasii ni aku, in tarékan u mahpaa-paazku ém wutulo.

1 Korintus 11:1

Wangunela um pahwangunengku tanu ni aku i mahwangun um pahwangunen ni Kristus.

Efesus 5:1

Niitumo, ni kamu in oki' ni Opo Empung sé totoz ikararaaté-Na, ung katou-touan niou é mahkéréla wia si Opo Empung

Ibrani 12:2

Mahweren umana wia si Yesus si mahtu'tul um pa'émanenta wo nimangun um pa'émanenta nimalekep. Ni Sia ezen i nimazézéha witu u salip wo zéi'kan pandungen-Na zozo' niitu makaizangen, ni Sia mahgenang umana u mahpaa-paaz u mapendanen-Na in tumondong. In tarékan ni Sia é rimumezo witu ung kakan u rurumezan ni Opo Empung ing Kolano.

Ibrani 6:20

Si Yesus si kataré-taré nimuntep witu un tampa itii wo nimuka u lalan wia ni kita wo toro muntep witu. Pahpaano niitu, ni Sia é nimaéndomo Walian Wangko' makaz ing kauré-uré mengiit ung katou-touan wo um pakahpaayang ni Melkisedek im puuna.

1 Petrus 2:21

Ni kamu én tinawah-Namé i mahwangun a lé'os zozo' in zézéha. Pahpaan si Kristus kangkasii é nimazézéhamé pahpaan ni kamu wo timula'umoma ung kékéréan ing kiitan niou.

1 Petrus 4:1

Pahpaan si Kristus é nimendanomé an zézéha witu un awak-Na, niitumo ni kamu kangkasii é léwo'zéi' tumégamla karia i mahgenang tanu niitu. Pahpaan séi si nimendanomé an zézéha witu un awakna, ni sia én zéi'mo memua-muali a singkéla'.

1 Petrus 5:3

Tia' wo ni kamu mahpeperénta uman wia sé tou ma'éman sé méitarawésama ni Opo Empung wia ni kamu, taan ni kamu é maéndola kékéréan wangun wia ni séra.