Yohanes 10:34 - Taaz Weru Witu u Nunuwu'en Tombulu

³⁴ Kuan ni Yesus wia ni séra, “Wéwéhan u méipantik witu un ukum Torat niou: si Opo Empung é nimuwu'mo, ‘Ni kamu én tanu empung’.

Yohanes 10:34 Iomraidhean Croise

Yohanes 10:35

Kata'uantamo im péléng a méipantik witu um Pinantik Lenas én zéi'kan mata'u zéi'en makaz ing kauré-uré. Niitumo, sa si Opo Empung kimua ‘empung’ wia sé tou nimakailek u nuwu'-Na,

Yohanes 12:34

A Sia wingkotela né tou lakez, “Ni kai én timalingamo im wana an tinotoz witu un ukum Torat i si Mesias é menou-nou makaz ing kauré-uré. Kura kahuman ni Ko mahkua i si Oki' ni Tou é léwo'zéi' in itooz? Séi si Oki' ni Tou itii?”

Yohanes 15:25

Taan u nuwu' méipantik witu un ukum Torat é léwo'zéi' i malekep: ‘Ni séra é mazi'zis ni Aku, taan zéi'kan siapa zozo' in esa um winangun-Ku u mangun ni séra mazi'zis ni Aku.’

Yohanes 8:17

Im witu un ukum Torat niou é méipantik, sa sé tou zua kimuamo tumoro a niilek wo an tinalinga néra, niitumo un ulit.

1 Korintus 14:21

Im witu un ukum Torat é méipantik u Nuwu' ni Opo Empung, “Mengiité sé tou mahnuwu' karia u nunuwu'en walina, ni Aku é numuwu' wia sé tou-Ku kenu, Taan zozo' in téntu, ni séra én totoz soo in tumalinga ni Aku.”