Yohanes 10:32 - Taaz Weru Witu u Nunuwu'en Tombulu

³² Kuan ni Yesus wia ni séra, “Lakez am paayangen lé'os am wia si Ama'-Ku a méyé, a méipapailek-Ku wia ni kamu. Im wana am pinaayang-Ku itii, wisa u nimangun ni kamu im paaz merit ni Aku?”

Yohanes 10:32 Iomraidhean Croise

Matius 11:5

sé letok én toromo mahilek, sé lailai én toromo mahlampang, sé tinoro ung kusta é lé'oso, sé lunteng é mahtalingamo, sé nimatémo é méitoumomé sumaup wo sé tou zéi'kan siapa apa én timalingamo u Nuwu' Lé'os um wia si Opo Empung a méyé.

Yohanes 10:25

A si Yesus mingkotla wia ni séra, “Mémoikua-Kula wia ni kamu taan ni kamu én zéi'kan ma'éman. Am paayangen pinaayang-Ku karia u ngaran ni Ama'-Ku, nianamo an tumuzu'mé tumoro ni Aku.

Yohanes 10:31

Makasapé' kasii sé tou Yahudi niméndomé watu i merit si Yesus.

Yohanes 10:33

Wingkotela né tou Yahudi itii, “Ni kai paaz merit ni Ko én zéi'kan pahpaan am paayangen lé'os pinaayang-Mu, taan pahpaan ni Ko mahséro' wia si Opo Empung. Wo pahpaan ni Ko, zozo' in tou uman, pahpasuaten-Nu un tou-Mu karia si Opo Empung.”

Yohanes 10:37

Sa ni Aku zéi'kan mahpaayang am paayangen ni Ama'-Ku, tia'mo ma'éman wia ni Aku.

Yohanes 5:36

Taan un tinalinga wo u niilek-Ku é lumouspé'mé u méikua ni Yohanes Menanarani un tinalingana wo u niilekna tumoro ni Aku. An tumuzu'mé itii ém péléng am paayangen méiwéhémé ni Ama' wia ni Aku im paayangeng-Ku. Am paayangen itii kangkasii ém pahpaayangeng-Ku in tarékan, niitumo an tumuzu'mé i ni Aku é méiatumé ni Ama'.

Kisah Rasul-rasul 10:38

Kata'uan niouo tumoro si Yesus tou Nazaret. Ni Sia ém winéhan ni Opo Empung si Roh Lenas wo ung kawasa-Na. A Sia lumampang mahliklik wo mahwangun a lé'os wia sé tou wo mahlé'os péléng sé tou sinelazan ni tonaas né sétang pahpaan si Opo Empung é memali-mali karia-Na.

Kisah Rasul-rasul 2:22

Ang kuan ni Petrus kasii, “É katuari-katuariku tou Israel! Talingana lé'os un ikuakuma kenu: Si Yesus tou Nazaret itii én tinotoz ni Opo Empung. Niitu én toro pa'ileken im wana a makakompo'en wo an zéi'mo kakuaan wo an tumuzu'mé ung kawasa ni Opo Empung. Niana péléng ém winangun ni Opo Empung wia ni kamu mengiité si Yesus, tanu ung kata'uan niou.

1 Yohanes 3:12

Zéi'kan tanu si Kain si wia si léwo' a méyé a munu'la si tuarina. Kaa sia winunu'na? Pahpaan péléng am pahmualinna é léwo' wo am pahmualin ni tuarina én ulit.