Yohanes 10:31 - Taaz Weru Witu u Nunuwu'en Tombulu

³¹ Makasapé' kasii sé tou Yahudi niméndomé watu i merit si Yesus.

Yohanes 10:31 Iomraidhean Croise

Matius 12:14

A mondola sé sana réwok tou Farisi itii a mahesaala i munu' ni Sia.

Matius 21:35

Taan sé atana én tinionan umanla né mememendu itii. Si esa ém winélwél nérala, si esa ém winunu' nérala wo si esa kasii ém winatu nérala.

Matius 23:35

Niitumo, ni kamu én ukumen ni Opo Empung pahpaan am winangun niou wo am winanguné né nimaopo niou i nimahwunu'mé sé tou zéi'kan siapa sinala' rengané wia si Habel, si tou ulit itii makaz wia si Zakharia si oki' ni Berekhya, si winunu' niou witu um pinaselat un tampa lenas wo um pahtunuan a raragés.

Yohanes 1:19

Téntii u méiwingkot ni Yohanes Menanarani im wia sé woopira walian wo sé suzu ni Lewi, sé méiatumé né tonaas né tou Yahudi sé witi Yerusalem, i meligau, “Séi ndéén ko wé?”

Yohanes 10:24

A sé tou Yahudi rumimbungla wia ni Sia a mahkua wia ni Sia, “Makaz sawisa ni kai iwaya-Mu i mahzua-zua genang? Sa ni Ko é Mesias, ipakaulitomé wia ni kai.”

Yohanes 10:32

Kuan ni Yesus wia ni séra, “Lakez am paayangen lé'os am wia si Ama'-Ku a méyé, a méipapailek-Ku wia ni kamu. Im wana am pinaayang-Ku itii, wisa u nimangun ni kamu im paaz merit ni Aku?”

Yohanes 11:8

Sé pahtuzu'en-Na kimuala wia ni Sia, “Méster, zéi'kampé' uré sé tou Yahudi mahwewerité ni Ko karia am watu wo in tarékan kaa ni Ko paazpé' i mawuri witu?”

Yohanes 5:18

Pahpaano niitu sé tonaas né tou Yahudi én totoz mahtututu' i munu' si Yesus, zéi'kan uman pahpaan ni Sia i simala'mola wana an tinotoz witu un endo Sabat, taan kangkasii pahpaan ni Sia ing kimua i si Opo Empung én Ama'-Na wo karia in téntu pinasuat-Namola un tou-Na karia si Opo Empung.

Yohanes 8:59

A séra méndomé watu i merit ni Sia, taan si Yesus én zéi'mo niilek nérama in timula'uma u lésaz um Walé ni Opo Empung.

Kisah Rasul-rasul 7:52

Amoké ikua nioué, im wia sé nabi, séi si zéi'kan zinézéhamé né nimaopo niou? Lumousé niitu, ni séra é nimunu' sé tou sé méiatumé ni Opo Empung sé mahwoka' tumoro si Tou Ulit i méyé. Si Tou Ulit itii é si tinowoan wo winunu' niou.