Yohanes 10:3 - Taaz Weru Witu u Nunuwu'en Tombulu

³ Si menénéiz um pepenet um pahpiaraan sé domba é muka um pepenet wia si memimiara sé domba wo sé domba é mahkii-kiit u nuwu'na i ni sia mahtawah u ngaran néra si esa wo si esa wo mahwali ni séra i mondolé.

Yohanes 10:3 Iomraidhean Croise

Yohanes 10:14

Ni Akumo si memimiara sé domba si lé'os uman wo kata'uang-Ku sé domba-Ku wo sé domba-Ku é mata'u ni Aku,

Yohanes 10:16

Taan ni Aku kangkasii é makaanu sé domba walina sé zéi'kan wia um pahpiaraan kenu. Sé domba itii kangkasii é léwo'zéi' im pahwali-Ku wo ni séra matumalinga u nuwu'-Ku wo ni séra é maéndo sana réwok domba esa memimiara.

Yohanes 10:4

I nimakaondolomé péléng sé domba itii, si memimiara sé domba itii é mahlampanga mahpuuna im wia ni séra wo sé domba itii mahkiita ni sia pahpaan ni séra é mata'u u nuwu' ni memimiara sé domba itii.

Yohanes 10:9

Ni Akumo si pepenet. Séi uman si muntep kimiité ni Aku, ni sia én ipilot im witu un ukuman wana a singkéla'. Ni sia én tanu si domba si muntep wo mondol a makailek kakanen.

Yohanes 6:37

Péléng sé tou méiwéhé ni Ama' wia ni Aku é méyé wia ni Aku wo péléng sé méyé wia ni Aku, sé tou itii é sungkuleng-Ku.

Yohanes 6:45

Wana am pinantik né nabi é méipantik, ‘Ni séra péléng én tuzu'en ni Opo Empung.’ Péléng sé tou sé timalingamo wo nimakaileko an tutuzu' ni Ama' é méyé wia ni Aku.

Roma 8:30

Péléng sé tinotoz-Namo rengané im puuna, ni séra sé tinawah-Na. Ni séra sé tinawah-Na, ni séra kangkasii sé niéndo-Na ulit. Sé niéndo-Na ulit, ni séra itiimo sé sigi'en wo loozen-Na.

1 Korintus 16:9

Pahpaan lakez un oras ni aku i maayang am papaayangen totoz ipahpuu-puuna, zozo' lakez sé soo ni aku.

Filipi 4:3

Pahaléiengku kasii wia si Sunsugos, si kakariaku totoz mahtali-talinga: Pahsawangampé'la si Euodia wo si Sintikhe, wo sé wéwéné zua itii malé'osala. Pahpaan ni séra é simawango ni aku karia ni Klemens wo sé kapaayangku walina i mahwoka' u Nuwu' Lé'os. Pahpaan ni séra péléng é ma'émano wia si Yesus wo nimakaileko ung katou-touan makaz ing kauré-uré, niitumo a ngaran néra é méikapantiko witu ung kitap katou-touan.

Kolose 4:3

Ipahpengaléipé' kasiimé kai, wo si Opo Empung mukamé lalan wia ni kai i mangé mahwoka', wo kai toro makumua u méikawunipé' tumoro si Kristus. Pahpaano i mahwoka' niitu, ni aku in tarékan ém wiapé' um bui.

2 Timutius 2:19

Taan un to'tolan winangun ni Opo Empung én totoz enté', witu um wawona ém pinantikan téntii, “Si Mahpiara én totoz mata'u sé tou anu-Na” wo “Péléng sé tou mahkua i ni sia én anu ni Mahpiara é léwo'zéi' in tumula'ula a léwo'an.”

1 Petrus 1:12

Sé nabi itii éng kinuaan sa am pahtata'un néra én zéi'kan méipapata'u in tumulung uman un tou néra in esa, taan in tumulung ni kamu. Sé nabi itii éng kinawasa ni Roh Lenas si witi kasendukan a méyé i mapata'u u Nuwu' Lé'os tumoro si Yesus wia ni kamu. A méipahtuzu' nérama itiimo ang kapaaz né malaekat im pahtata'un.

1 Yohanes 4:6

Ni kita ém wia si Opo Empung a méyé: Séi si mata'u si Opo Empung, ni sia é mahtalinga ni kita. Séi si zéi'kan wia si Opo Empung a méyé, ni sia én zéi'kan mahtalinga ni kita. Niitu un tumuzu'mé wisa si Roh kaulitan wo wisa si roh mahlululu uman si tou.

3 Yohanes 1:14

Ni aku é mahéré'la i rewek mahilekan kariamu wo sumirita nimasaruan.

Wahyu 20:15

Peléng sé tou sé makangaran un zéi'kan méikapantik witu ung kitap katou-touan itii, méiwerit witu un tasik api melaya-layas itii.

Wahyu 3:20

Ilekené, ni Aku é rimendaio witu u sinaru um pepenet wo mahténgkor. Sa wéwéhan tou tumalingama ni Aku i mahtawah wo mukamé um pepenet, ni Aku é muntep i mahilekan kariana wo ni Aku éng kuman mahwali-wali kariana wo ni sia éng kuman mahwali-wali karia-Ku.

Wahyu 7:17

Pahpaan si Anak ni Domba si rimumez witu un unez u rurumezan ni Kolano itii é mamiara ni séra wo mahwali ni séra i mamelep witi kembu'an u mahwéhémé ung katou-touan. Wo si Opo Empung é misu' péléng a lué' néra.”