Yohanes 10:29 - Taaz Weru Witu u Nunuwu'en Tombulu

²⁹ Si Ama'-Ku, si niméhémé ni séra wia ni Aku, ung kawasa-Na é lumousé péléng am péléng. Wo zozo' in esa én zéi'kan siapa si toro kumahat ni séra im witu u lengen ni Ama'.

Yohanes 10:29 Iomraidhean Croise

Yohanes 10:28

Ni Aku é mahwéhé ung katou-touan makaz ing kauré-uré wia ni séra wo ni séra uli-ulit zéi'kan maléwo' makaz ing kauré-uré wo zéi'kan siapa zozo' in esa si kumahat ni séra im witu u lengen-Ku.

Yohanes 10:30

Ni Aku wo si Ama'-Ku én esa.”

Yohanes 14:28

Ni kamu én timalingamo ni Aku ing kimua wia ni kamu: ni Aku é mangé, taan ni Aku é méyé sumaup wia ni kamu. Sa ni kamu rumaraaté ni Aku, tantumo ni kamu é mahpaa-paaz pahpaan ni Aku é mangé wia si Ama'-Ku, pahpaan si Ama' é lumouspé'mé ni Aku.

Yohanes 17:11

In tarékan ni Aku én zéi'mo mauréma mawurimo sumaup wia si Ama'. Ni Aku én tumula'u ung kaayahan, taan ni séra é memia-miapé' wia ung kaayahan. O Ama' Lenas, téizané séra karia u ngaran ni Ama', niitumo u ngaran méiwéhé ni Ama' wia ni Aku, wo séra maesa tanu ni Aku wo si Ama' nimaesa.

Yohanes 17:2

Si Ama' é niméhémo ung kawasa wia ni Aku ing kumawasa wia péléng sé tou, wo sé tou méiwéhé-Mu wia ni Aku ém wéhang-Ku ung katou-touan makaz ing kauré-uré.

Yohanes 17:6

Ni Aku é nimapata'umoma si Ama' wia sé tou wia ung kaayahan kenu sé méiwéhémo ni Ama' wia ni Aku. Ni séra én anu ni Ama' wo si Ama' é niméhémo ni séra wia ni Aku. Ni séra éng kimiito u nuwu' ni Ama'.

Yohanes 17:9

Ni séra én ipengaléi-Kuma, zéi'kan sé tou walina sé wia ung kaayahan kenu sé ipengaléi-Kuma, taan wia ni séra sé mémoiwéhé ni Ama' wia ni Aku, pahpaan ni séra é anu ni Ama'.

Yohanes 6:37

Péléng sé tou méiwéhé ni Ama' wia ni Aku é méyé wia ni Aku wo péléng sé méyé wia ni Aku, sé tou itii é sungkuleng-Ku.