Yohanes 10:27 - Taaz Weru Witu u Nunuwu'en Tombulu

²⁷ Sé domba-Ku mahtalinga u nuwu'-Ku wo ni Aku mata'u ni séra wo ni séra mahkiit ni Aku.

Yohanes 10:27 Iomraidhean Croise

Matius 16:24

Ang kuan ni Yesus wia sé pahtuzu'en-Na, “Séi si paaz kumiit ni Aku, ni sia léwo'zéi' in zéi'mo mahgenang ung katou-touanna in esa, masaan u salipna wo kumiit ni Aku.

Matius 17:5

Taan i si Petrus karegaspé' mahnuwu', kumompo'mé an tumumpamé u ninahak mahsena' ang kumungkunga wia ni séra. Im witu un untep u ninahak itii tinalingamé u nuwu' kimuamé, “Si Kenumo si Oki'-Ku si ikararaaté-Ku, ni Sia si mahwangun un até-Ku mahpaa-paaz, pahtalingala Sia.”

Matius 25:12

Taan si brédégom nimingkot umané, ‘Uli-ulit ikuakuma wia ni kamu, zéi'kan kata'uangku sa séi kamu.’ ”

Matius 7:23

In toro niitumo ni Aku makaulit ing kumua wia ni séra, ‘Ni Aku én zéi'kan nimahta'u-ta'ula ni kamu! Tumingkasa im witu u sinaru-Ku, ni kamu péléng sé memua-muali a léwo'an!’ ”

Markus 10:21

Taan si Yesus mileka karia u raraatéan wia si tou itii ang kumuama, “Taan, wéwéhampé' un esa un zéi'kampé' winangunmu. Mangémo, ipakawangkéré péléng an anumu wo ipeméténgla wia sé tou zéi'kan siapa apa, karia in téntu ni ko é makailek a sangkum witi kasendukan. Tumondong niitu, mawurimé wia'i wo kumiitomé ni Aku.”

Markus 8:34

A si Yesus tumawahmé sé tou lakez wo sé pahtuzu'en-Na, ang kumua wia ni séra, “Séi si paaz kumiit ni Aku, ni sia én zéi'mo mahgenang ung katou-touanna in esa, masaan u salipna wo kumiit ni Aku.

Lukas 13:27

Taan ni Sia éng kumua wia ni kamu, ‘Ni kamu én zéi'kan kata'uang-Ku wisa a méyé! Tumingkasa im witu u sinaru-Ku, é ni kamu péléng sé memua-muali a léwo'an!’

Lukas 9:23

Ipahkua-Na wia ni séra péléng, “Séi si paaz ing kumiit ni Aku, ni sia én zéi'mo mahkiit ang kapaazna. Sekez in endo é léwo'zéi' i masaan u salipna wo mahkiit ni Aku.

Yohanes 10:14

Ni Akumo si memimiara sé domba si lé'os uman wo kata'uang-Ku sé domba-Ku wo sé domba-Ku é mata'u ni Aku,

Yohanes 10:16

Taan ni Aku kangkasii é makaanu sé domba walina sé zéi'kan wia um pahpiaraan kenu. Sé domba itii kangkasii é léwo'zéi' im pahwali-Ku wo ni séra matumalinga u nuwu'-Ku wo ni séra é maéndo sana réwok domba esa memimiara.

Yohanes 10:8

Péléng sé tou niméyé puunala ni Aku, ni séra é maremu' wo mengangahat taan sé domba itii én zéi'kan mahtalinga ni séra.

Yohanes 12:26

Séi uman si mahpaayang wia ni Aku, ni sia é léwo'zéi' ing kumiit ni Aku wo wisa uman un angéang-Ku, ni sia é léwo'zéi' im witu. Séi uman si mahpaayang wia ni Aku, ni sia é masigi'en ni Ama'.

Yohanes 21:22

Ang kuan ni Yesus, “Sa sia kapaaz-Ku menou-nou makaz ni Aku i mawurimé sumaup, niitu én zéi'kan urusannu. Taan ni ko, kumiitomé ni Aku.”

Yohanes 5:25

Uli-ulit ikua-Kuma wia ni kamu: Un orasna é méyé wo niiamo un orasna i sé tou nimatémo én tumalinga u nuwu' ni Oki' ni Opo Empung wo sé timalingama niitu é matou.

Yohanes 8:12

A si Yesus kumua kasiima wia sé tou lakez itii, “Ni Akumo si sena' ung kaayahan. Si tou mahkiit ni Aku én zéi'kan mahlampang witu ung karimbengbengan taan ni sia makailek u sena' u mahwangun sé tou makailek ung katou-touan makaz ing kauré-uré.”

Yohanes 8:43

Ni kamu zéi'kan makatulap an ipahkua-Ku pahpaan ni kamu é soo tumalinga an ipahkua-Ku.

Kisah Rasul-rasul 3:23

Séi si zéi'kan mahwéhé genang im wana an ipahkua ni nabi itii, si tou itii ém patampasen im wia sé tou ni Opo Empung wo mawunu'en.

1 Korintus 8:3

Taan si tou rumaraaté si Opo Empung, ni sia éng kata'uan ni Opo Empung.

Galatia 4:9

In tarékan ni kamu é mata'umo si Opo Empung, lumouspé'mé niitu si Opo Empung é mata'umo ni kamu. Kaa kamu mawuri uman taré wana an tinotoz an zéi'kan enté' wo zéi'kan siapa apa in iwéhé wo nimayo kasii un tou niou im pahata-atan an tinotoz itii?

2 Timutius 2:19

Taan un to'tolan winangun ni Opo Empung én totoz enté', witu um wawona ém pinantikan téntii, “Si Mahpiara én totoz mata'u sé tou anu-Na” wo “Péléng sé tou mahkua i ni sia én anu ni Mahpiara é léwo'zéi' in tumula'ula a léwo'an.”

Ibrani 3:7

Niitumo, tanu u méikua ni Roh ni Opo Empung witu um Pinantik Lenas, “In endo kenu, sa kamu tumalinga un ipahkua ni Opo Empung,

Wahyu 14:4

Ni séra én tanumokan si tuama zéi'kampé' nimahteke-tekela karia ni wéwéné pahpaan kapaaz néra ung katou-touan néra ém weresi. Ni séra é sé mahkii-kiit si Anak ni Domba wisa uman un angéan-Na. Ni séramo sé tinubus im wia sé tou i maéndo tanu raragés kataré-taré wia si Opo Empung wo si Anak ni Domba.

Wahyu 3:20

Ilekené, ni Aku é rimendaio witu u sinaru um pepenet wo mahténgkor. Sa wéwéhan tou tumalingama ni Aku i mahtawah wo mukamé um pepenet, ni Aku é muntep i mahilekan kariana wo ni Aku éng kuman mahwali-wali kariana wo ni sia éng kuman mahwali-wali karia-Ku.