Yohanes 10:25 - Taaz Weru Witu u Nunuwu'en Tombulu

²⁵ A si Yesus mingkotla wia ni séra, “Mémoikua-Kula wia ni kamu taan ni kamu én zéi'kan ma'éman. Am paayangen pinaayang-Ku karia u ngaran ni Ama'-Ku, nianamo an tumuzu'mé tumoro ni Aku.

Yohanes 10:25 Iomraidhean Croise

Yohanes 10:32

Kuan ni Yesus wia ni séra, “Lakez am paayangen lé'os am wia si Ama'-Ku a méyé, a méipapailek-Ku wia ni kamu. Im wana am pinaayang-Ku itii, wisa u nimangun ni kamu im paaz merit ni Aku?”

Yohanes 10:37

Sa ni Aku zéi'kan mahpaayang am paayangen ni Ama'-Ku, tia'mo ma'éman wia ni Aku.

Yohanes 10:38

Taan sa ni Aku nimangun niitu wo ni kamu soo ma'éman wia ni Aku, pa'émanenola am pinaayang-Ku itii, wo ni kamu toro mata'u wo makatulap i si Ama' é nimaesa karia-Ku wo ni Aku é nimaesa karia si Ama'.”

Yohanes 11:47

A sé tonaas né walian wo sé sana réwok tou Farisi tumawahmé sé tou méikauntep witu u Mahkama Agama i maréwok wo ni séra é mahkua, “Si Tou itii é nimanguno lakez makakompo'en, niitumo apa u léwo'zéi' im wangunenta?

Yohanes 12:37

Zozo' si Yesus nimangun lakez a makakompo'en witu u sinaru néra, taan ni séra én zéi'kan ma'éman wia ni Sia,

Yohanes 14:11

Pa'émanela i ni Aku é nimaesa karia ni Ama' wo si Ama' é nimaesa karia-Ku. Sa ni kamu zéi'kan ma'éman ni Aku pahpaan am pahkua-Ku, pa'émanené ni Aku pahpaan am pinaayang-Ku kenu.

Yohanes 20:30

A makakompo'en walina am winangun ni Yesus an niilek né pahtuzu'en-Na é lakezpé', taan zéi'kan méipantik witu um pinantikan kenu.

Yohanes 3:2

Ni sia niméyé wia si Yesus im wengimo ang kumua, “Méster, kata'uan nai ni Ko i niméyé é méiatumé ni Opo Empung i méster. Pahpaan zéi'kan siapa si tou toro mangun a makakompo'en tanu am pahwangunen-Nu itii sa zéi'kan kinaria ni Opo Empung.”

Yohanes 7:31

Taan im wia sé tou lakez itii lakez sé ma'éman wia ni Sia wo mahkua, “I si Kristus méyé, apa Sia toro mangun a makakompo'en lumakezpé'mé a makakompo'en winangun ni Tou kenu?”

Yohanes 8:12

A si Yesus kumua kasiima wia sé tou lakez itii, “Ni Akumo si sena' ung kaayahan. Si tou mahkiit ni Aku én zéi'kan mahlampang witu ung karimbengbengan taan ni sia makailek u sena' u mahwangun sé tou makailek ung katou-touan makaz ing kauré-uré.”

Yohanes 8:24

Pahpaano niitu ing kataré ni Aku éng kimuama wia ni kamu i ni kamu é maté karia a singkéla' niou. Pahpaan sa ni kamu zéi'kan ma'éman i ni Akumo ni Sia si méipahkua-Kumola, ni kamu é maté karia a singkéla' niou.”

Yohanes 8:56

Si Abraham si nimaopo niou én totoz mahpaa-paaz i ni sia mamilek un endo i ni Aku méyé. Ni sia é nimileko ni Aku i niméyé wo ni sia én totoz mahpaa-paaz.”

Yohanes 8:58

Kuan ni Yesus wia ni séra, “Uli-ulit ikua-Kuma wia ni kamu, puunala si Abraham im wia, ni Aku ém wiamo.”

Kisah Rasul-rasul 10:38

Kata'uan niouo tumoro si Yesus tou Nazaret. Ni Sia ém winéhan ni Opo Empung si Roh Lenas wo ung kawasa-Na. A Sia lumampang mahliklik wo mahwangun a lé'os wia sé tou wo mahlé'os péléng sé tou sinelazan ni tonaas né sétang pahpaan si Opo Empung é memali-mali karia-Na.

Kisah Rasul-rasul 2:22

Ang kuan ni Petrus kasii, “É katuari-katuariku tou Israel! Talingana lé'os un ikuakuma kenu: Si Yesus tou Nazaret itii én tinotoz ni Opo Empung. Niitu én toro pa'ileken im wana a makakompo'en wo an zéi'mo kakuaan wo an tumuzu'mé ung kawasa ni Opo Empung. Niana péléng ém winangun ni Opo Empung wia ni kamu mengiité si Yesus, tanu ung kata'uan niou.

Ibrani 2:3

kura kita in ikapilot sa kita zéi'kan mahwéhé genang witu un ipilot im witu un ukuman wana a singkéla' un totoz wangko' itii? Niitu ing kataré-taré é mémoipahwoka'ma ni Yesus Mahpiara, tumondong niitu, sé tou timalinga niitu in esa im wia si Yesus éng kimua wia ni kita i niitu én ulit.