Yohanes 10:12 - Taaz Weru Witu u Nunuwu'en Tombulu

¹² Taan si pemamaéran uman ni makaanu sé domba wo zéi'kan makaanu sé domba itii én tumingkas tumula'u sé domba itii i mileka si serigala mahéyé. Niitumo sé domba itii é sineza' wo siniru ni serigala.

Yohanes 10:12 Iomraidhean Croise

Matius 10:16

“Gena-genangen! Ni kamu é méiatu-Ku tanu si domba witu un unez né serigala. Niitumo, ni kamu é léwo'zéi' i siga' tanu si ulé' wo lé'os tanu si bombo.

Matius 7:15

Ang kuan kasii ni Yesus, “Mile-ilek im wia sé nabi towo! Ni séra méyé wia ni kamu é mahwangu-wangun lé'os tanu sé domba, taan ndéén ni séra é masuat wo si serigala meneza' tou.

Yohanes 10:13

Si tou itii én timingkas pahpaan si tou itii ém pemamaéran uman wo sé domba itii én zéi'mo pinandungnama.

Yohanes 10:2

Taan si tou mahuntepé mahkiité um pepenet, ni sia é memimiara sé domba.

Yohanes 10:3

Si menénéiz um pepenet um pahpiaraan sé domba é muka um pepenet wia si memimiara sé domba wo sé domba é mahkii-kiit u nuwu'na i ni sia mahtawah u ngaran néra si esa wo si esa wo mahwali ni séra i mondolé.

Kisah Rasul-rasul 20:29

Totoz ing kata'uangku sa kamu itula'ukumoma, sé tou léwo' sé tanumokan sé serigala totoz léwo' é méyé witu un unez niou. Wo ni séra é mahtututu' i mékumayo' sé jamaat sé pahtéizan niou itii.

1 Timutius 3:3

zéi'kan matetewelen, zéi'kan uupi'en taan lé'os uman, paaz mahwangun sé tou malé'osan wo zéi'kan megena-genang uman an zoit.

1 Timutius 3:8

Téntu kangkasii sé diaken, ni séra é léwo'zéi' in tou lé'os sé pahsigi-sigi'en né tou, zéi'kan koliwiles, zéi'kan matetewelen, zéi'kan megena-genang uman an zoit,

2 Timutius 4:10

pahpaan si Demas ém paaz uman am wia ung kaayahan kenu wo timula'umoma ni aku. Ni sia é nimangémo witi Tesalonika. Si Kreskes é nimangémo witi Galatia wo si Titus é nimangémo witi Dalmatia.

Titus 1:7

Si tonaas né jamaat é mahimek um walé ni Opo Empung, niitumo ni sia é léwo'zéi' in zéi'kan siapa pahséro'an, zéi'kan wera', zéi'kan raranguan, zéi'kan matetewelen, zéi'kan tangkoro'en wo zéi'kan uman megena-genang an zoit,

1 Petrus 5:2

Piarala sé domba ni Opo Empung sé wia ni kamu. Tia' karia in totoz pahlusun, taan karia u mahpaa-paaz tanu ung kapaaz ni Opo Empung. Tia' menéro-néro uman ang kauntungan, taan iwéhéla un tou niou in uli-ulit mahsawang.

2 Petrus 2:3

Pahpaan ung kaangkuman né méster towo itii, ni séra é mahtututu' i menéro zoit lakez wia ni kamu karia i mahsirita a sirita winangun néra uman. Taan pahpaan am pahwangunen néra itii, un ukuman wia ni séra én urémo niimek wo un endo si Opo Empung i luméwo' ni séra én zéi'mo isoro'.