Yohanes 10:10 - Taaz Weru Witu u Nunuwu'en Tombulu

¹⁰ Si maremu' é méyé uman i rumemu', munu' wo méluméwo'. Taan ni Aku é niméyé, wo sé tou makailek ung katou-touan, niitumo ung katou-touan linakez ung kamang.

Yohanes 10:10 Iomraidhean Croise

Matius 18:10

“Gena-genangen! Tia' meroros si esaané im wia sé koki' kenu. Pahpaan ikua-Kuma wia ni kamu, wéwéhan sé malaekat mahtéiz ni séra sé witi kasendukan, sé mengile-ngilek uman ung gio ni Ama'-Ku. [

Matius 18:11

Pahpaan si Oki' ni Tou niméyé i mémilot sé tou méikalulu im witu un ukuman wana a singkéla néra.]

Matius 20:28

Téntu kangkasii si Oki' ni Tou i méyé én zéi'kan i selewiren, taan i mésumelewir wo i mayo ung katou-touan-Na in tumubus a singkéla' né tou lakez.”

Matius 21:13

Ang kuan-Na wia ni séra, “Witu um Pinantik Lenas é méipantik in téntii, ‘Um Walé-Ku é mapahkuan walé pahpengaléian.’ Taan winangun niouola wuwunian né maremu'!”

Matius 23:13

Ang kuan kasii ni Yesus, “Ikaléwo'la ni kamu in tou tulap un Torat wo ni kamu i sana réwok tou Farisi, é kamu sé tou mahgau-gau lé'os. Pahpaan sé tou maéndo tou ni Opo Empung ém pahpoka-pokalan niou, un tanumokan i nimeneta um pepenet witi Kakolanoan ni Opo Empung. Ni kamu in esa é soo maéndo tou ni Opo Empung wo sé tou sé paaz maéndo tou ni Opo Empung ém pahapé-apé'an niou. [

Markus 11:17

A Sia mahtuzu' ni séra, kuan-Na, “Witu um pinantik lenas é méipantik in téntii, ‘Um Walé-Ku é mapahkuan walé pahpengaléian péléng né tahsasana wanua.’ Taan winangun niouola wuwunian né maremu'!”

Lukas 19:10

Pahpaan si Oki' ni Tou é méyé i menéro sé tou méikalulu wo milot ni séra im witu un ukuman wana a singkéla'.”

Yohanes 10:1

A si Yesus kumuama, “Uli-ulit ikua-Kuma wia ni kamu: Séi uman si muntep witu um pahpiaraan sé domba zéi'kan mahkiit um pepenet, taan mahlawa'mé witu u réhén, si tou itii é maremu' wo mengangahat an anu né tou walina.

Yohanes 10:11

Ni Akumo si memimiara sé domba si lé'os uman. Si memimiara domba lé'os é mayo ung katou-touanna pahpaan sé dombana.

Yohanes 12:47

Sa si tou timalinga an ipahkua-Ku, taan zéi'kan mahwangun niitu, ni Aku én zéi'kan tumotoz ulit kaapa zéi'kan um pahwangunenna. Pahpaan ni Aku i méyé én zéi'kan i mukum sé tou wia ung kaayahan kenu, taan i milot ni séra im witu un ukuman wana a singkéla'.

Yohanes 12:6

Niitu méikuanama zéi'kan pahpaan ni sia mahwéhé genang wia sé tou zéi'kan siapa apa, taan pahpaan ni sia é maremu'. Ni sia sekezé é mahéndo an zoit méilé'os wia ni sia.

Yohanes 3:17

Pahpaan si Opo Empung nimatumé si Oki'-Na wia ung kaayahan kenu zéi'kan i mémukum sé tou wia ung kaayahan, taan i milot sé tou wia ung kaayahan kenu im witu un ukuman wana a singkéla'.

Yohanes 5:40

Taan ni kamu é soo méyé wia ni Aku i makailek ung katou-touan makaz ing kauré-uré.

Yohanes 6:33

Pahpaan u roti méiwéhémé ni Opo Empung é roti un timumpamé im witi kasendukan wo mahwéhé ung katou-touan wia sé tou wia ung kaayahan kenu.”

Yohanes 6:51

Ni Akumo u roti mahwéhé ung katou-touan um witi kasendukan an tumumpamé. Sa wéwéhan si tou kumana u roti kenu é mamenou-nou makaz ing kauré-uré. U roti iwéhé-Ku én awak-Ku, u maiwéhé-Ku wo sé tou wia ung kaayahan kenu mamenou-nou.”

Roma 2:21

taka-takazan sé tou walina ém pahtuzu'ennu, kaa un toumu in esa én zéi'kan pahtuzu'ennu? Pahtuzu'ennu sé tou, “Tia' mahremu',” kaa ko in esa é mahremu'?

1 Timutius 1:15

A nuwu' kenu én ulit wo uli-ulit toro pa'émanen: “Si Kristus Yesus i niméyé wia ung kaayahan kenu é mémilot sé tou im witu un ukuman wana a singkéla'.” Wo im wia sé tou nimangun a singkéla', ni akumo si totoz lakez a singkéla'.

Ibrani 6:17

Niitumo, si Opo Empung én timiwa' i menté' un taaz-Na. Kapaaz-Na sé tou sé lamakailek un taaz-Na én uli-ulit mata'u i si Opo Empung é mangun a méitaaz-Na.

Ibrani 7:25

Niitumo ni Sia én uli-ulit makawawa i milot péléng sé tou im witu un ukuman wana a singkéla', sé méyé wia si Opo Empung mengiité ni Sia. Pahpaan ni Sia menou-nou makaz ing kauré-uré wo ni Sia zéi'kan mazéi' i mahmengaléi ni séra wia si Opo Empung.

2 Petrus 1:11

Karia in téntu, zéi'kan siapa si mahapé-apé' wia ni kamu i muntep witu ung Kakolanoan ni Opo Empung, um pahwéha-wéhan makaz ing kauré-uré ni Yesus Kristus, Mahpiara, si nimilot ni kita im witu un ukuman wana a singkéla'.