Yohanes 1:50 - Taaz Weru Witu u Nunuwu'en Tombulu

⁵⁰ A si Yesus kumuama, “Apa pahpaan ni Aku ing kimuala, ‘Ni Aku nimilek ni ko simuut witu ung kai ara’, ang ko ma'éman? Ni ko é mamilek a mamuali a lumouspé'mé niitu.”

Yohanes 1:50 Iomraidhean Croise

Matius 13:12

Pahpaan séi si makatulapo, ni sia én awesampé' makaz i malake-lakez, taan séi si zéi'kan makatulap, péléng am wia ni sia ém pakaéndon.

Matius 21:19

An ileken-Nama ung kai ara witu ruruh u lalan, a Sia mangé witu ung kai itii i menéro wua'na. Taan ni Sia én zéi'kan méikaileké wua'na im witu akaz uman an zani'na. Ang kuan-Na witu ung kai itii, “Ni ko én zéi'mo mahwua-wua'la makaz ing kauré-uré!” In toro niitukan ung kai ara itii é rengan i nimaperama.

Matius 25:29

Pahpaan séi si tou wéwéhano, ni sia én awesampé' makaz i malake-lakez. Taan si tou zéi'kan siapa, apa uman um wia ni sia én éndon im wia ni sia.’

Lukas 1:45

Mahpaa-paazla ni ko, pahpaan ma'éman a méikua ni Opo Empung i mamuali.”

Lukas 7:9

In timalingamé u méikuamé ni tonaas né suraro itii, si Yesus é mengusi-ngusingsing pahpaan um pa'émanen ni tonaas né suraro itii én totoz wangko'. A si Yesus sumarula wia sé tou lakez sé kimiité ni Sia, ang kuan-Na, “Ikua-Kuma wia ni kamu, im wia sé tou Israel, ni Aku én zéi'kampé' nimahile-ilekla um pa'émanen tanu ung kawangko' um pa'émanen ni zéi'kan tou Israel kenu!”

Yohanes 1:49

Ang kuan ni Natanael wia si Yesus, “Méster, si Méster én Oki' ni Opo Empung. Si Méster éng Kolano né tou Israel.”

Yohanes 1:51

Ang kuan ni Yesus kasii wia ni sia, “Uli-ulit ikua-Kuma wia ni kamu, ni kamu é mamilek u langit nimawuka wo sé malaekat ni Opo Empung mahsakéma wo mahtumpamé witu u sinaru ni Oki' ni Tou.”

Yohanes 11:40

Ang kuan ni Yesus, “Zéi'kankuaa mémoikua-Kula wia ni ko: sa ko ma'éman ni ko é milek ung kawangko'an ung kawasa ni Opo Empung?”

Yohanes 20:29

Kuan ni Yesus wia ni sia, “Pahpaan ni ko nimilekomé ni Aku, niitumo ni ko ma'éman. Mahpaa-paazla sé tou zéi'kan nimilek taan ma'éman.”