Yohanes 1:45 - Taaz Weru Witu u Nunuwu'en Tombulu

⁴⁵ Si Filipus mangé mahilekan karia ni Natanael ang kumua wia ni sia, “Ni kai é nimahilekano karia ni Tou si mémoipahkuamé ni Musa witu ung kitap Torat wo si mémoipahkuamé né nabi. Ni Sia é si Yesus, oki' ni Yusuf tou Nazaret.”

Yohanes 1:45 Iomraidhean Croise

Matius 10:3

si Filipus wo si Bartolomeus, si Tomas wo si Matius si im puuna menanagi am pajak, si Yakobus oki' ni Alfeus, si Tadeus,

Matius 13:55

Zéi'kankuaa ni Sia én oki' ni bas kai? Zéi'kankuaa si ina'-Na é makangaran Maria, wo sé katuarina é si Yakobus, si Yusuf, si Yudas wo si Simon?

Matius 2:23

I ni séra mémoikaayoma witi Galilea, a séra mento'la witi wanua tua'na makangaran Nazaret. Niitu é nimamuali, wo malekepla u nuwu' ni Opo Empung mengiité sé nabi tumoro si Koki' itii: “Ni Sia éng kuan in tou Nazaret.”

Matius 21:11

A sé tou lakez itii mingkotla, “Si Kenumo si Nabi Yesus si witi Nazaret tana' Galilea a méyé.”

Markus 14:67

I niileknama si Petrus merarang, na'u-na'uannala lé'os ung gio ni Petrus ang kuana, “Ni ko kangkasii sekezé é memali-mali karia ni Yesus si tou Nazaret itii.”

Markus 6:3

Zéi'kankuaa ni Sia ém bas kai uman, oki' ni Maria, wo totoz katuari ni Yakobus, Yoses, Yudas wo ni Simon? Zéi'kankuaa mahwali-wali kariata wia'i sé katuari-Na wéwéné?” Niitumo ni Sia én zéi'kan pa'émanen néra.

Lukas 18:37

Ang kuan néra wia ni sia, “Si Yesus tou Nazaret é lumangkoi.”

Lukas 2:4

Téntu kangkasii si Yusuf, ni sia timula'umé um wanua tua'na Nazaret witi Galilea a mangé witi Yudea witi wanua tua'na ni Daud, u makangaran Betlehem, pahpaan ni sia é suzu ni Daud.

Lukas 2:48

Kaiileka ni Sia, si ama' wo si ina'-Na é mengompo'. Ang kuan ni ina'-Na wia ni Sia, “Tolé, kaa téntu um pahwangunen-Nu wia ni kai? Si ama'-Mu wo si ina'-Mu én totozo paharétan i menéro ni Ko.”

Lukas 24:27

A si Yesus mapata'uma wia ni séra a mémoipantik witu péléng um Pinantik Lenas tumoro ni Sia, rengané witu ung kitap pinantik ni Musa makaz wana ang kitap pinantik né nabi.

Lukas 24:44

Kuan-Na wia ni séra, “Ung kenumo un ikua-Kuma wia ni kamu, a méikua-Kumo wia ni kamu i ni Aku memali-mali karia niou, im péléng a mémoipantik tumoro ni Aku witu ung kitap Torat, um Pinantik né nabi wo witu u Mazmur én totoz malekep.”

Lukas 3:23

I si Yesus maayango um papaayangen-Na i mahtuzu' sé tou, ung katou-touan-Na ém woo teluna pulu' ta'uno. Kata'uan né tou i ni Sia én oki' ni Yusuf, oki' ni Eli,

Lukas 4:22

Péléng sé tou é mahkua am wangun tumoro ni Sia wo mengusi-ngusingsing i mahtalinga ni Sia pahpaan um pahnuwu'en-Na ém wangun, a sé tou mahligau, “Zéi'kankuaa ni Sia si oki' ni Yusuf?”

Yohanes 1:44

Si Filipus én tou Betsaida, téntu kangkasii si Andreas wo si Petrus én tou wana.

Yohanes 12:21

Sé tou itii nimangé wia si Filipus. Si Filipus én tou Betsaida um witi Galilea. Ni séra mahkua wia ni sia, “Tuang, ni kai ém paaz mahilekan karia ni Yesus.”

Yohanes 14:8

Ang kuan ni Filipus wia ni Sia, “Tuang, ituzu'mé wia ni kai si Ama' itii, im wia ni kai niitu én toromo.”

Yohanes 18:5

Kuan néra, “Si Yesus tou Nazaret.” Ang kuan-Na wia ni séra, “Ni Akumo Sia.” Si Yudas si nimangkér ni Sia wia sé kakoro'-Na é rimendai kangkasii witu karia néra.

Yohanes 18:7

A si Yesus lumigau kasiima wia ni séra, “Séi si pahpenéron niou?” Kuan néra, “Si Yesus tou Nazaret.”

Yohanes 19:19

Si Pilatus nimatuma i méhéma witu un atas u salip ni Yesus um papang pinantikan: “Yesus tou Nazaret, Kolano né tou Yahudi”.

Yohanes 21:2

Im witi tembir u louz itii nimaréwok si Simon Petrus, Tomas si pahkuan Kambar, si Natanael tou Kana witi propinsi Galilea, sé zua oki' ni Zebedeus wo sé zua pahtuzu'en-Na walina.

Yohanes 6:42

Kuan néra, “Zéi'kankuaa ni Sia é si Yesus, oki' ni Yusuf, si ina' wo ama'-Na éng kata'uanta? Kura kahuman Sia mahkua, ni Sia én timumpamé im witi kasendukan?”

Yohanes 6:5

I ni Sia nimileka u makaliklik-Na wo mileka lakez sé tou mahéyé wia ni Sia, a Sia kumuala wia si Filipus, “Wisa un toro telesantamé roti, wo séra toro kuman?”

Yohanes 6:7

A si Filipus mingkotla wia ni Sia, “Un zoit zuana atus dinar én zéi'kan awes iteles roti iwéhé wia ni séra zozo' tahkokori'an uman ung kailekan néra.”

Kisah Rasul-rasul 10:38

Kata'uan niouo tumoro si Yesus tou Nazaret. Ni Sia ém winéhan ni Opo Empung si Roh Lenas wo ung kawasa-Na. A Sia lumampang mahliklik wo mahwangun a lé'os wia sé tou wo mahlé'os péléng sé tou sinelazan ni tonaas né sétang pahpaan si Opo Empung é memali-mali karia-Na.

Kisah Rasul-rasul 2:22

Ang kuan ni Petrus kasii, “É katuari-katuariku tou Israel! Talingana lé'os un ikuakuma kenu: Si Yesus tou Nazaret itii én tinotoz ni Opo Empung. Niitu én toro pa'ileken im wana a makakompo'en wo an zéi'mo kakuaan wo an tumuzu'mé ung kawasa ni Opo Empung. Niana péléng ém winangun ni Opo Empung wia ni kamu mengiité si Yesus, tanu ung kata'uan niou.

Kisah Rasul-rasul 22:8

A ni aku mingkotla, ‘Tuang, Séi Ko wé?’ A Sia kumuamé, ‘Ni Akumo si Yesus, tou Nazaret si pahzézéhannu itii.’

Kisah Rasul-rasul 26:9

Im puuna, ni aku kangkasii é mahgenangla i ni aku é léwo'zéi' mahsaru sé tou sé mahwoka' u ngaran ni Yesus, si tou Nazaret itii.

Kisah Rasul-rasul 3:6

Taan si Petrus éng kimuama, “Ni aku én zéi'kan siapa mas kaapa péra'. Taan apa um wia ni aku iwéhéku wia ni ko: Witu u ngaran ni Yesus Kristus si tou Nazaret itii, rumendaiomé wo lumampangoma!”