Yohanes 1:41 - Taaz Weru Witu u Nunuwu'en Tombulu

⁴¹ Si Andreas ing kataré-taré é nimahilekan karia ni Simon si katuarina ang kumua wia ni sia, “Si Mesias éng kinailekan naimo (Mesias ung kalakoana éng Kristus).”

Yohanes 1:41 Iomraidhean Croise

Matius 1:23

“Un ulitna, si raraha itii é mahawa-awak wo tumou si lowai wo ni Sia é ngaranan néra Imanuel.” (Ung kalakoana: Si Opo Empung é menaté-natér ni kita).

Lukas 2:17

I niilekla né memimiara domba si lowai itii, an ikua nérala a méikua ni malaekat tumoro si lowai itii.

Lukas 2:38

Makanuwu'la si Simeon wia si Yusuf wo si Maria, a méyé witu si Hana. A sia mahkua u makasé wia si Opo Empung wo mahkua un tumoro si Koki' itii wia péléng sé tou sé mengento-ngento' si Opo Empung i milot sé tou Israel.

Yohanes 1:45

Si Filipus mangé mahilekan karia ni Natanael ang kumua wia ni sia, “Ni kai é nimahilekano karia ni Tou si mémoipahkuamé ni Musa witu ung kitap Torat wo si mémoipahkuamé né nabi. Ni Sia é si Yesus, oki' ni Yusuf tou Nazaret.”

Yohanes 4:25

Kuan ni wéwéné itii wia ni Sia, “Kata'uangku i si Mesias si pahkuan kasii Kristus é méyé, i ni Sia méyé é mémapata'u péléng am péléng wia ni kai.”

Kisah Rasul-rasul 10:38

Kata'uan niouo tumoro si Yesus tou Nazaret. Ni Sia ém winéhan ni Opo Empung si Roh Lenas wo ung kawasa-Na. A Sia lumampang mahliklik wo mahwangun a lé'os wia sé tou wo mahlé'os péléng sé tou sinelazan ni tonaas né sétang pahpaan si Opo Empung é memali-mali karia-Na.

Kisah Rasul-rasul 4:27

Pahpaan un ulitna wia um wanua tua'na kenu é nimaréwoko si Herodes, si Pontius Pilatus, wo sé tahsasana wanua karia né suzu né Israel i sumaru si Yesus, si Ata-Mu Lenas, si Pinéléng-Mu.

1 Yohanes 1:3

A niilek wo an tinalinga naimo itii én iwoka' nai kasiima wia ni kamu, wo kamu toro maesa karia nai. Wo um pahesa-esaanta ém pahesa-esaan karia ni Ama' wo karia ni Oki'-Na, si Yesus Kristus.