Yohanes 1:4 - Taaz Weru Witu u Nunuwu'en Tombulu

⁴ U Nuwu' ni Opo Empung itii é mahwéhémé ung katou-touan wo ung katou-touan itii é sena' im wia sé tou.

Yohanes 1:4 Iomraidhean Croise

Matius 4:16

sé tahsasana wanua mahento' wana ang karimbengbengan, é nimileko u Sena' Wangko'. Wo im wia ni séra sé mahento' witu un tampa kinawasa um patéan, u Sena' itii é mahsena'moma wia ni séra.”

Lukas 2:32

ni Sia én tanu u sena' i sumena'ma witu u lalan né tahsasana wanua walina, wo ni séra méyé wia ni Ko, u sena' itii é maéndo sisigi'an wo lolooz né tou-Mu, Israel.”

Yohanes 11:25

Ang kuan ni Yesus wia ni sia, “Ni Akumo si tumou sumaup sé nimatémo wo mahwéhé ung katou-touan. Séi uman si ma'éman wia ni Aku, ni sia é mamenou-nou zozo' ni sia nimatémo.

Yohanes 12:35

Kuan ni Yesus wia ni séra, “U sena' én zéi'mo mauréma i mengari-ngaria ni kamu. Lumampangola karegas u sena itii im wiapé' ni kamu, wo ung karimbengbengan tia' kumawasa wia ni kamu. Séi uman si mahlampang witu ung karimbengbengan, ni sia én zéi'kan mata'u wisa um pahsaruanna.

Yohanes 12:46

Ni Aku é niméyé wia ung kaayahan kenu in tou si nimahalimé u sena', wo sé tou sé ma'éman wia ni Aku én zéi'kan mahwitu-witu ung karimbengbengan.

Yohanes 14:6

Kuan ni Yesus wia ni sia, “Ni Akumo si lalan i mangé wia si Opo Empung wo mapata'u ung kaulitan tumoro si Opo Empung wo si mahwéhé ung katou-touan makaz ing kauré-uré. Zéi'kan siapa zozo' in esa si mangé wia si Ama' sa zéi'kan mengiité ni Aku.

Yohanes 3:19

Si tou zéi'kan ma'éman itii é niukum pahpaan ung kenu: U Sena' é niméyémo wia ung kaayahan, taan ung karimbengbengampé' ung kapaaz né tou, pahpaan um pahwangunen néra é léwo'.

Yohanes 5:21

Pahpaan tanu si Ama' én tumou sumaup sé tou nimatémo wo méhé wia ni séra ung katou-touan, téntu kangkasii si Oki' é méhé ung katou-touan wia si séi uman si kapaaz-Na.

Yohanes 5:26

Pahpaan tanu si Ama' si mahkawasa mahwéhémé ung katou-touan, téntu kangkasii si Ama' niméhé ung kawasa wia si Oki'-Na i mahwéhé ung katou-touan.

Yohanes 8:12

A si Yesus kumua kasiima wia sé tou lakez itii, “Ni Akumo si sena' ung kaayahan. Si tou mahkiit ni Aku én zéi'kan mahlampang witu ung karimbengbengan taan ni sia makailek u sena' u mahwangun sé tou makailek ung katou-touan makaz ing kauré-uré.”

Yohanes 9:5

I ni Aku memia-mia ung kaayahan kenu, ni Akumo si sena' ung kaayahan.”

Kisah Rasul-rasul 26:23

Ni séra mahwoka' i si Mesias é léwo'zéi' mazézéha, wo ni Siamo si kataré-taré méitoumé sumaup ni Opo Empung im wia sé nimaté. Wo ni Sia si makumua wia sé tou Yahudi wo sé tou zéi'kan Yahudi tumoro u Nuwu' Lé'os un tanumokan sena' wia ni séra.”

1 Korintus 15:45

Tanu u méipantik witu um Pinantik Lenas in téntii, “Si Adam é si tou kataré winangun ni Opo Empung a sia wéhan-Na ung katou-touan.” Taan si Adam totoz kamurian é si Kristus. Ni Sia é si Roh si mahwéhé ung katou-touan wia sé tou.

Efesus 5:14

Niitumo wéwéhan u méikua, “Tumoozomé, é ni ko si timekel, mawongkémomé im wia sé nimaté wo si Kristus maéndo sena' witu ung katou-touannu.”

Kolose 3:4

Si Kristus si mahwéhémé ung katou-touan wia ni kita. I ni Sia méyé sumaup wia ung kaayahan, ni Sia ém pa'ileken péléng né tou, ni kamu kangkasii é mapa'ileken né tou wo makailek u sigi' wo u looz karia-Na.

1 Yohanes 1:1

Um pinantik kenu én tumoro u Nuwu' ni Opo Empung u mahwéhémé ung katou-touan, um wiamo rengané ing kataré-taré, un tinalinga naimo, u niilek naimo karia um weren nai, um winéhan naimo genang wo um pinahtionan naimomé. Niitumo u méipantik nai an iwéhéma wia ni kamu.

1 Yohanes 1:2

Ung katou-touan itii é méipapaileko wo niitu é niilek naimo wo in tarékan, ni kai é mahwoka' wia ni kamu a niilek wo tinalinga nai tumoro ung katou-touan makaz ing kauré-uré, u memali-mali karia ni Ama' wo u méipapaileko wia ni kai.

1 Yohanes 5:11

Ung kenumo un ipahkua ni Opo Empung tumoro si Oki'-Na: Ni Sia é niméhémomé wia ni kita ung katou-touan makaz ing kauré-uré. Ung katou-touan itii ém wia si Oki'-Na.

Wahyu 22:1

An ipapailek kasiimé ni malaekat itii wia ni aku u so'so'an un zanona é mahwéhé ung katou-touan. Un zanona én totoz léno tanumokan ung kaléno ung kristal. Wo un zano itii é mahso'so' mahondolé witu um wawa' u rurumezan ni Opo Empung ing Kolano wo ni Anak ni Domba.

Wahyu 22:16

Kuan ni Yesus, “Ni Aku, Yesus, nimatumoma si malaekat-Ku i makumua a niilek wo tinalingana tumoro niia péléng wia ni kamu, wo ikua nioula wia sé jamaat. Ni Akumo u suzu, si suzu ni Daud, tototi'en kaendoan, si mahserité totoz sena'.”