Yohanes 1:34 - Taaz Weru Witu u Nunuwu'en Tombulu

³⁴ Ni aku é nimileko ni Sia wo kumuama u niilekku, ‘Ni Siamo si Oki' ni Opo Empung.’ ”

Yohanes 1:34 Iomraidhean Croise

Matius 11:27

A si Yesus kumua kasiima, “Péléng am péléng é mémoiayo ni Ama'-Ku wia ni Aku. Zéi'kan siapa zozo' in esa si mata'u si Oki', akaz uman si Ama' si mata'u si Oki', wo zéi'kan siapa zozo' in esa si mata'u si Ama', akaz uman si Oki' si mata'u si Ama' wo sé tou pinéléng ni Oki' sé makuaan-Na tumoro si Ama'-Na.

Matius 16:16

A mingkotla si Simon Petrus, “Ni Komo si Mesias, Oki' ni Opo Empung si menou-nou.”

Matius 17:5

Taan i si Petrus karegaspé' mahnuwu', kumompo'mé an tumumpamé u ninahak mahsena' ang kumungkunga wia ni séra. Im witu un untep u ninahak itii tinalingamé u nuwu' kimuamé, “Si Kenumo si Oki'-Ku si ikararaaté-Ku, ni Sia si mahwangun un até-Ku mahpaa-paaz, pahtalingala Sia.”

Matius 26:63

Taan si Yesus é memene-menes uman. A si Walian Wangko' itii kumua kasiima wia ni Sia, “Karia u ngaran ni Opo Empung si menou-nou, ikuamé wia ni kai, apa ni Ko é Mesias, si Oki' ni Opo Empung, kaapa zéi'kan?”

Matius 27:40

wo mahkua, “É ni Ko si kumemu um Walé ni Opo Empung wo rumendai niitu sumaup witu un teluna endo, sa Ko uli-ulit Oki' ni Opo Empung, tumumpamomé im witu u salip itii wo tulungela un tou-Mu!”

Matius 27:43

Un tou-Na méiéré'-Na wia si Opo Empung wo mahkua i ni Sia én Oki' ni Opo Empung. In tarékan, ilekentamokan sa si Opo Empung sumawang ni Sia.”

Matius 27:54

Si tonaas né sana atus suraro karia né surarona sé mahtéiz wia si Yesus én totoz maindé' i nimendané un éhzo' wo nimilek péléng a nimamuali, ang kuan néra, “Totoz ulit, si tou kenu én Oki' ni Opo Empung!”

Matius 3:17

An talingané u Nuwu' witi kasendukan ung kimuamé, “Si kenumo si Oki'-Ku si ikararaaté-Ku. Ni Siamo si mahwangun un até-Ku mahpaa-paaz.”

Matius 4:3

A méyé si tonaas né sétang ang kumuama wia ni Sia, “Sa Ko Oki' ni Opo Empung, peréntanoma am watu kenu i mamualima roti.”

Matius 4:6

Ang kuan ni tonaas né sétang wia ni Sia, “Sa Ko Oki' ni Opo Empung, mapanawu'moma, pahpaan méipantik witu Pinantik Lenas in téntii, ‘Tumoro ni Ko, si Opo Empung é meréntamé sé malaekat-Na i mésumikop ni Ko wo un a'é-Mu én zéi'kan ikawasal witu um watu.’ ”

Matius 8:29

A sé sétang simelaz wia ni séra kuméréta, “É Oki' ni Opo Empung! Apa un éyé-Nu wia ni kai? Apa ni Ko niméyé é mézuméha ni kai puunala un oras tinotozo?”

Markus 1:1

Ung kenumo ung kataré-taré witu u Nuwu' Lé'os tumoro si Yesus Kristus, si Oki' ni Opo Empung.

Markus 1:11

An talingané u nuwu' witi kasendukan a méyé, “Ni Komo si Oki'-Ku, si totoz ikararaaté-Ku. Ni Komo si mahwangun ni Aku mahpaa-paaz.”

Lukas 1:35

A sia wingkotela ni malaekat itii, “Ni ko én éyéan ni Roh Lenas, wo ni ko éng kawasan ni Opo Empung si Totoz Rakék. Pahpaano niitu, i si Koki' itii matoumé é mapahkuan né tou i Lenas, si Oki' ni Opo Empung.

Lukas 3:22

an tumumpamé witu um wawo-Na si Roh Lenas tanu si bombo. An talingané u nuwu' witi langit, ung kimuamé, “Ni Komo si Oki'-Ku si ikararaaté-Ku, ni Ko si mahwangun un até-Ku i mahpaa-paaz.”

Yohanes 1:18

Zéi'kan siapa si tou nimahile-ilekola si Opo Empung, akaz uman si Oki'-Na si esa uman si nimileko si Opo Empung. Si Oki'-Na sekezé é mengari-ngaria si Ama' wo ni Siamo si mahtuzu'mé wia ni kita séi si Opo Empung.

Yohanes 1:49

Ang kuan ni Natanael wia si Yesus, “Méster, si Méster én Oki' ni Opo Empung. Si Méster éng Kolano né tou Israel.”

Yohanes 10:30

Ni Aku wo si Ama'-Ku én esa.”

Yohanes 10:36

kaa ni kamu mahkua ni Aku mahséro' wia si Opo Empung pahpaan mahkua ni Aku én Oki' ni Opo Empung? Ni Aku ém pinéléng ni Ama' wo nimatumé ni Aku i méyé wia ung kaayahan.

Yohanes 11:27

Am wingkotela ni Marta, “Éné, Tuang, ni aku ma'éman i ni Komo si Mesias, si Oki' ni Opo Empung, si méyé wia ung kaayahan.”

Yohanes 19:7

Am wingkotela né tou Yahudi itii wia ni sia, “Ni kai ém wéwéhan un ukum Torat wo mengiit an ukum itii ni Sia é léwo'zéi' ukumen i maté. Pahpaan ni Sia éng kimuamola i ni Sia én Oki' ni Opo Empung.”

Yohanes 20:28

A si Tomas mingkotla wia ni Sia, “O Tuang wo Opo Empungku!”

Yohanes 20:31

Taan péléng niia é méipantik wo kamu ma'éman i si Yesus é Mesias, Oki' ni Opo Empung. Wo pahpaan ma'éman wia ni Sia, ni kamu é makailek ung katou-touan makaz ing kauré-uré karia-Na.

Yohanes 6:69

wo ni kai é ma'émano wo mata'u i ni Komo Si Lenas wia si Opo Empung a méyé.”

Roma 1:4

Wo karia ung kawasa ni Roh Lenas ni Sia é méitoumomé sumaup im wia sé nimaté un tumuzu'mé i ni Siamo si Yesus Kristus Mahpiarata, si Oki' ni Opo Empung si mahkawasa.

2 Korintus 1:19

Pahpaan, si Yesus Kristus, si Oki' ni Opo Empung si méipahwoka'ku karia ni Silwanus wo ni Timotius wia ni kamu én zéi'kan mahkua ‘éné’ wo witu ung ginenang én ‘zéi'kan’. Taan im wia ni Sia én akaz uman mahkua ‘éné’.

Ibrani 7:3

Zéi'kan siapa si mata'u séi si ama', si ina' kaapa sé nimaopo ni Melkisedek. Téntu kangkasii zéi'kan méipantik witu um Pinantik Lenas ing kawisa sia nimatou wo ing kawisa sia i nimaté. Ni sia ém pinasuat karia ni Oki' ni Opo Empung, ni sia ém walian makaz ing kauré-uré.

1 Yohanes 2:23

Pahpaan séi si mahkélong si Oki', ni sia kangkasii én zéi'kan makaanu si Ama'. Séi si makaulitla i ma'éman wia si Oki', ni sia kangkasii é makaanu si Ama'.

1 Yohanes 3:8

Séi si memua-mualipé' a singkéla', ni sia ém wia si tonaas né sétang a méyé, pahpaan rengané im puuna si tonaas né sétang én zéi'kan kumana' i memua-muali a singkéla'. Pahpaano niia, si Kristus, si Oki' ni Opo Empung é mapailek un tou-Na, wo am pinaayang ni tonaas né sétang ém pakaléwo'en-Na.

1 Yohanes 4:9

U raraatéan ni Opo Empung é méipapaileké wia ni kita witu ung kenu: Si Opo Empung nimatumé si Oki'-Na si esa uman i méyé wia ung kaayahan wo kita toro makailek ung katou-touan makaz ing kauré-uré mengiité si Oki'-Na itii.

1 Yohanes 5:20

Kata'uanta kasii i si Oki' ni Opo Empung é niméyémo wo niméhémo ung katulapan wia ni kita. Karia in téntu, ni kita mata'u Si Ulit wo maesa karia Si Ulit pahpaan nimaesa karia si Oki'-Na, si Yesus Kristus. Ni Siamo si Opo Empung, si ulit wo si mahwéhémé ung katou-touan makaz ing kauré-uré.

2 Yohanes 1:9

Si tou zéi'kan mahkiit an tutuzu' ni Kristus ang kumiitla an tutuzu' walina, ni sia én zéi'kan makaanu si Opo Empung. Séi si mahkiit an tutuzu' ni Kristus, ni sia é makaanu si Ama' wo si Oki'.

Wahyu 2:18

Ang kuan kasii ni Oki' ni Tou, “Ipantikmu kasiila wo iwéhéma wia si malaekat si wia sé jamaat witi Tiatira in téntii: Kenumo a Nuwu' ni Oki' ni Opo Empung, si makaweren u mahsena' tanumokan u layasna un api wo un a'é-Na é meto-petot tanumokan petotna un tambaga méiluleng witu un api.