Yohanes 1:31 - Taaz Weru Witu u Nunuwu'en Tombulu

³¹ Im puuna, ni aku in esa én zéi'kan mata'u ni Sia, taan ni aku niméyé i mahsarani karia un zano, wo sé tou Israel mata'u séi Sia.”

Yohanes 1:31 Iomraidhean Croise

Matius 3:13

A méyé si Yesus im witi Galilea. Ni Sia mangé witi so'so'an Yordan wia si Yohanes i saranin.

Matius 3:6

Karia i makaulit a singkéla' néra, ni séra pahsaranin ni Yohanes witi so'so'an Yordan.

Lukas 1:17

Si Opo Empung é nimatumé ni sia i mapuunamé wia si Mahpiara wo ni sia ém wéwéhan ung kaenté'an wo ung kawasa tanu si nabi Elia. Ni sia é mangun sé ama' mahlé'o-lé'osan karia né oki' néra, wo sé tou mahsaru si Opo Empung én iwurina witu u lalan kaulitan. Karia in téntu, ni sia é mimek sé tou wo séra wangun i sumungkul si Opo Empung.”

Yohanes 1:30

Ni Sia si paza'ingkula i ni aku mahkua, ‘Wéwéhan si méyé tumondongé ni aku, ni Siapé' si pahpuu-puuna taan ni aku. Pahpaan ni Sia ém wiamo puunala ni aku i nimatou.’

Yohanes 1:32

Tumondong niitu si Yohanes Menanarani mahkua tumoro a niilek wo an tinalingana, kuana, “Ni aku é nimileko si Roh ni Opo Empung timumpamé im witi langit tanu si bombo menéwé-néwél nimento' witu um wawo-Na.

Yohanes 1:33

Wo ni aku in esa im puuna én zéi'kan mata'u ni Sia, taan si Opo Empung si nimatumé ni aku i mahsarani karia un zano éng kimuamo wia ni aku, ‘Sa ko milek si Roh itii timumpama wia si tou wo mento'la wia ni Sia, ni Siamo si mésumarani karia si Roh Lenas.’

Yohanes 1:7

Ni sia i niméyé é mékumua a niilek wo an tinalingana tumoro u sena' itii, wo péléng sé timalingama a méikuana é ma'éman u sena' itii.

Kisah Rasul-rasul 19:4

Ang kuan ni Paulus wia ni séra, “Si Yohanes i mahsarani sé tou én tumuzu'mé i sé tou én timula'umola a singkéla' néra. Ni sia kangkasii éng kimua wia sé tou lakez i ni séra é léwo'zéi' i ma'éman wia si Tou si méyé tumondongé ni sia. Si Tou itii é makangaran Yesus.”