Yohanes 1:29 - Taaz Weru Witu u Nunuwu'en Tombulu

²⁹ Masandonamé, si Yohanes nimilek si Yesus méyé wia ni sia. A si Yohanes kumuala, “Ilekena si Anak ni Domba ni Opo Empung, si zuméi' a singkéla' né tou wia ung kaayahan.

Yohanes 1:29 Iomraidhean Croise

Matius 1:21

Ni sia én tumoumé si lowai wo ni Sia é ngaranannula Yesus, pahpaan ni Siamo si mamilot sé tou-Na im witu un ukuman wana a singkéla' néra.”

Matius 20:28

Téntu kangkasii si Oki' ni Tou i méyé én zéi'kan i selewiren, taan i mésumelewir wo i mayo ung katou-touan-Na in tumubus a singkéla' né tou lakez.”

Yohanes 1:35

Masandonamé si Yohanes Menanarani é rimendai kasii witi tampa itii karia né zua pahtuzu'enna.

Yohanes 1:36

I ni sia mileka si Yesus lumangkoi, ang kuana, “Ilekena si Anak ni Domba ni Opo Empung!”

Yohanes 1:43

Masandonamé si Yesus timotozla i mangé witi Galilea. Im wana ni Sia é nimahilekan karia ni Filipus, a si Yesus kumuala wia ni sia, “Méyémo, kumiitomé ni Aku!”

Yohanes 2:1

Im witu un endo katelu, witi Kana um witi Galilea ém wéwéhan pésta kawéng wo si ina' ni Yesus ém witu.

Yohanes 3:16

Pahpaan si Opo Empung totoz rumaraaté péléng sé tou wia ung kaayahan kenu, niitumo ni Sia timambéré si Oki'-Na si esa uman, wo péléng sé tou ma'éman ni Sia zéi'kan maté, taan makailek ung katou-touan makaz ing kauré-uré.

Yohanes 4:42

A séra kumuala wia si wéwéné itii, “In tarékan ni kai ma'éman én zéi'kan uman pahpaan a méikuamu, taan pahpaan ni Sia si tinalinga naimo in esa wo kata'uan nai i ni Sia si uli-ulit milot sé tou wia ung kaayahan im witu un ukuman wana a singkéla'.”

Yohanes 6:51

Ni Akumo u roti mahwéhé ung katou-touan um witi kasendukan an tumumpamé. Sa wéwéhan si tou kumana u roti kenu é mamenou-nou makaz ing kauré-uré. U roti iwéhé-Ku én awak-Ku, u maiwéhé-Ku wo sé tou wia ung kaayahan kenu mamenou-nou.”

Kisah Rasul-rasul 13:39

Niitumo séi uman si ma'éman wia si Yesus, ni sia é niéndo ulit.

Kisah Rasul-rasul 8:32

Um pinantik pahbacan ni tonaas itii, én téntii, ‘Ni Sia én tanu si domba si pinahali witi tampa pahkerizan, ni Sia kasii én tanu si anak ni domba si memene-menes uman im pahguntingan né tou am wuukna.

1 Korintus 15:3

Pahpaan un totoz ipahpuu-puuna ung kinailekangku é mémoipapaayokuma wia ni kamu, i si Kristus é nimatémo pahpaan a singkéla' pahwangunenta. Niitu é mémoipantik witu um Pinantik Lenas,

2 Korintus 5:21

Si Kristus én zéi'kan nimahwangu-wangunla a singkéla', taan winangun ni Opo Empung, si Kristus masaan a singkéla' winangunta. Téntu um winangun ni Opo Empung wia si Kristus, wo séi uman si ma'éman wia si Kristus, si tou itii én éndon ulit ni Opo Empung witu u sinaru-Na.

Galatia 1:4

Karia um paaz ni Opo Empung si Ama'ta, si Yesus Kristus nimayo un tou-Na in tumubus ni kita im wana a singkéla' pahwangunenta wo milot ni kita im wia ung kaayahan léwo' kenu in tarékan.

Galatia 3:13

Pahpaan ni kita én zéi'kan makawawa i mahkiit péléng un ukum Torat, niitumo ni kita é makailek un epa' ni Opo Empung. Taan si Kristus timubuso ni kita im witu un epa' itii, karia i nimayo un tou-Na sinalip i sumawel ni kita. Pahpaan witu um Pinantik Lenas méipantik téntii, “Si tou niukum sinalip é makailek un epa' ni Opo Empung!”

1 Timutius 2:6

Ni Sia niméhémo un tou-Na in tumubus péléng sé tou. Niitu un tumuzu'mé un endo tinotoz ni Opo Empung.

Titus 2:14

Ni Sia é nimayomola un tou-Na i milot ni kita im wana péléng a léwo'an wo mangun ni kita maéndo tou lenas wo maéndo tou-Na sé zéi'kan mazéi' mahlé'os am wangun.

Ibrani 1:3

Ni Siamo si mahsena'mé u sena' ni Opo Empung wo mengiité ni Sia kita toro milek si Opo Empung. Karia u Nuwu'-Na un totoz mahkawasa, si Yesus mahtéiz péléng am wia ung kaayahan. Kumawusa Sia i miloté sé tou im witu un ukuman wana a singkéla', ni Sia rimumez witu ung kakan ni Opo Empung si totoz wangko' witi tampa totoz rakék.

Ibrani 2:17

Niitumo, wana péléng am péléng ni Sia é léwo'zéi' i maéndo tou uman kasuat né katuari-Na wo ni Sia maéndo Walian Wangko' si totoz rumaraaté wo ni Sia mahwangun péléng a méiatu ni Opo Empung mengiit un ikapaaz-Na im wangunen, i meresi a singkéla' né tou wo séra mawurian sumaup karia ni Opo Empung.

Ibrani 9:28

Téntu kangkasii, si Kristus é makasa uman i mayo un tou-Na i maté zuméi' a singkéla' né tou. Tumondong niitu ni Sia i mawurimé sumaup, zéi'kan in zuméi' a singkéla' né tou taan i méhé ung katou-touan makaz ing kauré-uré wia sé ma'ento' ni Sia.

1 Petrus 1:19

taan ni kamu én tinubuso karia un zaha' ni Kristus un totoz mahal. Si Kristus é masuat wo si anak ni domba si totoz wangun wo zéi'kan siapa um pahséro'an si kerizen in iragés.

1 Petrus 2:24

Ni Sia nimasaan a singkéla'ta karia un tou-Na in esa, i ni Sia nimaté witu u salip. Karia in téntu, ni kita sé nimatémo wana a singkéla'ta én toro ikapiloté im witu ung kawasa a singkéla'ta i menou-nou mahkiit ung kapaaz ni Opo Empung. Wo pahpaan am péla'-Na ni kita é nimalé'os.

1 Petrus 3:18

Pahpaan si Kristus kangkasii é nimaté makasa uman in ziméi' a singkéla'ta. Ni Sia si mahwangun an ulit é nimaté in timubus sé tou mahwangun an zéi'kan ulit, wo kita toro ipahwali-Na wia si Opo Empung. Ni Sia ém winunu' i ni Sia in tou uman, taan ni Sia é méitoumé sumaup ni Roh Lenas im wia sé nimaté.

1 Yohanes 2:2

Ni Sia nimaté nimaéndo raragés, wo a singkéla'ta én ampungan. Zéi'kan uman a singkéla'ta, taan maan a singkéla' péléng né tou sé wia ung kaayahan.

1 Yohanes 3:5

Kata'uan niou, si Kristus i nimapailek un tou-Na i mézuméi' péléng a singkéla', wo im wia ni Sia én zéi'kan siapa a singkéla'.

1 Yohanes 4:10

Ung kenumo u raraaté itii: Zéi'kan ni kita sé rimaraatémo si Opo Empung, taan si Opo Empung si rimaraatémo ni kita wo nimatu si Oki'-Na in zuméi' a singkéla' pahlé'osenta.

Wahyu 1:5

wo um wia si Yesus Kristus si toro pa'émanen i mahkua ang kata'uan-Na tumoro si Opo Empung. Ni Sia si kataré-taré méitoumé sumaup im wia sé nimaté. Wo ni Sia kasii si mahkawasa im wia sé kolano wia ung kaayahan kenu. Ni Sia é rumaraaté ni kita wo nimilot ni kita im wana a singkéla'ta karia un zaha'-Na,

Wahyu 12:11

Sé katuari esa pa'émanen itii kasii éng kimalamoma si tonaas né sétang karia un zaha' ni Anak ni Domba, wo karia un tinalinga wo niilek néra tumoro si Anak ni Domba, un ipahkua néra wia sé tou. Ni séra én zéi'mo pandung ung katou-touan néra in esa makaz séra i maté.

Wahyu 13:8

Si binatang itii ém pahongkotan wo pahsigi'en péléng né tou mahento' wia ung kaayahan, sé rengané ung kaayahan kenu im winangun, a ngaran néra én zéi'kan méipantik witu ung Kitap Katou-touan un anu ni Anak ni Domba, si kinerizo.

Wahyu 14:1

An ilekengkuma si Anak ni Domba rimendai witi kentur Sion wo sé memali-mali karia-Na é sé sana atus epatna pulu' wo epatna riwu tou-Na. Im wana an tungtung né tou itii ém pinantikan u ngaran-Na wo u ngaran ni Ama'-Na.

Wahyu 14:10

én toron un upi' ni Opo Empung. Ni sia én zézéhan karia un api wo um walélang witu saru-sarun né malaekat lenas wo witu u saru-sarun ni Anak ni Domba, tanumokan ni séra nimelep un anggor pa'it zéi'kan sinembor u méitahu' in esa ni Opo Empung witu un eelepan.

Wahyu 14:4

Ni séra én tanumokan si tuama zéi'kampé' nimahteke-tekela karia ni wéwéné pahpaan kapaaz néra ung katou-touan néra ém weresi. Ni séra é sé mahkii-kiit si Anak ni Domba wisa uman un angéan-Na. Ni séramo sé tinubus im wia sé tou i maéndo tanu raragés kataré-taré wia si Opo Empung wo si Anak ni Domba.

Wahyu 15:3

Wo ni séra é mahkantar ung kakantaren ni Musa, si ata ni Opo Empung wo kasii ung kakantaren ni Anak ni Domba, u mahkuamé in téntii, “Wangko' wo zéi'kan kakuaan péléng am pinaayang-Mu, o Mahpiara, Opo Empung, Si Totoz Mahkawasa! Péléng am winangun-Mu én zéi'kan mahsanaweka wo ulit, o Kolano péléng né tahsasana wanua!

Wahyu 17:14

Ni séra éng kumoro' sumaru si Anak ni Domba. Taan si Anak ni Domba éng kumala ni séra, pahpaan si Anak ni Domba itii én Tuang péléng né tuang, wo kasii Kolano péléng né kolano. Wo sé tou sé memali-mali karia ni Anak ni Domba itii kasii éng kumala ni séra. Sé tou itii é sé tinawah, sé pinéléng wo kasii sé zéi'kan mazéi' i ma'éman wia si Opo Empung.”

Wahyu 19:7

Méyémo kita péléng kumérét karia mahpaa-paaz, i sumigi' wo lumooz ni Sia! Pahpaan un endo si Anak ni Domba ing kumawéng é mémoikaayola, wo si kawéngen-Na é nimimeko.

Wahyu 19:9

A si malaekat itii kumuamé wia ni aku, “Ipantikola in téntii, ‘Mahpaa-paazola sé tou kinua i méyé witu um pésta kawéng ni Anak ni Domba.’ ” Ang kuana kasii wia ni aku, “A méikuaku kenu én ulit, ang kenu é Nuwu' wia si Opo Empung a méyé.”

Wahyu 21:14

U ri'riz méiliklik um wanua tua'na itii é méirendai witu u mapulu' wo zua watu to'tolan. Wo wana am wawo am watu to'tolan itii ém pinantikan a ngaran ni esa wo ni esa né mapulu' wo zua aatu ni Anak ni Domba itii.

Wahyu 21:27

Sé tou mahwangun a makati'tiren, kaapa sé mahwangun a makazi'zisen kaapa mahtowo én zéi'kan toro muntep witu um wanua tua'na itii. Taan sé toro muntep witu én akaz uman sé tou a ngaran néra é méipantik witu ung Kitap Katou-touan un anu ni Anak ni Domba itii.

Wahyu 21:9

Tumondong niitu, méyé si esa im wia sé pitu malaekat sé timion am pitu eelepan mawuta-wuta am pitu meléwo' kamurian. A si malaekat itii kumuamé wia ni aku, “Méyémo wia'i, ipapailekku wia ni ko si wéwéné kawéngen ni Anak ni Domba.”

Wahyu 5:6

An ilekengkuma si Anak ni Domba si tanu ing kinerizo, rimendai witu un unez u rurumezan ni Kolano wo né epat tumou-tou, wo sé zuana pulu' wo epat pahtutu'an limiklik ni Sia. Ni Sia ém wéwéhan am pitu sungé wo am pitu weren: niitu é sé pitu Roh ni Opo Empung, sé méiatu-Na i méyé wia péléng ung kaayahan.

Wahyu 5:8

I ni Sia niméndomé ung kitap ginulung itii, sé epat tumou-tou karia né zuana pulu' wo epat pahtutu'an é rengan ing kimuruzla karia i nimongkot witu u sinaru ni Anak ni Domba itii. Ni séra péléng én timion tata'saan ung kecapi wo un eelepan u mas am wangunen a mawuta-wuta ang kamania. Ang kamania itii ém pengaléien né tou ni Opo Empung.

Wahyu 6:1

Tumondongla niitu, ilekengkuma si Anak ni Domba itii nimukama u segel kataré wana am pitu segel itii. An talingangkumé si esaané im wia sé epat tumou-tou itii é mahkérété, ung karimezna én tanumokan un zanina un erut in téntii, “Méyémo!”

Wahyu 6:16

Ni séra é mahkua wana ang kentur wo wana am watu tua'na itii, “Mawuswusomé wia ni kai wo kai ikawunila im wia ni Sia si rimumez witu u rurumezan ing Kolano wo im witu un upi' ni Anak ni Domba itii.”

Wahyu 7:14

Am wingkotengkula, “Zéi'kan ndo'tuu kata'uangku tuang, ni ko in esa si mata'u ni séra.” Ang kuana wia ni aku, “Ni séramo sé limangkoiomé wana an zézéha zéi'mo kakuaan. Wo karia un zaha' ni Anak ni Domba, ni séra kimemesoma ung karai tonton néra makaz nimakulo'.

Wahyu 7:17

Pahpaan si Anak ni Domba si rimumez witu un unez u rurumezan ni Kolano itii é mamiara ni séra wo mahwali ni séra i mamelep witi kembu'an u mahwéhémé ung katou-touan. Wo si Opo Empung é misu' péléng a lué' néra.”