Yohanes 1:26 - Taaz Weru Witu u Nunuwu'en Tombulu

²⁶ A si Yohanes mingkotla wia ni séra, “Ni aku é mahsarani karia un zano, taan witu un unez niou é makarendai ni Sia si zéi'kan kata'uan niou,

Yohanes 1:26 Iomraidhean Croise

Matius 3:11

Ni aku é mahsarani ni kamu karia un zano, un tumuzu'mé ni kamu én timula'umola a singkéla' niou. Taan ni Sia si tumondongé ni aku, ni Siapé' si mahkawasa taan ni aku. Maan i muka uman u sapatu-Na, ni aku én zéi'kan wangun. Ni Sia masumarani ni kamu karia si Roh Lenas wo un api.

Matius 3:6

Karia i makaulit a singkéla' néra, ni séra pahsaranin ni Yohanes witi so'so'an Yordan.

Markus 1:8

Ni aku é mahsarani ni kamu karia un zano, taan ni Sia é sumarani ni kamu karia si Roh Lenas.”

Lukas 3:16

A mingkotla si Yohanes wia sé tou lakez itii, “Ni aku é mahsarani ni kamu karia un zano, taan ni Sia si méyé, ung kawasa-Na é lumouspé'mé ung kawasaku. Maan i mowar uman un tali sapatu-Na ni aku én zéi'kan wangun. Ni Sia é sumarani ni kamu karia si Roh Lenas wo un api.

Yohanes 16:3

Ni séra mahwangun an téntu wia ni kamu pahpaan ni séra én zéi'kampé' mata'u si Ama' wo ni Aku.

Yohanes 17:25

O Ama' si zéi'kan mahsanaweka, sé tou wia ung kaayahan én zéi'kan mata'u si Ama', taan ni Aku é mata'u si Ama' wo sé pahtuzu'eng-Ku kenu é mata'u i si Ama' si nimatumé ni Aku.

Yohanes 17:3

Ung kenumo ung katou-touan makaz ing kauré-uré, i sé tou mata'u si Ama', si Ama' é si Opo Empung si esa uman si ulit wo mata'u ni Aku, si Yesus Kristus si méiatumé ni Ama'.

Yohanes 8:19

Ang kuan néra wia ni Sia, “Wisa wé si Ama'-Mu?” Si Yesus mingkotla, “Ni kamu én zéi'kan mata'u ni Aku wo si Ama'-Ku. Sa kamu mata'u ni Aku, ni kamu kangkasii é mata'u si Ama'-Ku.”

Kisah Rasul-rasul 1:5

Pahpaan im puuna si Yohanes menanarani é mahsarani karia un zano, taan zéi'mo mauréma ni kamu é saranin karia ni Roh Lenas.”

Kisah Rasul-rasul 11:16

Ang kagenangangkula u méikua ni Yesus Mahpiara, ‘Si Yohanes Menanarani é mahsarani sé tou karia un zano, taan ni kamu é saranin karia ni Roh Lenas.’

Kisah Rasul-rasul 19:4

Ang kuan ni Paulus wia ni séra, “Si Yohanes i mahsarani sé tou én tumuzu'mé i sé tou én timula'umola a singkéla' néra. Ni sia kangkasii éng kimua wia sé tou lakez i ni séra é léwo'zéi' i ma'éman wia si Tou si méyé tumondongé ni sia. Si Tou itii é makangaran Yesus.”

1 Yohanes 3:1

Ilekela, ung kawangko' u raraatéan méitambéré ni Ama' wia ni kita, taka-takazan ni kita pahkuan in oki' ni Opo Empung. Wo niitu én ulit i ni kita én oki' ni Opo Empung. Niitumo, sé tou mahkiit u lelo léwo' ung kaayahan én zéi'kan mata'u ni kita, pahpaan sé tou itii én zéi'kan mata'u ni Sia.