Yohanes 1:17 - Taaz Weru Witu u Nunuwu'en Tombulu

¹⁷ Pahpaan un ukum Torat é méiwéhé mengiité si Musa, taan ung kamang tatambér wo ung kaulitan é méyé mengiité si Yesus Kristus.

Yohanes 1:17 Iomraidhean Croise

Yohanes 1:14

U Nuwu' ni Opo Empung itii é nimaéndomo tou wo menou-nou im wia ni kita wo ni kita é nimileko ung kawangko'an-Na. Ung kawangko'an-Na itii éng kinailekan-Na pahpaan ni Sia én Oki' esa uman ni Opo Empung. Wo ni Sia én tumuzu'mé i si Opo Empung én ulit wo ni Sia mahtambéré ung kamang wia ni kita.

Yohanes 14:6

Kuan ni Yesus wia ni sia, “Ni Akumo si lalan i mangé wia si Opo Empung wo mapata'u ung kaulitan tumoro si Opo Empung wo si mahwéhé ung katou-touan makaz ing kauré-uré. Zéi'kan siapa zozo' in esa si mangé wia si Ama' sa zéi'kan mengiité ni Aku.

Yohanes 18:37

Ang kuan ni Pilatus wia ni Sia, “Sa téntu, ni Ko ndéén éng Kolano?” A si Yesus mingkotla, “Ni ko si kimua i ni Aku éng Kolano. Pahpaano niitu a ni Aku itoumé wo niméyé wia ung kaayahan kenu, wo ni Aku toro kumua a niilek wo tinalinga-Ku tumoro ung kaulitan. Sé tou paaz ung kaulitan itii é mahtalinga ni Aku.”

Yohanes 5:45

Ni kamu én tia'mo mahgenangla i ni kamu ém papahsasala'-Ku witu u sinaru ni Ama'. Si mapahsasala' ni kamu é si Musa, ni sia si niéré'an niou.

Yohanes 7:19

Zéi'kankuaa si Musa é niméhémo un ukum Torat wia ni kamu? Taan zéi'kan siapa zozo' in esa im wia ni kamu si mahwangun un ukum Torat itii. Kaa kamu mahtututu' i munu' ni Aku?”

Yohanes 8:32

Ni kamu é mata'u ung kaulitan wo ung kaulitan itii é mangun ni kamu ipilot im witu um pahata-atan.”

Yohanes 9:29

Kata'uan nai si Opo Empung éng kimuamo wia si Musa. Taan tumoro si tou itii, zéi'kan kata'uan nai wisa Sia a méyé.”

Kisah Rasul-rasul 28:23

A séra tumotozla un endo i mahilekan sumaup karia ni Paulus. I méikaayomola witu un endo tinotoz itii, totoz lakez sé tou niméyé witi pahwéha-wéhan ni Paulus. Rengan im woondo makaz im wengindo, si Paulus mahtuzu' wo mahsirita wia ni séra tumoro ung Kakolanoan ni Opo Empung. Wo ni sia kasii mahtututu' i mangun sé tou itii ma'éman tumoro si Yesus mengiité un ukum ni Musa wo ang kitap né nabi.

Kisah Rasul-rasul 7:38

I sé tou Israel witi tana' kapelasan, si Musa kenumo si mahwali-wali karia néra. Ni sia si mahkua wia sé nimaopota u Nuwu' ni Opo Empung u méikuamé né malaekat im witi Kentur Sinai. Ni sia kasii si nimakaileké u Nuwu' ni Opo Empung u mahwéhémé ung katou-touan in ipapaayo wia ni kita.

Roma 6:14

A singkéla' én zéi'mo kumawasa ni kamu, pahpaan ung katou-touan niou én zéi'mo pahata-atan un ukum Torat, taan méipilotomé pahpaan ung kamang tatambér ni Opo Empung.

2 Korintus 1:20

Si Kristus ni Siamo si ‘Éné’ im wana péléng a méitaaz ni Opo Empung. Ni kai mahkua ‘Amin’ pahpaan si Kristus i mahsigi' wo mahlooz si Opo Empung.

Galatia 3:17

Ung kalakoan u méikuakuma itii én téntii: Un pinataazan méikua wia si Abraham im puuna u niénéano ni Opo Empung, zéi'kan mata'u zéi'en karia un ukum Torat, um winangunokan in epatna atus wo teluna pulu' ta'un tumondongé, taka-takazan um pinataazan itii én zéi'mo enté'.

Ibrani 9:22

Mengiit u méipantik witu ung kitap Torat, tawi péléng am péléng én toro weresin karia un zaha'. Wo a singkéla' én zéi'kan wéhan ampungan sa zéi'kan siapa zaha' méikasaroi.