Yohanes 1:14 - Taaz Weru Witu u Nunuwu'en Tombulu

¹⁴ U Nuwu' ni Opo Empung itii é nimaéndomo tou wo menou-nou im wia ni kita wo ni kita é nimileko ung kawangko'an-Na. Ung kawangko'an-Na itii éng kinailekan-Na pahpaan ni Sia én Oki' esa uman ni Opo Empung. Wo ni Sia én tumuzu'mé i si Opo Empung én ulit wo ni Sia mahtambéré ung kamang wia ni kita.

Yohanes 1:14 Iomraidhean Croise

Matius 1:16

Si Yakub makaoki'mé si Yusuf si nimaéndola mahayo ni Maria. Si Maria timoumé si Yesus, si pahkuan kangkasii ing Kristus.

Lukas 2:11

Téntii u Nuwu' Lé'os itii, ‘In endo kenu é nimatoumomé witi wanua tua'na ni Daud, si Milot ni kamu im witu un ukuman wana a singkéla'. Ni Siamo si Kristus, si Mahpiara.’

Lukas 2:7

a sia makaileké si lowai, si oki'na tu'a. Ang kampilennala si lowai itii karia u roko' an ikolo'nala witu u lontang, pahpaan ni séra én zéi'kan méikailekla walé in tulian.

Lukas 9:32

In toro niitu, si Petrus wo sé zua kakariana é nimatekel. I ni séra nimawongkémé, ileken nérama si Yesus é mahsena'ma u sena' ni Opo Empung wo sé zua rimendai witu u rété-Na.

Yohanes 1:1

Ing kataré-taré, puunala ung kaayahan im winangun, u Nuwu' ni Opo Empung ém wiamo. U Nuwu' ni Opo Empung é mengari-ngaria si Opo Empung wo ni Sia é si Opo Empung in esa.

Yohanes 11:40

Ang kuan ni Yesus, “Zéi'kankuaa mémoikua-Kula wia ni ko: sa ko ma'éman ni ko é milek ung kawangko'an ung kawasa ni Opo Empung?”

Yohanes 14:6

Kuan ni Yesus wia ni sia, “Ni Akumo si lalan i mangé wia si Opo Empung wo mapata'u ung kaulitan tumoro si Opo Empung wo si mahwéhé ung katou-touan makaz ing kauré-uré. Zéi'kan siapa zozo' in esa si mangé wia si Ama' sa zéi'kan mengiité ni Aku.

Yohanes 14:9

Kuan ni Yesus wia ni sia, “Filipus, urémo ni Aku i memali-mali karia niou, kura kahuman ni ko zéi'kan mata'u ni Aku? Séi uman si nimileko ni Aku, ni sia é nimileko si Ama'. Kura kahuman ni ko mahkua, ituzu'mé si Ama' itii wia ni kai?

Yohanes 17:22

Ni séra ém winéhang-Kumo ung kawangko'an u méiwéhémé ni Ama' wia ni Aku, wo séra maesa, tanu ni Aku nimaesa karia ni Ama'.

Yohanes 17:24

O Ama', kapaaz-Ku wisa uman un angéang-Ku, ni séra é memali-mali karia-Ku. Ni séra sé mémoiwéhémé ni Ama' wia ni Aku wo ni séra mahileka ung kawangko'an-Ku u mémoiwéhé ni Ama' wia ni Aku, pahpaan si Ama' é rimaraatémola ni Aku puunala ung kaayahan im winangun.

Yohanes 18:37

Ang kuan ni Pilatus wia ni Sia, “Sa téntu, ni Ko ndéén éng Kolano?” A si Yesus mingkotla, “Ni ko si kimua i ni Aku éng Kolano. Pahpaano niitu a ni Aku itoumé wo niméyé wia ung kaayahan kenu, wo ni Aku toro kumua a niilek wo tinalinga-Ku tumoro ung kaulitan. Sé tou paaz ung kaulitan itii é mahtalinga ni Aku.”

Yohanes 2:11

Niitumo u makakompo'en winangun ni Yesus kataré-taré witi Kana um witi Galilea, karia in téntu ni Sia nimapaileko ung kawangko'an-Na wo sé pahtuzu'en-Na ma'éman ni Sia.

Yohanes 3:16

Pahpaan si Opo Empung totoz rumaraaté péléng sé tou wia ung kaayahan kenu, niitumo ni Sia timambéré si Oki'-Na si esa uman, wo péléng sé tou ma'éman ni Sia zéi'kan maté, taan makailek ung katou-touan makaz ing kauré-uré.

Yohanes 3:18

Séi uman si ma'éman ni Sia én zéi'kan ukumen. Taan si zéi'kan ma'éman ni Sia é nimakaileko un ukuman, pahpaan ni sia én zéi'kan ma'éman witu u ngaran ni Oki' ni Opo Empung si esa uman.

Yohanes 6:51

Ni Akumo u roti mahwéhé ung katou-touan um witi kasendukan an tumumpamé. Sa wéwéhan si tou kumana u roti kenu é mamenou-nou makaz ing kauré-uré. U roti iwéhé-Ku én awak-Ku, u maiwéhé-Ku wo sé tou wia ung kaayahan kenu mamenou-nou.”

Yohanes 8:32

Ni kamu é mata'u ung kaulitan wo ung kaulitan itii é mangun ni kamu ipilot im witu um pahata-atan.”

Kisah Rasul-rasul 13:33

linekep-Namola wia ni kita karia in timoumé sumaup si Yesus im wia sé nimaté. Tanu u méipantik witu ung kitap Mazmur kazua in téntii, ‘Ni Komo si Oki'-Ku! In endo kenu ni Aku é nimaéndomo Ama'-Mu.’

Roma 8:3

An zéi'kan kawawaan im wangunen witu un ukum Torat pahpaan ni kita én tou zéi'kan enté' ém winanguno ni Opo Empung. Ni Sia é nimatumé si Oki'-Na in esa in tou uman tanumokan si tou simingkéla', in zuméi' a singkéla' wo méhé ukuman wana a singkéla' witu un awakta.

Roma 9:5

Ni séra é suzu né nimaopota. Si Mesias in tou é nimatoumé wia sé nimaopota wo ni Sia é mahkawasa wana péléng am péléng. Ni Siamo si Opo Empung si léwo'zéi' im pahloozen makaz ing kauré-uré. Amin!

1 Korintus 15:47

Si tou kataré winangun ni Opo Empung én tana' am wangunen. Un tana' itii niéndo wia ung kaayahan kenu. Taan si Kristus si Tou kazua, ém witi kasendukan a méyé.

2 Korintus 12:9

Taan winingkot umané ni Opo Empung, “Ung kamang méitambér-Ku wia ni ko én toromo. Pahpaan, i ni ko zéi'kan enté' ung kawasa-Ku totoz nimalekep.” Niitumo, ni aku mahpaa-paaz i mahlooz un touku in zéi'kan enté', wo kapenda-pendanangku ung kawasa ni Kristus é memali-mali kariaku.

Galatia 4:4

Taan sa méikaayomola witu un orasna, si Opo Empung matumé si Oki'-Na si méitoumé ni raraha wo si Koki' itii é menou-nou mahkiit un ukum Torat.

Efesus 3:8

Wia ni aku, si totoz roros im wia péléng sé tou linenas ni Opo Empung én tinambéran ung kamang i mahwoka' wia sé tou zéi'kan Yahudi u Nuwu' Lé'os tumoro ung kamang totoz lakez ni Kristus un zéi'kan maapu.

Kolose 1:19

Witu um paaz ni Opo Empung péléng a nimalekepo im wia ni Sia ém wiamo si Kristus.

Kolose 2:3

Mengiité si Kristus ni kita én toro mata'umé péléng ang katulapan wo ang kata'uan ni Opo Empung un im puuna é méikawunipé'.

Kolose 2:9

Pahpaan péléng am wia si Opo Empung ém wiamo si Kristus, i ni Sia nimaéndo tou uman.

1 Timutius 3:16

Totoz ulit an tutuzu' ulit ni Opo Empung é mémoipapailek-Na witu um pa'émanenta karia ung kawangko'an-Na: “Ni Sia é nimapailek un tou-Na tanu in tou uman, kinua in ulit ni Roh ni Opo Empung wo nimapailek un tou-Na wia sé malaekat. Tumoro ni Sia é méiwoka' wia péléng sé tahsasana wanua. Ni Sia ém pa'émanen im wia ung kaayahan wo winénéta mangé witi kasendukan karia u sigi' wo looz.”

Ibrani 1:3

Ni Siamo si mahsena'mé u sena' ni Opo Empung wo mengiité ni Sia kita toro milek si Opo Empung. Karia u Nuwu'-Na un totoz mahkawasa, si Yesus mahtéiz péléng am wia ung kaayahan. Kumawusa Sia i miloté sé tou im witu un ukuman wana a singkéla', ni Sia rimumez witu ung kakan ni Opo Empung si totoz wangko' witi tampa totoz rakék.

Ibrani 1:5

Pahpaan wia si séi im wia sé malaekat kinuaano ni Opo Empung un téntii, “Ni Komo si Oki'-Ku! In endo kenu ni Aku kumua i ni Ko én Oki'-Ku?” Wo, “Ni Aku é maéndo Ama'-Na, wo ni Sia é maéndo Oki'-Ku?”

Ibrani 10:5

Niitumo, i si Kristus niméyé wia ung kaayahan kenu, ni Sia éng kimua wia si Opo Empung, “Sé tatamun sé kinerizo wo a raragés walina éng kasoo-Mu taan niimek-Mumo un awak-Ku i maéndo raragés.

Ibrani 2:11

Si Yesus si limenas sé tou ma'éman wo ni séra sé linenas-Na ém péléng wia si Esa Ama' a méyé, ni Siamo si Opo Empung. Niitumo, si Yesus én zéi'kan maizang i mahkua ni séra ing katuari-Na.

Ibrani 5:5

Téntu kangkasii si Kristus, ni Sia én zéi'kan mahsigi' wo mahlooz un touna in esa i maéndo Walian Wangko', taan si Opo Empung si niméléng ni Sia karia ing kimua téntii, “Ni Komo si Oki'-Ku! In endo kenu ni Aku kumua i ni Ko én Oki'-Ku.”

1 Yohanes 4:14

Ni kai é nimileko wo ni kai éng kumuama a niilek nai i si Ama' é nimatumomé si Oki'-Na i milot sé tou wia ung kaayahan im witu un ukuman wana a singkéla'.

1 Yohanes 4:9

U raraatéan ni Opo Empung é méipapaileké wia ni kita witu ung kenu: Si Opo Empung nimatumé si Oki'-Na si esa uman i méyé wia ung kaayahan wo kita toro makailek ung katou-touan makaz ing kauré-uré mengiité si Oki'-Na itii.

2 Yohanes 1:7

Pahpaan im wia ung kaayahan é lakez sé tou mahlululu uman wo soo makaulit i si Yesus Kristus é niméyémo wia ung kaayahan in tou uman. Sé tou itiimo sé melulu, wo kakoro' ni Kristus.

Wahyu 19:13

Ni Sia éng kimarai ung karai tonton u mémoisousou witu un zaha' wo u ngaran-Na é “Nuwu' ni Opo Empung.”

Wahyu 21:3

An talingangkumé u nuwu' totoz rimez kimérété im witi rurumezan ni Kolano kimuamé, “Ilekena, um pahwéha-wéhan ni Opo Empung ém witumo un unez né tou wo ni Sia é mamento' mahwali-wali karia néra. Ni séra é maéndo tou-Na, wo ni Sia é menaté-natér ni séra wo maéndo Opo Empung néra.