Yohanes 1:12 - Taaz Weru Witu u Nunuwu'en Tombulu

¹² Taan péléng sé tou simungkul ni Sia wo ma'éman ni Sia ém winéhan-Na kawasa i maéndo oki' ni Opo Empung.

Yohanes 1:12 Iomraidhean Croise

Matius 10:40

“Séi uman si simungkul ni kamu, ni sia é simungkul ni Aku. Wo séi uman si simungkul ni Aku, ni sia kangkasii é simungkul ni Sia si nimatumé ni Aku.

Matius 12:21

Sé tahsasana wanua é mahéré' uman wia ni Sia.”

Matius 18:5

Séi uman si simungkul si koki' tanu si kenu pahpaan ni sia ma'éman ni Aku, ni sia é simungkul ni Aku.”

Yohanes 1:11

Ni Sia niméyé wia sé tou sé anu-Na, taan sé anu-Na itii é soo sumungkul ni Sia.

Yohanes 1:7

Ni sia i niméyé é mékumua a niilek wo an tinalingana tumoro u sena' itii, wo péléng sé timalingama a méikuana é ma'éman u sena' itii.

Yohanes 11:52

Wo zéi'kan uman wia sé tahsasana wanua itii taan kangkasii i ruméwok wo mapaheesa sé oki' ni Opo Empung sé méikasera.

Yohanes 2:23

I si Yesus witi Yerusalem i lumé'os un endo mahpésta né tou Yahudi um pahkuan Paskah, lakez sé tou ma'éman ni Sia pahpaan ni séra é nimileko a makakompo'en am winangun-Na.

Yohanes 20:31

Taan péléng niia é méipantik wo kamu ma'éman i si Yesus é Mesias, Oki' ni Opo Empung. Wo pahpaan ma'éman wia ni Sia, ni kamu é makailek ung katou-touan makaz ing kauré-uré karia-Na.

Yohanes 3:18

Séi uman si ma'éman ni Sia én zéi'kan ukumen. Taan si zéi'kan ma'éman ni Sia é nimakaileko un ukuman, pahpaan ni sia én zéi'kan ma'éman witu u ngaran ni Oki' ni Opo Empung si esa uman.

Kisah Rasul-rasul 3:16

In tarékan, pahpaan si tou kata'uan niou wo pengile-ngileken niou kenu ma'éman witu u ngaran ni Yesus, niitumo u Ngaran itii nimangun ni sia nimaenté'. Wo um pa'émanenna itii u nimangun ni sia nimalé'os witu u sinaru niou péléng.

Roma 8:14

Péléng sé tou pahahkiten ni Roh ni Opo Empung én oki' ni Opo Empung.

Roma 8:16

Si Roh ni Opo Empung in esa si nimaesamo karia ni roh si wia ni kita é mapailek i ni kita én oki' ni Opo Empung.

Roma 8:19

Pahpaan péléng sé wia ung kaayahan én totoz melelo i ma'ento' un oras i si Opo Empung mapata'u sé maéndo oki'-Na.

Galatia 3:26

Pahpaan ni kamu péléng én oki'mo ni Opo Empung mengiité um pa'émanen niou wia si Yesus Kristus.

Galatia 4:6

Pahpaan ni kamu én oki' ni Opo Empung, niitumo si Opo Empung nimatumé si Roh ni Oki'-Na witu un atéta, si tumawah, “O Abba, o Ama'ku!”

Kolose 2:6

Katuari-katuari, ni kamu é simungkulo si Kristus Yesus, si Mahpiarata. Niitumo ni kamu é léwo'zéi' i menou-nou nimaesa karia-Na.

2 Petrus 1:4

Karia in téntu, ni Sia én timambéro wia ni kita an taaz zéi'kan kakuaan wo totoz wangko' u mangun ung katou-touan niou ikapiloté witu ung genang u mahkiit uman a lelo léwo' un awak niou u mahléwo' ung kaayahan kenu, wo am pahwangunen niou én tanu am pahwangunen ni Opo Empung.

1 Yohanes 3:1

Ilekela, ung kawangko' u raraatéan méitambéré ni Ama' wia ni kita, taka-takazan ni kita pahkuan in oki' ni Opo Empung. Wo niitu én ulit i ni kita én oki' ni Opo Empung. Niitumo, sé tou mahkiit u lelo léwo' ung kaayahan én zéi'kan mata'u ni kita, pahpaan sé tou itii én zéi'kan mata'u ni Sia.

1 Yohanes 3:10

Ang kenumo an tumuzu'mé sé oki' ni Opo Empung wo sé oki' ni tonaas né sétang: Péléng sé tou sé zéi'kan mahwangun ung kaulitan wo kangkasii sé zéi'kan rumaraaté sé katuari néra esa pa'émanen, ni séra én zéi'kan oki' ni Opo Empung.

1 Yohanes 3:2

Katuari-katuari ikararaatéku, in tarékan ni kita én oki' ni Opo Empung, taan zéi'kampé' kata'uanta u mamuali wia ni kita. Taan kata'uanta sa si Kristus mapailekomé un tou-Na, ni kita é maéndo tanu ni Sia. Pahpaan ni kita é mamilek un ulitna ung katou-touan-Na.

1 Yohanes 3:23

Kenumo am perénta-Na: Ni kita é léwo'zéi' i ma'éman u ngaran ni Yesus Kristus, si Oki'-Na, wo ni kita léwo'zéi' i mahraa-raatéan mengiit um perénta méiwéhé ni Kristus wia ni kita.