Yohanes 1:1 - Taaz Weru Witu u Nunuwu'en Tombulu

¹ Ing kataré-taré, puunala ung kaayahan im winangun, u Nuwu' ni Opo Empung ém wiamo. U Nuwu' ni Opo Empung é mengari-ngaria si Opo Empung wo ni Sia é si Opo Empung in esa.

Yohanes 1:1 Iomraidhean Croise

Matius 1:23

“Un ulitna, si raraha itii é mahawa-awak wo tumou si lowai wo ni Sia é ngaranan néra Imanuel.” (Ung kalakoana: Si Opo Empung é menaté-natér ni kita).

Lukas 24:53

Sekezé ni séra ém witi walé ni Opo Empung i lumooz wo sumigi' si Opo Empung.

Yohanes 1:14

U Nuwu' ni Opo Empung itii é nimaéndomo tou wo menou-nou im wia ni kita wo ni kita é nimileko ung kawangko'an-Na. Ung kawangko'an-Na itii éng kinailekan-Na pahpaan ni Sia én Oki' esa uman ni Opo Empung. Wo ni Sia én tumuzu'mé i si Opo Empung én ulit wo ni Sia mahtambéré ung kamang wia ni kita.

Yohanes 1:18

Zéi'kan siapa si tou nimahile-ilekola si Opo Empung, akaz uman si Oki'-Na si esa uman si nimileko si Opo Empung. Si Oki'-Na sekezé é mengari-ngaria si Ama' wo ni Siamo si mahtuzu'mé wia ni kita séi si Opo Empung.

Yohanes 1:2

Ing kataré-taré puunala ung kaayahan im winangun, u Nuwu' ni Opo Empung é mahwali-wali karia ni Opo Empung.

Yohanes 16:28

Ni Aku ém wia si Ama' a méyé wo ni Aku é niméyé wia ung kaayahan kenu. Ni Aku kangkasii én tumula'uma ung kaayahan kenu wo mangé wia si Ama'.”

Yohanes 17:5

Wo in tarékan, o Ama', ipapaileka ung kawangko'an-Ku in Oki'-Mu, karia ung kawangko'an un anu-Ku karia ni Ama' rengan im puuna, puunala ung kaayahan kenu im winangun.

Yohanes 20:28

A si Tomas mingkotla wia ni Sia, “O Tuang wo Opo Empungku!”

Yohanes 8:58

Kuan ni Yesus wia ni séra, “Uli-ulit ikua-Kuma wia ni kamu, puunala si Abraham im wia, ni Aku ém wiamo.”

Roma 9:5

Ni séra é suzu né nimaopota. Si Mesias in tou é nimatoumé wia sé nimaopota wo ni Sia é mahkawasa wana péléng am péléng. Ni Siamo si Opo Empung si léwo'zéi' im pahloozen makaz ing kauré-uré. Amin!

Efesus 3:9

Ni aku kasii én tinambéran ung kamang i mapata'u wia péléng sé tou ung ginenang ni Opo Empung u méikawunipé' itii. Pahpaan ung ginenang itii é méiwuni ni Opo Empung rengan ung kaayahan im winangun-Na, si nimangun péléng am péléng.

Filipi 2:6

Ung katou-touan ni Yesus é masuat karia ung katou-touan ni Opo Empung, taan zozo' in téntu, zéi'kan pahgenangen-Nala ung katou-touan-Na un tanu niitu in anu-Na in esa u léwo'zéi' in tio-tionan-Na,

Kolose 1:15

Si Yesus Kristus én tumuzu'mé si Opo Empung si zéi'kan kailekan, ni Sia si kataré-taré wo ipahpuu-puuna im wia péléng sé winangun ni Opo Empung.

Kolose 1:17

Ni Sia ém wiamo puunala péléng am peléng im winangun, wo ni Sia si mahtu'tul wo mahtéiz niana péléng.

1 Timutius 3:16

Totoz ulit an tutuzu' ulit ni Opo Empung é mémoipapailek-Na witu um pa'émanenta karia ung kawangko'an-Na: “Ni Sia é nimapailek un tou-Na tanu in tou uman, kinua in ulit ni Roh ni Opo Empung wo nimapailek un tou-Na wia sé malaekat. Tumoro ni Sia é méiwoka' wia péléng sé tahsasana wanua. Ni Sia ém pa'émanen im wia ung kaayahan wo winénéta mangé witi kasendukan karia u sigi' wo looz.”

Titus 2:13

Karegas niitu, ni kita ma'ento' un endo mawuta-wuta ung kamang, um pengéré-ngéré'enta i lekepené. Witu un endo itii ni kita é milek ung kawangko'an-Na si Totoz wangko' wo si Yesus Kristus si Milot ni kita im witu un ukuman wana a singkéla'.

Ibrani 13:8

Si Yesus Kristus én zéi'kan nimahwali-walinala, rengané im puuna, in tarékan makaz ing kauré-uré.

Ibrani 7:3

Zéi'kan siapa si mata'u séi si ama', si ina' kaapa sé nimaopo ni Melkisedek. Téntu kangkasii zéi'kan méipantik witu um Pinantik Lenas ing kawisa sia nimatou wo ing kawisa sia i nimaté. Ni sia ém pinasuat karia ni Oki' ni Opo Empung, ni sia ém walian makaz ing kauré-uré.

2 Petrus 1:1

Um pinantik kenu ém pinantikku, Simon Petrus, ata wo aatu ni Yesus Kristus, iwéhé wia sé mahwali-wali karia nai sé ma'émano. Ni kita nima'éman wia si Yesus Kristus pahpaan ni Sia é si Opo Empung wo si nimilot ni kita im witu un ukuman wana a singkéla' wo si zéi'kan mahsanaweka.

1 Yohanes 5:20

Kata'uanta kasii i si Oki' ni Opo Empung é niméyémo wo niméhémo ung katulapan wia ni kita. Karia in téntu, ni kita mata'u Si Ulit wo maesa karia Si Ulit pahpaan nimaesa karia si Oki'-Na, si Yesus Kristus. Ni Siamo si Opo Empung, si ulit wo si mahwéhémé ung katou-touan makaz ing kauré-uré.

1 Yohanes 5:7

Pahpaan telu sé mahkua ang kata'uan néra [im witi kasendukan: Si Ama', u Nuwu' ni Opo Empung wo si Roh Lenas wo sé telu itii én esa.

Wahyu 1:11

Un zanina én téntii, “Ipakapantikla witu ung kitap péléng an ipapailek-Ku wia ni ko wo iwéhéma wia sé pitu jamaat sé witi: Efesus, Smirna, Pergamus, Tiatira, Sardis, Filadelfia wo sé witi Laodikia.”

Wahyu 1:17

I ni aku nimileka ni Sia, a ni aku ikakepama witu rété un a'é-Na, tanumokan sé nimatémo, taan ni Sia é zimeta'mé u lengen-Na kakan wia ni aku, ang kumua, “Tia'mo maindé'! Ni Akumo Si Kataré-taré wo Si Kamurian,

Wahyu 1:2

Si Yohanes é mahkua péléng a niilek wo an tinalingana tumoro a Nuwu' ni Opo Empung wo péléng a mémoipapailek ni Yesus Kristus, a niileknamo.

Wahyu 1:8

Si Opo Empung kimua, “Ni Aku én Alfa wo Omega, ung kalakoana é si Kataré-taré wo si Kamurian. Ni Aku ém wiamo rengané im puuna, in tarékan wo in tumondong. Ni Aku én Totoz Mahkawasa.”

Wahyu 19:13

Ni Sia éng kimarai ung karai tonton u mémoisousou witu un zaha' wo u ngaran-Na é “Nuwu' ni Opo Empung.”

Wahyu 2:8

Ang kuan kasii ni Oki' ni Tou, “Ipantikmula wo iwéhéma wia si malaekat si wia sé jamaat witi Smirna in téntii: ‘Kenumo a Nuwu' am wia Si Kataré-taré wo Si Kamurian a méyé, si nimatémoma taan méitoumé sumaup.

Wahyu 21:6

Kuan-Na kasii wia ni aku, “Niana péléng é nimamualimoma. Ni Akumo Si Alfa wo Si Omega, Si Kataré-taré wo Si Kamurian. Séi si maré'o, ni sia én tambérang-Ku un zano elepen, u mahondolé witu ung kembu'an u mahwéhémé ung katou-touan.

Wahyu 22:13

Ni Akumo Si Alfa wo Si Omega, Si Kataré-taré wo Si Kamurian, ni Aku ém wiamo rengané Im Puuna wo makaz Ing Kauré-uré.”

Wahyu 3:14

Ang kuan kasii ni Oki' ni Tou, “Ipantikmula wo iwéhéma wia si malaekat si wia sé jamaat witi Laodikia in téntii: ‘Kenumo a Nuwu' am wia Si Amin, Si toro pa'émanen wo ulit i mahkua ang kata'uan-Na tumoro u Nuwu' ni Opo Empung, wo péléng am winangun ni Opo Empung ém wia ni Sia a méyé.