Yakobus 5:9 - Taaz Weru Witu u Nunuwu'en Tombulu

⁹ Katuari-katuari, ni kamu én tia' mema'o-ma'os wo mahpasasala' si esa wo si esa, wo kamu zéi'kan ukumen. Si mahtotoz am winangun né tou in ulit kaapa zéi'kan é rimendaio witu um pepenet.

Yakobus 5:9 Iomraidhean Croise

Matius 24:33

Téntu kangkasii, sa péléng a méikua-Ku ém pahileken niouola, kata'uan nioula sa un oras si Oki' ni Tou i méyé é lelezo, tanumokan witumo ung kauntepané.

Markus 13:29

Téntu kangkasii, sa péléng a méikua-Ku ém pahileken niouola, kata'uan nioula sa un oras si Oki' ni Tou i méyé é lelezo, tanumokan witumo ung kauntepané.

Markus 6:19

Niitumo si Herodias éng gimenang léwo' wia si Yohanes wo mahwuwunu' ni sia. Taan ung ginenangna én zéi'kampé' kawangunanna,

1 Korintus 10:11

Péléng a nimamuali wia sé nimaopota itii, nimaéndo tanu ang kékéréan wia ni kita. Péléng niana é méipantik i mapagenang wia ni kita in tarékan, sé menou-nou wana an endo kaakazan ung kaayahan.

1 Korintus 4:5

Niitumo, ni kamu én tia'mo mahtotoz si tou simala' kaapa zéi'kan, niitu én zéi'kampé' orasna. Un orasna é si Mahpiara i mawurimé sumaup. In toro niitu, péléng an ipahwuni-wuni wana ang karimbengbengan én ipapailek-Na. Ituzu'-Na péléng ang ginenang ni tou. Tumondong niitu si esa wo si esa é loozen ni Opo Empung mengiité am pinahwanguna.

2 Korintus 9:7

Péléng sé tou é léwo'zéi' i mahwéhé a sasawang mengiit ung kapaazna. Tia' mahwéhé a sasawang sa niitu é mahwangun uman un até i rumara kaapa im pahlusun, pahpaan si Opo Empung é rumaraaté sé tou mahwéhé karia i mahpaa-paaz.

Galatia 5:14

Pahpaan péléng un ukum Torat ém pinakasamo witu u Nuwu' ni Opo Empung kenu, “Iraraatéla si kasuat tou tanu ko rumaraaté un toumu in esa.”

Galatia 5:26

Tia' kita maloozan, wo tia' kita mahpapasu'an wo mahtétéutéuan.

Yakobus 4:11

Katuari-katuari, tia' kamu mahtatawurukan! Séi si mahtawuruk kaapa mapahsasala' si katuarina esa pa'émanen, ni sia é mahtawuruko wo mapahsasala'mo un ukum ni Opo Empung. Wo sa ko mapahsasala' un ukum itii, ni ko én zéi'kan mahwangun un ukum itii taan nimaéndomo menonotoz ulit kaapa zéi'kan un ukum itii.

Yakobus 4:12

Si Opo Empung si mahkawasa i milot sé tou im witu un ukuman wana a singkéla' wo luméwo' sé tou, ni Sia uman si mahwangun an ukum wia sé tou wo si Mahtotoz sé tou. Taan, séi ndéén ko wé akaz ko paaz i mahtotoz si kasuat tou?

Yakobus 5:10

Katuari-katuari, kéréala an zézéha wo ang kaezenan né nabi sé nimuwu'mola witu ngaran ni Mahpiara.

Yakobus 5:7

Pahpaano niitu, katuari-katuari, meze-ezenla makaz si Mahpiara i mawurimé sumaup. Si mahuma én ezen i ma'ento' am wua'na am wéwéhan torona im witu un umana. Ni sia kasii én ezen i ma'ento' un uzan in tumumpamé oras in tumanem wo un uzan in tumumpamé in oras i mahwua'.

1 Petrus 4:5

Taan ni séra é léwo'zéi' i lamakaulit péléng am winangun néramé wia si Opo Empung. Ni Sia é nimimeko in tumotoz ulit kaapa zéi'kan am pinahwanguné né tou, sé menou-noupé' wo sé nimatémo.

1 Petrus 4:9

Pahsungkulela si tou mangémé witi walé niou karia in zéi'kan mema'o-ma'os.

Wahyu 3:20

Ilekené, ni Aku é rimendaio witu u sinaru um pepenet wo mahténgkor. Sa wéwéhan tou tumalingama ni Aku i mahtawah wo mukamé um pepenet, ni Aku é muntep i mahilekan kariana wo ni Aku éng kuman mahwali-wali kariana wo ni sia éng kuman mahwali-wali karia-Ku.