Yakobus 5:8 - Taaz Weru Witu u Nunuwu'en Tombulu

⁸ Ni kamu kasii é léwo'zéi' i mezenla wo menté'la un até, pahpaan si Mahpiara i mawurimé sumaup én zéi'mo uré.

Yakobus 5:8 Iomraidhean Croise

Lukas 21:19

Sa ni kamu ezen, ni kamu é makailek ung katou-touan makaz ing kauré-uré.”

Yohanes 21:22

Ang kuan ni Yesus, “Sa sia kapaaz-Ku menou-nou makaz ni Aku i mawurimé sumaup, niitu én zéi'kan urusannu. Taan ni ko, kumiitomé ni Aku.”

Roma 8:25

Taan sa um pahéré'anta én zéi'kan pahilekenta, ni kita é léwo'zéi' in ezen i ma'ento' niitu.

Galatia 5:22

Taan sé tou mahkiit um paaz ni Roh Lenas é mahwangun ang kenu: rumaraaté, mahpaa-paaz, mahlé'o-lé'osan, ezen, lé'os uman, paaz mahsawang si kasuat tou, enté' witu um pa'émanen,

Filipi 4:5

Mahtututu'la wo ung kalé'osan un até niou éng kata'uana péléng né tou. Pahpaan un endo si Yesus Mahpiara i mawurimé sumaup éng kaleleznamo.

1 Tesalonika 1:10

Ni séra kasii sé simirita tumoro kura kamu i ma'ento' si Yesus, si Oki' ni Opo Empung si witi kasendukan wo méyé, si méitoumé sumaup ni Opo Empung im wia sé nimaté, si milot ni kita sé ma'éman wia ni Sia im witu un upi' ni Opo Empung u méyé in tumondong.

1 Tesalonika 2:19

Pahpaan sa zéi'kan ni kamu, séipé' taré sé pahéré'an nai wo mangun ni kai mahpaa-paaz wo ipahloo-looz nai witu u sinaru ni Yesus, si Mahpiarata, i ni Sia méyé sumaup?

1 Tesalonika 3:13

Mengalé-ngaléi uman, si Opo Empung Ama'ta é menté' un até niou, wo ni kamu zéi'kan siapa pahséro'an wo lenas im witu u sinaru-Na, i si Yesus si Mahpiarata mémahwali-wali karia péléng sé tou linenas-Na.

2 Tesalonika 3:5

Mengalé-ngaléi uman ni kamu ém penawa-nawangané ni Mahpiara, wo ni kamu kalousna ma'éman i si Opo Empung é rumaraaté ni kamu, wo ni kamu ezen i ma'éman tanu ung kaezenan ni Kristus im pahzézéhan.

Yakobus 5:3

A mas wo am péra' niou én tina'ingkéré'ano. An ta'ingkéré'na itii a mapailek ang kasumalaan niou wo luméwo' un tou niou tanu un api. Ni kamu é mahréwok uman a sangkum wia ung kaayahan wana an endo merétémoma ung kaakazan ung kaayahan.

Yakobus 5:9

Katuari-katuari, ni kamu én tia' mema'o-ma'os wo mahpasasala' si esa wo si esa, wo kamu zéi'kan ukumen. Si mahtotoz am winangun né tou in ulit kaapa zéi'kan é rimendaio witu um pepenet.

1 Petrus 4:7

Ung kaakazan ung kaayahan é lelezokan. Niitumo, pahimikela ung katou-touan niou wo tuméga-tégam, wo kamu toro uli-ulit i mengaléi.

Wahyu 22:20

Ni Sia si kimua a niilek wo tinalinga-Na tumoro niana péléng éng kimuamé, “Éné, ni Aku zéi'mo uré é méyémo!” Niitumo ni aku, Yohanes éng kumuama, “Amin. Méyémo, o Yesus Mahpiara!”