Yakobus 5:5 - Taaz Weru Witu u Nunuwu'en Tombulu

⁵ Ni kamu im wia ung kaayahan kenu é menou-nou wana ang kawa'ilanan wo mahkiit uman am paaz niou. Ni kamu é nimahwuwutulola ang kapaaz an até niou, tanu si tatamun i mapahrerembuz un touna i makerizen witu un endo ing kumeriz.

Yakobus 5:5 Iomraidhean Croise

Lukas 16:19

A si Yesus sumirita kasii un aandéan, kuan-Na, “Wéwéhan si tou wa'ilan si mahkara-karai ang karai tonton monong, un totoz wangun wo mahal. Sekez in endo ni sia éng kiit uman um paazna i mapailek ang kawa'ilananna.

Lukas 16:25

Taan si Abraham é nimingkot umané in téntii, ‘É oki'ku, amoké genangenula! Im puuna i ni ko menou-noupé', ni ko é nimakailekomé péléng am wangun. Taan si Lazarus ndootuu i menou-noupé', ang kinailekanamé ém péléng an zéi'kan wangun. Taan in tarékan ni sia é sénango im wia'i wo ni ko kahuman én zézéha im wana.

Roma 13:13

Méyémo kita menou-nou karia im wangun tanu am pahwangunen né tou in endo. Tia' memésta-mésta uman wo mapahtetewelen, tia' mahsamek wo mahkiit uman a lelo léwo' un awak. Tia' mahéndo-éndoan wo mahtétéutéuan si esa wo si esa.

1 Timutius 5:6

Taan si wéwéné mahesa-esamokan si menou-nou mengiit uman um paazna in esa, zozo' sia i menou-noupé' taan ni sia é masuatokan i nimatémo.

2 Timutius 3:4

Ni séra ém paaz mahayo sé kakaria wia sé kakoro', potot pakahgena-genang, mahwangu-wangun mata'u, mahkiit uman u lelo léwo' un awak in esa wo zéi'kan mahkiit um paaz ni Opo Empung.

2 Petrus 2:13

wo mamendan an zézéha pahpaan a léwo'an pahlé'osen néra. Ung kapaaz néra é mahkan wo mahelep zéi'kan kaimekan, zozo' in endo. Ni séra én tanu a sezingna wo rimberek, pahpaan sa séra mahkan mahwali-wali karia niou, ni séra én zéi'kan mazéi' i mahtowo wia ni kamu.

Yudas 1:12

Ni séra én tanu a sezingna im wia ni kamu. Pahpaan i ni kamu mahkan mahwali-wali ing gumenang u raraatéan ni Opo Empung, ni séra én zéi'mo siapa izangna i mahkan wo zéi'kan mahgenang sé tou walina. Ni séra én tanu a ninahak zéi'kan mamuali uzan un ipahwali-wali uman u reges. Ni séra én tanu uman ung kai zéi'kan mahwua' im witu un oras i mua', um winutwutan an ahmutna wo uli-ulit nimaté.

Wahyu 18:7

Kalakez ang kaloozan wo ang kawa'ilanan pinahpé'ananamé, téntu kangkasii ung kalakez an zézéha wo a merara un até iwéhé nioula wia ni sia. Pahpaan witu un aténa, ni sia sekezé é mahkua in téntii, ‘Ni aku éng kolano wéwéné si rimumez witu u rurumezangku ing kolano! Ni aku én zéi'kan wéwéné mahesa-esamokan, wo un atéku én zéi'kan mahpenda-pendanla u rumara pahpaan im pinatéana ni mahayo.’