Yakobus 5:4 - Taaz Weru Witu u Nunuwu'en Tombulu

⁴ Sé tou nimaayang un umamu én zéi'kan pahwaérannu. In tarékan én talingana am pa'os néra. Sé tou nimupu' witu un umamu é mahkérét mekisawang, wo an ipahkérét néra én tinalingamoma ni Mahpiara, si Opo Empung mahkawasa.

Yakobus 5:4 Iomraidhean Croise

Matius 9:37

Ang kuan ni Yesus wia sé pahtuzu'en-Na, “An upu'en é lakez, taan sé mupu' én toyo' uman.

Lukas 18:7

Si Opo Empung é sumawang um pahéndo-éndoan né tou-Na sé endo wo wengi én zéi'kan kumana' i mahtawah ni Sia. Wo ni Sia én zéi'kan mahuré-uré i sumawang ni séra.

Roma 9:29

Si nabi Yesaya kangkasii éng kimua in téntii, “Si Opo Empung, si Tonaas né witi langit én timula'uma sé suzu wia ni kita. Sa zéi'kan téntu, ni kita péléng ém pinakaléwo'-Namo tanu sé tou witi Sodom, wo ni kita é mamuali tanu sé tou witi Gomora.”

Kolose 4:1

É kamu in tuang, mapailekla an ulit wo tia' mahtémbo-témbo wia sé ata niou. Gena-genangen, ni kamu in tuang kangkasii ém wéwéhan si tuang im witi kasendukan.