Yakobus 5:3 - Taaz Weru Witu u Nunuwu'en Tombulu

³ A mas wo am péra' niou én tina'ingkéré'ano. An ta'ingkéré'na itii a mapailek ang kasumalaan niou wo luméwo' un tou niou tanu un api. Ni kamu é mahréwok uman a sangkum wia ung kaayahan wana an endo merétémoma ung kaakazan ung kaayahan.

Yakobus 5:3 Iomraidhean Croise

Kisah Rasul-rasul 2:17

‘Wana an endo kamurian, si Roh-Ku én iwéhé-Ku wia péléng sé tou. Wo sé oki' niou sé tuama wo wéwéné é mapata'u wia sé tou a méikua-Ku wia ni séra. Sé tarétumou wo sé raraha niou ém wéwéhan un ipapailek ni Opo Empung, wo sé tu'a ém wéhan ni Opo Empung un ipi.

Roma 2:5

Pahpaan ung kaketéhan un atému i soo tumula'u a singkéla', niitu u nimangun uman taré un upi' ni Opo Empung éng kalousna im wia ni ko, makaz ni Sia mapailek un ukuman-Na un zéi'kan mahsanaweka wia ni ko witu un endo tinotoz-Namo.

2 Timutius 2:17

A nunuwu'en néra é mahlangkou tanu ung kangker. Si Himeneus wo si Filetus é méikauntep wia ni séra.

2 Petrus 3:3

Un ipahpuu-puuna ing kata'uan nioula én téntii: Im wana an endo kaakazan ung kaayahan, mahondolé sé tou tampenéro' karia a séséro' néra, sé menou-nou mahkiit uman a lelo léwo' un awak.

Wahyu 17:16

U mapulu' sungé un niilekmumé wo kasii si binatang makaindé'en itii é mazi'zis si wéwéné sangaya itii. Péléng a sangkum ni wéwéné itii éng kahaten néra wo ni sia én tangkolan néra. Ni séra é sumeza' u lé'ona ni wéwéné itii wo luma'ung ni sia.

Wahyu 20:15

Peléng sé tou sé makangaran un zéi'kan méikapantik witu ung kitap katou-touan itii, méiwerit witu un tasik api melaya-layas itii.

Wahyu 21:8

Taan sé tou talo, sé zéi'kan ma'éman, sé mahwangun a makati'tiren, sé memumunu' tou, sé tou samek, sé meriara, sé mahongkot wo mahsigi' wia sé opo-opo wo péléng sé tantowo, ni séra péléng én ukumen iwerit witu un tasik api wo walélang melaya-layas. Ung kenumo um patéan kazua.”