Yakobus 5:20 - Taaz Weru Witu u Nunuwu'en Tombulu

²⁰ kata'uan nioula, séi si nimangunla si tou mahsingkéla' timula'umé u lalan simala' a mawurila sumaup witu u lalan kaulitan, si tou itii é nimilotola si roh ni tou itii im witu um patéan wo nimangun lakez a singkéla'na niampungan.

Yakobus 5:20 Iomraidhean Croise

Yohanes 5:24

Uli-ulit ikua-Kuma wia ni kamu: Séi uman si timalinga u méikua-Ku wo ma'éman wia ni Sia si nimatumé ni Aku, si tou itii é makailek ung katou-touan makaz ing kauré-uré wo zéi'kan makailek un ukuman, pahpaan ni sia é méikapilotomé im witu um patéan wo niméramoma witu ung katou-touan.

Roma 11:14

Ni aku é mahéré'la sa am pahpaayangengku kenu én toro mangun sé kawanuaku in tuméutéu sé tahsasana wanua walina in ipilot witu un ukuman wana a singkéla', wo karia in téntu sé woopira im wia ni séra én toro sawangangku in ipiloté witu un ukuman wana a singkéla'.

1 Korintus 1:21

Pahpaan maan ing kuramokan ung katulapan ni tou, ni sia én zéi'kan makawawa i mata'u si Opo Empung. Taan si Opo Empung én timotoz i miloté im witu um patéan, sé tou timalinga u Nuwu' Lé'os tumoro si Yesus u méipahwoka' nai a ma'éman wia ni Sia, zozo' sé tou wia ung kaayahan ém wéwéhan sé mahkua sa u Nuwu' Lé'os itii éng kalemouan.

1 Korintus 9:22

Sa aku kimaria sé tou zéi'kampé' tahlous enté' um pa'émanen, ni aku é mahasa-asar ni séra, wo ni aku toro sumawang ni séra i ma'éman wia si Kristus. Winangunku ung katou-touangku én tanu ni séra péléng, wo wéwéhan sé wia ni séra sé toro ipiloté im witu ukuman wana a singkéla'.

1 Timutius 4:16

Ime-imeken ung katou-touannu wo an tutuzu'mu. Tia' ko mazéi' i mahwangun niana péléng, pahpaan karia in téntu ni ko toro tumulung un toumu wo péléng sé tou mahtalinga an tutuzu'mu, im witu un ukuman ni Opo Empung.

Filemon 1:19

Ni aku kenu ém Paulus, niia ém pinantik karia u lengenku in esa, “Ni akumokan si maér niana péléng.” Ni aku én zéi'mo totoz mapagenanga wia ni ko, i ni ko ém wéwéhan u niutang wia ni aku. Un utangmu én toumu in esa si tinuzu'angku u Nuwu' Lé'os tumoro si Yesus, a ni ko ma'éman.

Yakobus 1:15

Sa u lelo léwo'na itii éng kiniitannala, niitu é mua'mé u singkéla'. Sa u singkéla' itii lekepo, niitu é mua'mé um patéan.

Yakobus 1:21

Niitumo, itia'la péléng a makazi'zisen wo a léwo' totoz lakez am pemangu-mangunen niou. Wo sungkulela u nuwu' ni Opo Empung u mémoiwéhé witu un até niou karia u roros até. Pahpaan u nuwu' itii ém wéwéhan kawasa i milot ni kamu im witu un ukuman wana a singkéla'.

Yakobus 5:15

Sa séra mengaléi karia um pa'émanen, si tou saki itii é malé'os. Si Mahpiara é mangun si tou itii in uli-ulit malé'os, wo sa sia nimangunla a singkéla', ni sia én ampungan.

Yakobus 5:19

Katuari-katuariku, sa wéwéhan im wia ni kamu si zéi'mo mahkiit ung kaulitan, am wéwéhan si tou walina nimangunla ni sia i nimawurila sumaup witu ung kaulitan,

1 Petrus 4:8

Taan un totoz ipahpuu-puuna én uli-ulit i mahraa-raatéan, pahpaan sa kita mahraa-raatéan, ni kita én zéi'mo megenang-genang a siningkéla' né tou.

Wahyu 20:6

Mahpaa-paazola sé kataré-taré méitoumé sumaup ni Opo Empung. Ni séramo sé linenas-Na. Ni séra én zéi'mo mendan um patéan kazua taan ni séra é maéndo walian ni Opo Empung wo ni Kristus, wo ni séra é merénta ing kolano karia-Na witu u sana riwu ta'un.