Yakobus 5:17 - Taaz Weru Witu u Nunuwu'en Tombulu

¹⁷ Si Elia én tou uman masuat wo ni kita. Ni sia én uli-ulit nimengaléila wo zéi'kan muzan. Téntutuu, teluna ta'un enemna loloho'en zéi'kan nimahuza-uzané.

Yakobus 5:17 Iomraidhean Croise

Lukas 4:25

Taan ni Aku éng kumua un ulit nimamuali, in téntii: Im witu un oras ni Elia, witi Israel é nimamuali un zéi'kan nimahuza-uzané teluna ta'un wo enemna loloho'en, akaz nimamuali ung kaahreman makaindé'en wana péléng an tana'. In toro niitu, lakez sé wéwéné mahesa-esamokan.

Kisah Rasul-rasul 10:26

Taan si Kornelius é rinendaié ni Petrus ang kumua, “Rumendaiomé, ni aku én tou uman.”

Kisah Rasul-rasul 14:15

“É kamu péléng, kaa kamu mahwangun an téntu? Ni kai én tou uman masuat wo ni kamu. Ni kai i niméyé wia'i é mémahwoka' u Nuwu' Lé'os tumoro si Yesus wia ni kamu, wo kamu tumula'ula am pahwangunen niou an zéi'kan siapa torona kenu, wo méyé wia si Opo Empung si menou-nou. Ni Sia si nimangun u langit wo ung kaayahan, un tasik wo péléng am witu.

Roma 11:2

Si Opo Empung én zéi'kan timia' sé tou Israel sé pinéléng-Namo rengané im puuna. Kata'uan niouo u méipantik witu um Pinantik Lenas tumoro si nabi Elia in ipahpa'osna sé tou Israel wia si Opo Empung karia mahkua in téntii,

Wahyu 11:6

Ni séra ém wéhan ung kawasa i mapé' u langit wo zéi'kan mahuza-uzané, karegas séra i mahkua a méikuamé ni Opo Empung. Ni séra kangkasii ém wéhan ung kawasa i mangun péléng an zano maéndo zaha' wo i mukum ung kaayahan karia a meléwo' makaindé'en nimahwali-walinaan, sekez séra im paaz mangun niitu.