Yakobus 5:16 - Taaz Weru Witu u Nunuwu'en Tombulu

¹⁶ Pahpaano niitu, si esa wo si esa é léwo'zéi' i makaulitla a singkéla'na wo pahpengaléila si esa im wia sé walina, wo kamu malé'os. Um pengaléien né tou ulit én totoz wangko' ung kawasana wo wéwéhan wua'na.

Yakobus 5:16 Iomraidhean Croise

Matius 21:22

Apa uman am pahaléien niou witu um pengaléien karia in uli-ulit ma'éman, niitu é makailekan niou.”

Matius 3:6

Karia i makaulit a singkéla' néra, ni séra pahsaranin ni Yohanes witi so'so'an Yordan.

Markus 1:5

A sé tou wana péléng an tana' Yudea wo péléng sé tou witi Yerusalem mangé wia si Yohanes. Karia i makaulit a singkéla' néra, ni séra pahsaranin ni Yohanes witi so'so'an Yordan.

Lukas 9:6

Kumawusa niitu, sé pahtuzu'en ni Yesus mangé wana am wanua i mahwoka' u Nuwu' Lé'os ni Opo Empung wo mahlé'os sé tou saki.

Yohanes 9:31

Kata'uantamo i si Opo Empung én zéi'kan mahtalinga sé tou mahsingkéla' taan sé tou mahsigi' ni Sia wo mahwangun am paaz-Na.

Kisah Rasul-rasul 10:38

Kata'uan niouo tumoro si Yesus tou Nazaret. Ni Sia ém winéhan ni Opo Empung si Roh Lenas wo ung kawasa-Na. A Sia lumampang mahliklik wo mahwangun a lé'os wia sé tou wo mahlé'os péléng sé tou sinelazan ni tonaas né sétang pahpaan si Opo Empung é memali-mali karia-Na.

Kisah Rasul-rasul 19:18

Lakez im wia sé tou nima'émano itii é niméyé a makaulitla a léwo'an pahmualin néra witu u sinaru né tou lakez.

Kisah Rasul-rasul 8:24

Ang kuan ni Simon si meriara itii wia ni séra, “Ipengaléipé'mé ni aku wia si Opo Empung, wo péléng a méikua niouola wia ni aku én zéi'kan mamuali.”

Roma 3:10

Tanu u méipantik witu um Pinantik Lenas in téntii: “Zéi'kan siapa zozo' in esa si tou ulit.

Roma 5:19

Pahpaan tanu si tou esa zéi'kan mahtali-talinga, lakez sé tou nimangun a singkéla', téntu kangkasii pahpaan si tou esa mahtali-talinga wia si Opo Empung, lakez sé tou niéndo ulit ni Opo Empung.

Kolose 1:9

Niitumo, rengan ni kai in timalingamé tumoro ni kamu, ni kai én zéi'kan kumana' i mengaléi tumoro ni kamu. Ni kai mengaléi wia si Opo Empung i méhémé wia ni kamu ang katulapan wo ang kata'uan ni Roh Lenas, taka-takazan ni kamu uli-ulit mata'u péléng ang kapaaz ni Opo Empung.

1 Tesalonika 5:17

Tia' mazéi' i mahmengaléi.

1 Tesalonika 5:23

Mengalé-ngaléi uman si Opo Empung méhémé ung kaluasan witu un até wo mangun péléng un tou niou malenas. Mengalé-ngaléi uman kasii si Opo Empung é mahtéiz si roh, ung genang wo un awak niou, wo kamu lekep wo zéi'kan siapa u sinala' i si Yesus Kristus, Mahpiarata méyé sumaup.

1 Tesalonika 5:25

Katuari-katuari, ipengaléipé'mé kai.

Ibrani 11:4

Pahpaan i ma'éman, si Habel niméhé u raragés wia si Opo Empung u lumouspé'mé ung kawangunan u méiragés ni Kain. Karia in téntu si Opo Empung kimua ni sia én ulit pahpaan u méiragésna én ikapaaz ni Opo Empung. Niitumo, zozo' nimatémoma taan ni sia én toro maéndo kékéréanta tumoro um pa'émanenna.

Ibrani 11:7

Pahpaan i ma'éman, si Nuh nimangun u londéi totoz tua'na in tumulung ni sia wo sé sana awuna. Karia in téntu, ni sia nimapailek i ni sia én uli-ulit ma'éman wia si Opo Empung, taan sé tou walina wia ung kaayahan é simingkéla' pahpaan soo ma'éman u méikua ni Opo Empung itii. Niitumo, si Nuh éng kinua ni Opo Empung in tou ulit mengiit um pa'émanenna.

Ibrani 12:13

Wo mahlampangla witu u lalan terén, wo tia' un a'é u mahkénto' én ikalésok, taan nimalé'os, un tanu sé tou menou-nou zéi'kampé' uli-ulit mahkiit an ikapaaz ni Opo Empung én zéi'kan ikalulu taan menou-nou uli-ulit mahkiit an ikapaaz-Na.

Ibrani 13:18

Tia' mazéi' i mahpengaléi tumoro ni kai pahpaan totoz kata'uan nai ung genang lé'os nai ém weresi. Pahpaan im wana am péléng ni kai é mahtututu' i menou-nou mahwangun a lé'os.

1 Petrus 2:24

Ni Sia nimasaan a singkéla'ta karia un tou-Na in esa, i ni Sia nimaté witu u salip. Karia in téntu, ni kita sé nimatémo wana a singkéla'ta én toro ikapiloté im witu ung kawasa a singkéla'ta i menou-nou mahkiit ung kapaaz ni Opo Empung. Wo pahpaan am péla'-Na ni kita é nimalé'os.

1 Yohanes 3:22

wo apa uman am pahaléienta wia ni Sia éng kailekanta, pahpaan ni kita é mahkiit péléng am perénta-Na wo mahlé'os péléng ang kapaaz-Na.