Yakobus 5:15 - Taaz Weru Witu u Nunuwu'en Tombulu

¹⁵ Sa séra mengaléi karia um pa'émanen, si tou saki itii é malé'os. Si Mahpiara é mangun si tou itii in uli-ulit malé'os, wo sa sia nimangunla a singkéla', ni sia én ampungan.

Yakobus 5:15 Iomraidhean Croise

Matius 17:20

Ang kuan-Na wia ni séra, “Pahpaan ni kamu én zéi'kan uli-ulit ma'éman. Uli-ulit ikua-Kuma wia ni kamu: Sa kamu uli-ulit ma'éman zozo' um pa'émanen niou itii én tanu uman katua'na um watuna totoz rintek wia ung kaayahan, ni kamu én toro kumuama ung kentur kenuma in téntii, ‘Mérama witi kenuma!’ Ung kentur itii én ikaéra witi kenuma wo zéi'kan siapa an zéi'kan mamuali wia ni kamu. [

Yohanes 5:14

Tumondongé, si Yesus nimahilekan karia ni tou itii witi Walé ni Opo Empung ang kumua wia ni sia, “Gena-genangen, ni ko é lé'oso, tia'mo ko memangu-mangunpé' kasii a singkéla', wo ni ko zéi'kan makailek an zézéha lumouspé'mé ung kawutez u nimamuali wia ni ko.”

Yohanes 6:39

Ung kenumo um paaz ni Opo Empung si nimatumé ni Aku: Wo im wia sé tou méiwéhé wia ni Aku, zéi'kan siapa zozo' in esa si ikaliong, taan ni Aku tumou sumaup ni séra im witu un endo kaakazan ung kaayahan.

1 Korintus 1:21

Pahpaan maan ing kuramokan ung katulapan ni tou, ni sia én zéi'kan makawawa i mata'u si Opo Empung. Taan si Opo Empung én timotoz i miloté im witu um patéan, sé tou timalinga u Nuwu' Lé'os tumoro si Yesus u méipahwoka' nai a ma'éman wia ni Sia, zozo' sé tou wia ung kaayahan ém wéwéhan sé mahkua sa u Nuwu' Lé'os itii éng kalemouan.

2 Korintus 4:14

Pahpaan kata'uan nai, si Opo Empung si timoumé sumaup si Yesus Mahpiara, ni Sia kangkasii si tumou sumaup ni kai karia ni Yesus. Ni kai karia niou é réwoken mahwali-wali witu u sinaru ni Opo Empung.

Yakobus 1:6

Taan sa sia mahaléi niitu é léwo'zéi' karia um pa'émanen wo zéi'kan mahzua-zua genang. Pahpaan si tou mahzua-zua genang éng kasuat u sempa' witi tasik, um pemolé-moléi uman u reges wayaan ung kasaruan.

Yakobus 5:13

Sa wéwéhan im wia ni kamu si zézéha, tawimo sia i mengaléila! Sa wéwéhan si mahpaa-paaz tawimo sia ing kumantarla i lumooz si Opo Empung.

Yakobus 5:16

Pahpaano niitu, si esa wo si esa é léwo'zéi' i makaulitla a singkéla'na wo pahpengaléila si esa im wia sé walina, wo kamu malé'os. Um pengaléien né tou ulit én totoz wangko' ung kawasana wo wéwéhan wua'na.

Yakobus 5:20

kata'uan nioula, séi si nimangunla si tou mahsingkéla' timula'umé u lalan simala' a mawurila sumaup witu u lalan kaulitan, si tou itii é nimilotola si roh ni tou itii im witu um patéan wo nimangun lakez a singkéla'na niampungan.