Yakobus 5:14 - Taaz Weru Witu u Nunuwu'en Tombulu

¹⁴ Sa wéwéhan im wia ni kamu si saki, tawimo sia in tumawahla sé penatua né jamaat, wo sia ipengaléi néramé karia in isu'en néramé u lana witu u ngaran ni Mahpiara.

Yakobus 5:14 Iomraidhean Croise

Markus 16:18

tumion sé ulé' melangu wo zozo' nimelep a melangu taan ni séra én zéi'kan makura. Wo sa séra zumeta'ma u lengen néra wia sé tou saki, sé tou saki itii é malé'os.”

Markus 6:13

Lakez sé sétang méipahwoho néramé, wo kasii lakez sé tou saki pinahisu' néramé karia u lana wo liné'os néramé.

Kisah Rasul-rasul 11:30

Am pakaréwoken nérala a sasawang, an totozen nérala si Barnabas wo si Saulus i mahali niana wia sé penatua witi tana' Yudea.

Kisah Rasul-rasul 14:23

Sé zua aatu itii kasii én timotozla sé penatua witu un jamaat esa wo jamaat walina. Tumondong niitu, karia i mahpuasa wo mahmengaléi, sé penatua itii méiayola né aatu itii wia si Mahpiara si pa'émanen néra.

Kisah Rasul-rasul 15:4

I méikaayomola witi Yerusalem, ni séra é sinungkulé né jamaat wo né aatu ni Yesus wo né penatua. An isirita nérala zua péléng am pinaayang ni Opo Empung mengiité ni séra.

Kisah Rasul-rasul 28:8

In toro niitu si ama' ni Publius é meneke-nekelokan pahpaan im pasu' wo zéi'kan kumana' i mengangé-ngangé witi muri. Si Paulus mangé witi tinekelanna a sia mengaléi, karegas niitu u lengenna méizeta'nala wia si ama' itii, a si ama' itii malé'osa.

Kisah Rasul-rasul 9:40

Taan ni séra péléng é méipekiondola ni Petrus. Ni sia kumuruzla a mengaléi. Ni sia sumarula un awak ni tou nimaté itii ang kumuama, “Tabita, tumoozomé!” A si Tabita mukamé um werenna. Kaiileknala si Petrus a sia tumoozé a rumumezla.

Titus 1:5

Titus, ni ko é méitula'ukumé witi katanaan Kreta, wo ko toro mimekla an zéi'kampé' niimek, wo tumotoz sé penatua wana am wanua tua'na, mengiit a méikuakumo wia ni ko.