Yakobus 4:5 - Taaz Weru Witu u Nunuwu'en Tombulu

⁵ Tia' kamu mahgenangla a méipantik witu um Pinantik Lenas én zéi'kan siapa ung kalakoana ing kimua in téntii, “Si roh si méiwéhémé ni Opo Empung wia ni kita én téiz wia ni kita sa zéi'kan mahtali-talinga wia ni Sia!”

Yakobus 4:5 Iomraidhean Croise

Yohanes 10:35

Kata'uantamo im péléng a méipantik witu um Pinantik Lenas én zéi'kan mata'u zéi'en makaz ing kauré-uré. Niitumo, sa si Opo Empung kimua ‘empung’ wia sé tou nimakailek u nuwu'-Na,

Yohanes 19:37

Wéwéhan kasii u méipantik witu um Pinantik Lenas in téntii, “Ni séra é milek ni Sia si winetuan néramola.”

Yohanes 7:42

Im witu um Pinantik Lenas é méipantik i si Mesias é suzu ni Daud wo witi wanua Betlehem, um wanua ni Daud wo méyé.”

Kisah Rasul-rasul 7:9

Pahpaan sé nimaopota menéutéu si Yusuf si tuari nérakan, niitumo ni sia é méiwangkér nérama a maéndo ata witi tana' Mesir. Taan si Opo Empung é memali-mali kariana,

Roma 1:29

Ang genang néra é mawuta-wuta an totoz léwo', an zéi'kan wangun, ang kaangkuman wo ang kawuulan, téutéu, mahwunu' sé kasuat tou, mahéndo-éndoan, an tantowo, ang genang léwo' wo mahsirita an zéi'kan wangun tumoro sé tou walina.

Roma 9:17

Pahpaan witu um Pinantik Lenas, si Opo Empung éng kimua wia si Firaun, “Ni Aku é niméléng ni ko maéndo kolano i mapailek ung kawasa-Ku mengiité ni ko wo u ngaran-Ku é loozen né wia ung kaayahan.”

1 Korintus 6:19

Totoz kata'uan niou sa un awak niou ém walé ni Roh Lenas, si mahento' wia ni kamu. Si Roh Lenas itii é méiwéhé ni Opo Empung wia ni kamu. Niitumo, un tou niou én zéi'mo anu niou, anumo ni Opo Empung.

2 Korintus 6:16

Apa u masuat um witu um Walé ni Opo Empung wo um witu um walé né opo-opo? Ni kita i ma'éman ém Walé ni Opo Empung. Niitu én tanu u méipantik witu um Pinantik Lenas, in téntii, “Ni Aku é mamento' karia néra, wo menou-nou karia néra, wo ni Aku é maéndo Opo Empung néra, wo ni séra é maéndo tou-Ku.

Galatia 3:8

Rengan im puuna toro kata'uanta witu um Pinantik Lenas i si Opo Empung éng gimenang i mangun sé tou zéi'kan Yahudi in éndon-Na ulit pahpaan um pa'émanen néra wia ni Sia. Si Opo Empung é nimapata'umo u Nuwu' Lé'os tumoro si Yesus Kristus wia si Abraham, kuan-Na, “Mengiité ni ko, péléng sé tou wia ung kaayahan éng kamangen.”

Titus 3:3

Pahpaan im puuna ni kita kangkasii é menou-nou witu ung kalemouan: zéi'kan mahtali-talinga, méikalulu, nimaéndo ata wana a lelo léwo' un awak wo a makapaazen meléwo' un tou, menou-nou mahwangun a léwo'an wo téutéu, ikazi'zis né tou wo mahzizi'zisan.