Yakobus 4:2 - Taaz Weru Witu u Nunuwu'en Tombulu

² Wéwéhan am pelelo-lelo niou, taan zéi'kan kinakiitan, ang kamu munu' tou. Ni kamu é mahtéutéu, taan am pelelo-lelo niou én zéi'kan kinaayoan, ang kamu mahéndo-éndoan wo mahkoro'. Zéi'kan siapa ung kinailekan niou, pahpaan ni kamu én zéi'kan nimengaléi.

Yakobus 4:2 Iomraidhean Croise

Yohanes 16:24

Makazla in tarékan zéi'kampé' siapa um pinahaléi niou witu u ngaran-Ku. Mahaléiola ni kamu é makailek, wo ni kamu mawuta-wuta u mahpaa-paaz.

Yohanes 4:10

Si Yesus nimingkotla, “Sa ko mata'u tumoro an tatambér ni Opo Empung wo séi si mahnuwu'ma wia ni ko im ‘Wéhanpé'mé zano elepen Aku’, tantumo ni ko é nimahaléiola wia ni Sia wo ni Sia é niméhémola wia ni ko un zano katou-touan.”

Yakobus 1:5

Taan sa im wia ni kamu ém wéwéhan si zéi'kan tahlous tulap, ni sia é léwo'zéi' i mahaléila ung katulapan itii wia si Opo Empung, tantumo niitu én iwéhé ni Opo Empung wia ni sia. Si Opo Empung é meripu' umané i mahwéhé niitu wia péléng sé tou wo zéi'mo megena-genang niitu.

Yakobus 5:6

Ni kamu é nimukummola wo nimunu'mola sé tou ulit wo séra zéi'kan mahsaru ni kamu.

1 Yohanes 3:15

Séi si mazi'zis si katuarina esa pa'émanen, ni sia é memumunu' tou. Kata'uan niou in zéi'kan siapa si memumunu' tou é makailek ung katou-touan makaz ing kauré-uré.