Yakobus 4:17 - Taaz Weru Witu u Nunuwu'en Tombulu

¹⁷ Niitumo, sa si tou mata'u kura i mahwangun a lé'os, taan zéi'kan pahwangunenna, si tou itii é mahsingkéla'mo.

Yakobus 4:17 Iomraidhean Croise

Yohanes 13:17

Sa niia péléng kinata'uan niouola, ni kamu é mahpaa-paaz sa ni kamu mahwangun niana.

Yohanes 15:22

Sa ni Aku zéi'kan niméyé wo zéi'kan nimuwu'ma wia ni séra, tantumo ni séra én zéi'kan simingkéla'. Taan in tarékan ni séra én zéi'mo mata'u kumua, ‘Zéi'kan kata'uan nai sa am pahwangunen nai itii é singkéla'.’

Yohanes 9:41

Ang kuan ni Yesus wia ni séra, “Sa woo ni kamu letok, ni kamu zéi'kan mahsingkéla', taan pahpaan ni kamu kimuamé i ni kamu én toro mahilek, niitumo ni kamu é mahsingkéla'pé'.”

Roma 1:32

Zozo' ing kata'uan néra an tinotoz witu un ukum ni Opo Empung, im péléng sé mahwangun niana é makailek un ukuman patéan, taan ni séra én zéi'kan kumana' i mahwangun niana, lumousé niitu sé tou sé mahwangun niana kangkasii é niénéan nérala.

Roma 7:13

Sa téntu, apa am wangun itii é mahalimé um patéan wia ni aku? Zéi'kan téntu! U singkéla' u nimahalimé um patéan itii. Um wangun itii pinakémé u singkéla' i mahalimé um patéan wia ni aku, wo totoz ing kaile-ilekan u singkéla' é léwo'an. Niitumo, pahpaan am perénta witu ung kitap Torat itii ikatuzu'mé u singkéla' itii én totoz léwo'.

2 Petrus 2:21

Niitumo, tawimo ni séra én zéi'kan nimata'uma an tutuzu' kaulitan ni Opo Empung, taan ung kinata'uan nérakala an tutuzu' itii taan ing kamurian ni séra én timula'ukala am perénta ni Opo Empung a méipahtuzu'mo wia ni séra.