Yakobus 4:12 - Taaz Weru Witu u Nunuwu'en Tombulu

¹² Si Opo Empung si mahkawasa i milot sé tou im witu un ukuman wana a singkéla' wo luméwo' sé tou, ni Sia uman si mahwangun an ukum wia sé tou wo si Mahtotoz sé tou. Taan, séi ndéén ko wé akaz ko paaz i mahtotoz si kasuat tou?

Yakobus 4:12 Iomraidhean Croise

Matius 10:28

Ni kamu én tia' maindé' wia sé tou sé makawawa uman i munu' un awak niou, taan zéi'kan makawawa i munu' si roh niou. Taan maindé'la ni Sia si wéwéhan ung kawasa i munu' un awak wo si roh niou witi naraka.

Lukas 12:5

In tarékan én ituzu'-Kuma wia ni kamu séi si léwo'zéi' in ikaindé' niou. Ikaindé'la si Opo Empung, pahpaan ni Sia ém wéwéhan kawasa i munu' un awak niou wo lumombo' si roh niou witi naraka. Uli-ulit ikua-Kuma wia ni kamu, ikaindé'la Sia!

Roma 14:13

Niitumo, tia'mo kita mahtototozampé' kasii ulit kaapa zéi'kan am pahwangunen! Taan, tawimo kita mahtututu'la in zéi'kan mangun si katuari esa pa'émanen maéndo zéi'kan enté' kaapa mahwangun a singkéla'.

Roma 14:4

Séi ndéén ko wé taka-takazan ni ko mapahsasala' am pahwangunen ni pahayoan né tou walina? Si tuang ni pahayoan itii uman si mata'u sa sia ulit kaapa simala'. Taan ni sia é mamemangu-mangun an ulit pahpaan si Mahpiara é mahsawang ni sia.

Roma 2:1

Niitumo, séi uman ni ko, tia' mapahsasala' sé tou walina pahpaan ni ko in esa én zéi'kan siapa un toro iwingkot ing kumua i ni ko én ulit. Karia i mapahsasala' sé tou walina, ni ko kangkasii é mapahsasala' am pahwangunennu, pahpaan ni ko si mapahsasala' sé tou walina é memangu-mangun kangkasii an téntu.

Roma 9:20

Apamo ko wé wo wuaya i mahéndo-éndoan karia ni Opo Empung? Toro wé ung kuré' tana' kumua wia si nimangun, “Kaa ni aku winangunmumé téntu?”

Ibrani 7:25

Niitumo ni Sia én uli-ulit makawawa i milot péléng sé tou im witu un ukuman wana a singkéla', sé méyé wia si Opo Empung mengiité ni Sia. Pahpaan ni Sia menou-nou makaz ing kauré-uré wo ni Sia zéi'kan mazéi' i mahmengaléi ni séra wia si Opo Empung.

Yakobus 5:9

Katuari-katuari, ni kamu én tia' mema'o-ma'os wo mahpasasala' si esa wo si esa, wo kamu zéi'kan ukumen. Si mahtotoz am winangun né tou in ulit kaapa zéi'kan é rimendaio witu um pepenet.