Yakobus 3:9 - Taaz Weru Witu u Nunuwu'en Tombulu

⁹ Karia u lila' kita mahlooz si Opo Empung Ama'ta wo karia u lila' itii kangkasii, kita mahwéhé un epa' wia si kasuat tou si winangun ni Opo Empung mahsua-suatan wo ni Sia.

Yakobus 3:9 Iomraidhean Croise

Matius 26:74

A si Petrus rengan i mahsalou wo mahtiwa', “Zéi'kan kata'uangku si tou itii.” In toro niitukan ang kumukuké si laka'.

Matius 5:44

Taan in tarékan ikua-Kuma wia ni kamu: Irara- atéla sé kakoro' niou wo ipengaléila sé tou mahzézéha ni kamu.

Kisah Rasul-rasul 2:26

Pahpaano niitu, un atéku é mahpaa-paaz wo u sumahku é meloo-looz uman ni Sia. Wo un awakku kangkasii é mahéré' uman wia ni Sia.

Roma 3:14

U sumah néra é mawuta-wuta a sasalou wo am pakahnuwu' néra é mahwangun un até né tou i rumara,

1 Korintus 11:7

Un ulu né tuama én toro in zéi'kan pahkungkungan, pahpaan si tuama winangun tanu si Opo Empung wo si tuama itii mapailek ung kawangko'an ni Opo Empung. Taan un ulu né wéwéné ém pahkungkungan pahpaan si wéwéné itii é mapailek ung kawangko'an ni tuama.

Efesus 1:3

Loozela si Opo Empung, si Ama' ni Yesus Kristus Mahpiarata si timambéré wia ni kita péléng ang kamang witi kasendukan mengiité si Roh Lenas pahpaan nimaesa karia ni Yesus Kristus.

Yakobus 1:27

Un uli-ulit mahragés wo zéi'kan siapa um pahséro'an witu u sinaru ni Opo Empung, Ama'ta é mahileké sé zéi'mo siapa tu'a wo sé wéwéné mahesa-esamokan im wana ang kasusaan néra. Téntu kangkasii ni kamu, mile-ilekla én taa kamu ikakiitla i mahwangun a léwo'an wia ung kaayahan.

Yakobus 3:10

Im witu u sumah esa é mahondolé a lolooz wo an epa'. Katuari-katuariku, ang kenu én zéi'kan toro mamuali wia ni kita.

1 Petrus 1:3

Loozela si Opo Empung, si Ama' ni Yesus Kristus Mahpiarata. Pahpaan ung kawangko'an u raraatéan-Na makaz ni kita én toro nimakailek ung katou-touan weru mengiité si Yesus Kristus si méitoumé sumaup ni Opo Empung im wia sé nimaté. Niitu u mahenté' um pahéré'anta i menou-nou.