Yakobus 3:4 - Taaz Weru Witu u Nunuwu'en Tombulu

⁴ Wo kasii a londéi tua'na, zozo' niitu in totoz tua'na wo ipahwali-wali u reges repet, taan toro ipahsaru-saruma wisa uman karia ung kamudi ung kori' uman, kiit um paaz ni mengangali u londéi tua'na itii.

Yakobus 3:4 Iomraidhean Croise

Matius 11:27

A si Yesus kumua kasiima, “Péléng am péléng é mémoiayo ni Ama'-Ku wia ni Aku. Zéi'kan siapa zozo' in esa si mata'u si Oki', akaz uman si Ama' si mata'u si Oki', wo zéi'kan siapa zozo' in esa si mata'u si Ama', akaz uman si Oki' si mata'u si Ama' wo sé tou pinéléng ni Oki' sé makuaan-Na tumoro si Ama'-Na.

Matius 8:24

Kumompo'mé a méyé u reges totoz repet. U reges itii nimangun u louz mahsempa' taka-takazan u londéi itii ém pahuntepenoma un zano. Taan in toro niitu si Yesus én timekel.

Kisah Rasul-rasul 27:11

Taan si tonaas né sana atus suraro itii é soo tumalinga si Paulus, ni sia é mahtalinga uman si mengangali u londéi tua'na wo si tonaas u londéi tua'na itii.

Yakobus 3:3

Tanu si kawalo, u sumahna winéhan an tali wo sia mahkiit um paazta. Karia in téntu si kawalo itii én toro kumiit um paazta.

Yakobus 3:5

Téntu kangkasii u lila', zozo' niitu kori' uman im witu un touta, taan un toro lumooz un touta tumoro am wangko'. Téntu kasii un api, zozo' niitu kori' uman, taan toro luma'ung un talun tua'na.