Yakobus 3:17 - Taaz Weru Witu u Nunuwu'en Tombulu

¹⁷ Taan ang katulapan am wia si Opo Empung a méyé, ung kataré-taré un até ém weresi, tumondongla niitu ém paaz i mahlé'o-lé'osan, roros até wo mahkii-kiit uman, mawuta-wuta raraaté wo mahwua'mé am wangun, zéi'kan mahsanaweka wo zéi'kan mahgau-gau lé'os.

Yakobus 3:17 Iomraidhean Croise

Matius 23:28

Téntu kangkasii ni kamu, pahileken né tou ni kamu é mahwangun an ulit, taan im witu un até, ni kamu é mawuta-wuta an zéi'kan ulit wo a léwo'an.

Matius 5:8

Mahpaa-paazola sé tou sé linenas un até néra, pahpaan ni séra é mamilek si Opo Empung.

Matius 5:9

Mahpaa-paazola sé tou sé mahalimé u mahlé'o-lé'osan, pahpaan ni séra éng kuan in oki' ni Opo Empung.

Lukas 21:15

Pahpaan ni Aku in esa si mapata'u wia ni kamu a nunuwu'en mawuta-wuta karia ang katulapan in iwingkot niou, wo sé kakoro' niou zéi'kan makawingkot um pahkua niou kaapa sumaru ni kamu.

Lukas 6:36

Ni kamu é léwo'zéi' rumaraatéla sé kasuat tou, tanu si Ama' niou i rumaraaté péléng sé tou.”

Yohanes 1:14

U Nuwu' ni Opo Empung itii é nimaéndomo tou wo menou-nou im wia ni kita wo ni kita é nimileko ung kawangko'an-Na. Ung kawangko'an-Na itii éng kinailekan-Na pahpaan ni Sia én Oki' esa uman ni Opo Empung. Wo ni Sia én tumuzu'mé i si Opo Empung én ulit wo ni Sia mahtambéré ung kamang wia ni kita.

Yohanes 1:47

Ilekena ni Yesus si Natanael mahéyé ang kumua tumoro ni sia, “Ilekena, kela siamo si uli-ulit tou Israel. Wia ni sia én zéi'kan siapa towo.”

Kisah Rasul-rasul 11:24

Pahpaan si Barnabas itii én tou totoz lé'os, ni sia én totoz kinawasa ni Roh Lenas wo totoz ma'éman wia si Mahpiara, niitumo lakez sé tou timalinga ni sia é nima'éman wia si Mahpiara.

Kisah Rasul-rasul 9:36

Im witi Yope, wéwéhan si wéwéné ma'éman si Yesus makangaran Tabita. (Im witu u nunuwu'en Yunani u ngaranna én Dorkas). Ni sia é makalakez mahwangun a lé'os wo meméméhé a sasawang.

Roma 12:18

Wia ni kamu, sa toro mahtututu'la i menou-nou mahlé'o-lé'osan karia péléng sé tou.

Roma 12:9

Sa rumaraaté sé tou walina, tia' mahtowo-towo uman. Ikazi'zisla a léwo'an wo tia' mazéi' mahwangun a lé'os.

Roma 15:14

Katuari-katuariku, kata'uangku i ni kamu é mawuta-wutamo karia am wangun wo péléng ang kata'uan wo makawawa i sumésa wia si esa wo si esa.

1 Korintus 12:8

Pahpaan wia si tou, si Roh Lenas én timambér un tulap i mahkua u nuwu' ni Opo Empung. Wo wia si tou walina, si Roh Lenas itii kangkasii si timambér ang kata'uan wo makawawa ing kumua ang kata'uan itii wia sé tou.

2 Korintus 10:1

Ni aku Paulus, si pahkuan niou in zéi'kan wuaya sa nimasaruan karia niou, taan wuaya uman im wana am pinantikku sa nimazou'an karia niou. Ni aku mahaléi wia ni kamu witu u ngaran ni Yesus Kristus si roros até wo lé'os uman.

2 Korintus 6:6

Ni kai nimangun niitu karia ung genang weresi wo ung katulapan, ung kaezenan wo u lé'os uman wia sé tou. Ni kai kasii é mahéré' uman wia si Roh Lenas wo uli-ulit rumaraaté.

2 Korintus 7:11

Amoké pakagena-genangen nioula! Pahpaan u merara un até ung kapaaz ni Opo Empung nimamuali wia ni kamu, nimangun ni kamu kalousna mahtututu', mapailek i ni kamu zéi'kan mahsingkéla' wo u nimangun ni kamu maupi' wia sé tou mahwangun a singkéla' wo maindé' sa zéi'kan uli-ulit mahkiit si Opo Empung. Niitu kangkasii u nimangun ni kamu i lumelo wo totoz mahtututu' i mahwangun a lé'os, kapaaz niou sé tou mahsingkéla' én ukumen. Im wana niana péléng tumuzu'mé i ni kamu én zéi'kan siapa a sinala'.

2 Korintus 9:10

Si Opo Empung si mahtambéré am watuna tatanemen wia sé mahkeroz wo mahwéhémé wia ni kita ang kakanen ing kanen. Ni Sia kangkasii si mahimeké am watuna tatanemen wia ni kamu wo nimangun am watuna tatanemen itii i malake-lakez wo tumoumé am wua'na kaulitan wia ni kamu.

Efesus 5:9

Pahpaan si tou menou-nou witu un ayah é mahwua'mé ang kawangunan, zéi'kan mahsanaweka wo ulit.

Filipi 1:11

Ni aku kasii é mengaléi wo kamu toro memangu-mangun an ulit. Si Yesus Kristus uman si toro mangun ni kamu mangun niitu i mahsigi' wo mahlooz si Opo Empung.

Filipi 4:8

Ung kamurian katuari-katuari, péléng an ulit, péléng am wangun im pahloozen, péléng an zéi'kan mahsanaweka, péléng am weresi, péléng an tombal, péléng an tariis im pahtalingan, péléng am wéwéhan torona wo an toro pahloozen, niana péléng é léwo'zéi' ing genangen nioula.

Kolose 1:10

Karia in téntu, ung katou-touan niou ém wangun im witu u sinaru ni Mahpiara wo ni kamu éng kapaaz-Na im wana am péléng wo mua'mé am wangun im wana péléng am pahpaayangen niou, wo kalousna i mata'u tumoro ang kapaaz ni Opo Empung.

1 Tesalonika 2:7

Ni kai én totoz lé'os wo rumaraaté ni kamu i memali-mali karia niou, masuat wo si ina' i mahurus wo mahtéiz sé oki'na.

1 Timutius 5:21

Timotius, witu u saru-sarun ni Opo Empung wo ni Kristus Yesus karia né malaekat pinéléng-Na, uli-ulit pahaléiengkuma wia ni ko: totoz wéhanla genang an tutuzu' kaulitan a mémoituzu'ku wia ni ko karia in zéi'kan meméléng tou wo zéi'kan mahsanaweka.

2 Timutius 2:24

Si ata ni Mahpiara én zéi'kan toro mahkoro', taan ni sia é léwo'zéi' i lé'os im wia péléng sé tou, tulap i mahtuzu' wo ezen.

Titus 1:15

Wia sé tou ung katou-touan néra ém weresi, péléng am wia ni sia ém weresi, taan wia sé tou makati'tiren wo sé tou zéi'kan ma'éman, zéi'kan siapa zozo' in esa um weresi. Pahpaan ung genang wo un até néra é makazi'zisen.

Titus 3:2

Ni séra kasii én zéi'kan toro mahtawuruk, zéi'kan toro mahéndo-éndoan. Ni séra é léwo'zéi' in eluz uman wo roros até wia péléng sé tou.

Ibrani 12:11

Kata'uanta, péléng an ukuman ang karegas pahpendanen én zéi'kan makapaazen taan merara un até. Taan in tumondong, i limangkoioma an ukuman itii, ni kita é nimaéndomo tou mahwangun an ulit witu u sinaru ni Opo Empung wo nimangun sé niukum itii maena'.

Ibrani 12:14

Mahtututu'la i menou-nou mahlé'o-lé'osan karia péléng sé tou wo mahtututu'la i menou-nou karia un até zéi'kan siapa pahséro'an witu u sinaru ni Opo Empung, pahpaan sa zéi'kan menou-nou karia un até zéi'kan siapa pahséro'an, zéi'kan siapa zozo' in esa si mamilek si Opo Empung.

Yakobus 1:17

Péléng am pahkailekanta am wangun wo an zéi'kan siapa pahséro'an ém witi kasendukan a méyé, pahtumpamé ni Ama' si mahwanguné péléng a mahsena' witi langit a satorona é marimbengbenga. Taan ni Sia én zéi'kan tanu niitu, ni Sia én zéi'kan mahwali-walinala wo u lé'os-Na én zéi'kan mazéi-zéi'la.

Yakobus 1:5

Taan sa im wia ni kamu ém wéwéhan si zéi'kan tahlous tulap, ni sia é léwo'zéi' i mahaléila ung katulapan itii wia si Opo Empung, tantumo niitu én iwéhé ni Opo Empung wia ni sia. Si Opo Empung é meripu' umané i mahwéhé niitu wia péléng sé tou wo zéi'mo megena-genang niitu.

Yakobus 2:13

Pahpaan si tou zéi'kan siapa raraatéan én totozen in ulit kaapa zéi'kan karia un zéi'kan siapa raraatéan. Taan u raraatéampé' un enté' taan un ukuman.

Yakobus 2:4

Karia i mahwangun an téntu, zéi'kankuaa ni kamu é meméléng uman tou wo nimaéndomo menonotoz wia si kasuat tou karia ung genang léwo'?

Yakobus 3:15

Ung katulapan tanu niitu én zéi'kan witi kasendukan a méyé taan wia ung kaayahan a méyé, witu u lelo ni tou wo wia sé sétang a méyé.

Yakobus 4:8

Rumétéla wia si Opo Empung, ni Sia kangkasii é rumété wia ni kamu. Weresila u lengen niou, é kamu in tou mahsingkéla', wo weresila un até niou, é kamu sé mahzua-zua genang!

1 Petrus 1:22

Pahpaan ung katou-touan niou é linenas nioula wia si Opo Empung karia i mahtali-talinga an tutuzu' ulit, taka-takazan ni kamu én uli-ulit rimaraatémola sé katuari niou. Niitumo pahaléiengku wia ni kamu in totoz uli-ulit i mahraa-raatéan.

1 Petrus 2:1

Pahpaano niitu, ni kamu éng kumana'mola i memua-muali a léwo'an. Tia'mo mahtowo, tia'mo mahwangu-wangun i lumé'ospé'mé sé tou walina, tia'mo mahtéutéu wo kasii tia'mo mahtawuruk sé tou.

1 Petrus 2:18

É kamu sé ata! Mahtali-talingala wia si tuang niou karia i mahsigi' ni sia. Zéi'kan uman wia sé lé'os wo sé eluz uman, taan kangkasii wia sé totoz léwo'.

1 Yohanes 3:18

É kamu in oki'ku, méyémo kita mahraa-raatéan zéi'kan uman witu u sumah kaapa witu u lila', taan wana am pahlé'osen wo witu ung kaulitan.

1 Yohanes 3:3

Si tou niméré' un téntu wia ni Sia é limenas un touna tanu si Kristus i lenas.