Yakobus 3:15 - Taaz Weru Witu u Nunuwu'en Tombulu

¹⁵ Ung katulapan tanu niitu én zéi'kan witi kasendukan a méyé taan wia ung kaayahan a méyé, witu u lelo ni tou wo wia sé sétang a méyé.

Yakobus 3:15 Iomraidhean Croise

Lukas 16:8

A si tuangna mahlooz si melélé'os an zoit si tantowo itii, pahpaan ung kasigaanna i menéro lalan. Pahpaan sé tou mahkiit a lelo ung kaayahanpé' sé totoz siga' i mahpenéro lalan i makailek ung kauntungan néra im wia sé kasuat néra, taan sé tou mahkiit ang kapaaz ni Opo Empung.

Yohanes 3:17

Pahpaan si Opo Empung nimatumé si Oki'-Na wia ung kaayahan kenu zéi'kan i mémukum sé tou wia ung kaayahan, taan i milot sé tou wia ung kaayahan kenu im witu un ukuman wana a singkéla'.

Yohanes 8:44

Si ama' niou é si tonaas né sétang wo ni kamu ém paaz mahwangun ang kapaaz ni ama' niou. Rengané im puuna ni sia é mahwunu' sé tou wo ni sia én zéi'kan kawisa mahwangun an ulit. Pahpaan, ni sia zéi'kan kawisa kumuala an ulit. I ni sia mahtowo, un ipahkuana ém witu un aténa a méyé, pahpaan ni sia én tantowo wo ama' péléng né tantowo.

Kisah Rasul-rasul 13:10

ang kumua, “É oki' ni tonaas né sétang! Ni ko é mawuta-wuta a léwo'an wo an towo. Ni ko éng kakoro' ang kaulitan. Makaz sawisa u lalan terén ni Opo Empung im pahséa'mu?

Roma 1:22

Ni séra mahwangu-wangun in tou tulap, taan ni séra é lemou.

1 Korintus 1:27

Pahpaan si Opo Empung é niméléng um pahgenangen né tou wia ung kaayahan i lemou, i mapaiza-izang sé pahkuan né tou in tou tulap. Wo ni Sia é niméléng am pahgenangela né tou wia ung kaayahan in zéi'kan enté', i mapaiza-izang sé tou enté'.

1 Korintus 2:14

Taan si tou zéi'kan siapa Roh ni Opo Empung é soo tumalinga an ipahtuzu' ni Roh ni Opo Empung, pahpaan niitu ém pahkuana ing kalemouan. An ipahkua ni Roh ni Opo Empung én zéi'kan kata'uanna, niitu é makata'uannamokan sa si Roh ni Opo Empung sumawang ni sia i mata'u niitu.

1 Korintus 3:19

Pahpaan ung katulapan wia ung kaayahan éng kalemouan im wia si Opo Empung. Witu um Pinantik Lenas é méipantik téntii, “Ung katulapan né tou tulap ém wangunen ni Opo Empung i maéndo wetes wia sé tou tulap itii.”

1 Korintus 3:3

Pahpaan ung katou-touan niou é mahkiit uman a lelo wia ung kaayahan, i ni kamu é mahtétéutéuan wo mahéndo-éndoan. Am pemangu-mangunen niou é mahkiitpé' a lelo wia ung kaayahan wo am pemangu-mangunen né tou zéi'kampé' ma'éman.

2 Korintus 1:12

Ni kai én totoz mahlooz ung katou-touan nai pahpaan um pahwangunen nai wia sé tou wia ung kaayahan é lé'os wo ulit. Niitu un totoz méisanapa' witu um pahile-ilekan nai karia niou. Witu ung genang lé'os nai, ni kai én totoz mata'u sa niitu é lé'os wo ulit wia si Opo Empung a méyé, niitu kangkasii én tumuzu'ma wia sé tou sa am pahwangunen nai én ulit. Wo péléng am pahwangunen nai itii én zéi'kan karia ung katulapan nai in tou, taan karia ung kamang tatambér ni Opo Empung.

2 Korintus 11:3

Taan ikaindé'ku én taa ung genang niou é méilulu makaz kamu zéi'mo uli-ulit mahkiit si Kristus, tanu si Hawa im puuna i méilulula ni ulé' karia ung kasigaanna i mahtowo.

Filipi 3:19

Ing kamurian sé tou téntu é maléwo'en pahpaan zéi'kan memandung si Opo Empung taan memandung uman um poot néra in esa. Ni séra mahlooz am pahwangunen néra zozo' am pahwangunen néra itii é makaizangen wo am pegena-genangen néra ém wia uman ung kaayahan kenu.

2 Tesalonika 2:9

Si tou totoz léwo' itii i méyé ém pahpaan um pinaayang ni tonaas né sétang. Ni sia é mangun a mahwangun sé tou mahkusingsing, an zéi'kan kakuaan wo a makakompo'en towo.

1 Timutius 4:1

Si Roh Lenas én uli-ulit kimua, im wana an endo in tumondong ém wéwéhan sé tou matumamburi witu um pa'émanen wo kumua in zéi'kan mata'u si Yesus. Ni séra é mahtali-talinga sé roh mahlululu uman ni séra wo mahkiit uman an tutuzu' né sétang,

Yakobus 1:17

Péléng am pahkailekanta am wangun wo an zéi'kan siapa pahséro'an ém witi kasendukan a méyé, pahtumpamé ni Ama' si mahwanguné péléng a mahsena' witi langit a satorona é marimbengbenga. Taan ni Sia én zéi'kan tanu niitu, ni Sia én zéi'kan mahwali-walinala wo u lé'os-Na én zéi'kan mazéi-zéi'la.

Yakobus 1:5

Taan sa im wia ni kamu ém wéwéhan si zéi'kan tahlous tulap, ni sia é léwo'zéi' i mahaléila ung katulapan itii wia si Opo Empung, tantumo niitu én iwéhé ni Opo Empung wia ni sia. Si Opo Empung é meripu' umané i mahwéhé niitu wia péléng sé tou wo zéi'mo megena-genang niitu.

Yakobus 3:17

Taan ang katulapan am wia si Opo Empung a méyé, ung kataré-taré un até ém weresi, tumondongla niitu ém paaz i mahlé'o-lé'osan, roros até wo mahkii-kiit uman, mawuta-wuta raraaté wo mahwua'mé am wangun, zéi'kan mahsanaweka wo zéi'kan mahgau-gau lé'os.

Yudas 1:19

Sé tou itii é mahkayo' wo mahkiit um paaz ung kaayahan wo menou-nou zéi'kan siapa si Roh Lenas.

Wahyu 12:9

Si naga tua'na itii é si ulé' tu'a, si pahkuan kangkasii in tonaas né sétang kaapa si sétang mahlulu sé tou. Ni siamo si limulu péléng sé tou wia ung kaayahan wo ni sia kasii méilombo'mé wia ung kaayahan karia né malaekatna.

Wahyu 2:24

Taan wia ni kamu sé tou walina witi Tiatira, sé zéi'kan mahkiit an tutuzu' ni Izebel wo soo mahtata'u an tutuzu' ni tonaas né sétang, ni Aku éng kumuama: Wia ni kamu én zéi'mo awesang-Ku am pengalin walina.

Wahyu 9:11

Si kolano néra é si malaekat mahtéiz um woso um patéan. U ngaran ni kolano itii im witu u nunuwu'en Ibrani é ‘Abadon’, wo witu u nunuwu'en Yunani é ‘Apolion’, ung kalakoana é ‘Meléléwo'.’