Yakobus 3:13 - Taaz Weru Witu u Nunuwu'en Tombulu

¹³ Sa wéwéhan si tou tulap wo lakez ang kata'uan im wia ni kamu, ni sia é léwo'zéi' i mapailekla ang katou-touan wangun wo am pahlé'osen wangun karia i roros até wo ung katulapan.

Yakobus 3:13 Iomraidhean Croise

Matius 11:29

Kumiitola um perénta-Ku tanumokan i masaan um pasangan méipasaan-Ku, wo mahtata'umé wia ni Aku, pahpaan ni Aku én eluz uman wo roros até, wo si rohmu é makailek ung kaenaan.

Matius 21:5

“Ikuamola wia sé tou witi Sion: Ilekena, si Kolano niou é mahéyémo wia ni kamu. Ni Sia én eluz uman wo simaké wia si keledai, si anak ni keledai peranggangpé'.”

Matius 5:5

Mahpaa-paazola sé tou roros até, pahpaan ni séra sé lamakaanu ung kaayahan.

Matius 7:24

Kuano kasii ni Yesus, “Séi sé mahtalinga an ipahkua-Ku kenu wo mahwangun niitu, ni séra é masuat wo si tou tulap si rimendai um walé witu un to'tolan watu.

1 Korintus 6:5

Ang kenu én ikuakuma wia ni kamu i mapaiza-izang ni kamu, ‘Zéi'kan siapa tou tulap wé im wia ni kamu, si toro tumotoz am pahéndo-éndoan né tou ma'éman wia si Opo Empung?’

2 Korintus 10:1

Ni aku Paulus, si pahkuan niou in zéi'kan wuaya sa nimasaruan karia niou, taan wuaya uman im wana am pinantikku sa nimazou'an karia niou. Ni aku mahaléi wia ni kamu witu u ngaran ni Yesus Kristus si roros até wo lé'os uman.

2 Korintus 8:24

Niitumo, ni kamu in jamaat witi Korintus, ipapailekla u raraatéan niou wia ni séra telu. Wo kata'uala né woopira jamaat, i ni séra én uli-ulit ikararaaté niou wo an ipahloo-looz nai tumoro ni kamu én ulit.

Galatia 5:23

eluz wo makawawa ing kumawasa witu un tou in esa. Zéi'kan siapa un ukum toro mapahsasala' niana.

Galatia 6:1

Katuari-katuari, sa im wia ni kamu ém wéwéhan sé kinata'uan i mahmuali u singkéla', ni kamu sé mahkiit um paaz ni Roh Lenas é léwo'zéi' mahkit si tou itii witu u lalan kaulitan. Wangunela niitu karia in eluz uman wo mile-ilek én taa un toumu in esa ikakiit i mahsingkéla' tanu si tou itii.

Galatia 6:4

Wa'wa'ela um pahwangunen ni esa wo ni esa; sa um pahwangunenna wangun, ni sia én toro mahpaa-paaz. Taan um pahwangunennu én tia' pahloo-loozmu lumousé am pahwangunen né tou walina.

Efesus 4:2

Irorosla un até niou, mahelu-eluzan umanla wo meze-ezen. Ipapailekla u raraatéan niou karia i mahsawa-sawangan.

Filipi 1:27

Un totoz ipahpuu-puuna in tarékan, pahpaan ni kamu é ma'émano wia si Kristus, ung katou-touan niou é léwo'zéi' i masuat karia an tutuzu' ni Kristus mengiit u Nuwu' Lé'os tumoro ni Sia. Karia in téntu sa aku mangémé, ni aku én toro mileké, kaapa sa aku zéi'kan mangémé wia ni kamu, ni aku én tumalinga i ni kamu én esa genang, nimaesaan i mahtututu' mahwoka' u Nuwu' Lé'os tumoro si Kristus, enté' um pa'émanen, wo ni kamu mahwali-wali i mahtututu' mahwoka' u Nuwu' Lé'os tumoro si Yesus Kristus wia sé tou wo séra toro ma'éman.

Kolose 3:12

Pahpaan nimaéndomo tou pinéléng wo ikararaaté wo linenas ni Opo Empung, niitumo ni kamu é mapailekla u raraatéan, ung kalé'osan, u roros até, ung kaeluzan wo ung kaezenan.

1 Timutius 4:12

Tia' wo wéwéhan sé tou mahgenangla i ni ko én tou roros pahpaan ni ko ém weru tou. Mahtututu'la i maéndo kékéréan wangun né tou ma'éman wia si Opo Empung, wana an ipahkuamu, wana am pemangu-mangunennu, wana a raraatéannu, witu um pa'émanennu wo witu ung katou-touannu un zéi'kan penéro-néro'an né tou.

1 Timutius 6:11

Taan ni ko in tou ni Opo Empung, zumou-zou' im wana péléng niitu, mahtututu'la in zéi'kan mahsanaweka, mahragésla wia si Opo Empung, tia' mazéi' ma'éman wia ni Sia, rumaraaté sé kasuat tou, ezen wana an zézéha wo eluz uman wia si kasuat tou.

2 Timutius 2:25

Ni sia én totoz eluz uman i mahsésa wia sé tou tampezéi', pahpaan si Mahpiara ém woo méhé un oras wia ni séra, wo séra tumula'u a singkéla' néra wo mangun ni séra mata'u ung kaulitan.

Titus 3:2

Ni séra kasii én zéi'kan toro mahtawuruk, zéi'kan toro mahéndo-éndoan. Ni séra é léwo'zéi' in eluz uman wo roros até wia péléng sé tou.

Ibrani 13:5

Tia' megena-genang uman an zoit wo mahpaa-paazola karia un apa uman um wiamo ni kamu. Pahpaan si Opo Empung éng kimua téntii, “Ni ko én zéi'kan iwaya-Ku wo ni ko én zéi'kan kawisa itula'u-Ku.”

Yakobus 1:21

Niitumo, itia'la péléng a makazi'zisen wo a léwo' totoz lakez am pemangu-mangunen niou. Wo sungkulela u nuwu' ni Opo Empung u mémoiwéhé witu un até niou karia u roros até. Pahpaan u nuwu' itii ém wéwéhan kawasa i milot ni kamu im witu un ukuman wana a singkéla'.

Yakobus 2:18

Taan woo wéwéhan tou mahkua, “Wia ni ko ém wéwéhan um pa'émanen wo wia ni aku ém wéwéhan um pahlé'osen.” Ni sia ém wingkotengku, “Ipapaileké wia ni aku um pa'émanennu itii taan zéi'kan kinaria um pahlé'osennu, wo ni aku é mapailek wia ni ko um pa'émanengku karia am pahlé'osengku.”

Yakobus 3:1

Katuari-katuariku, im wia ni kamu én tia' wo lakez sé paaz maéndo méster, pahpaan kata'uan niou sa un ukuman wia ni kita i méster é lumousé un ukuman wia sé tou walina.

Yakobus 3:17

Taan ang katulapan am wia si Opo Empung a méyé, ung kataré-taré un até ém weresi, tumondongla niitu ém paaz i mahlé'o-lé'osan, roros até wo mahkii-kiit uman, mawuta-wuta raraaté wo mahwua'mé am wangun, zéi'kan mahsanaweka wo zéi'kan mahgau-gau lé'os.

1 Petrus 1:15

Taan péléng ung katou-touan niou é léwo'zéi' i lenas masuat wo si Opo Empung si timawah ni kamu é lenas.

1 Petrus 2:12

Wangu-wangunen ung katou-touan niou im witu u saru-sarun né tou zéi'kan mata'u si Opo Empung, wo zozo' ni kamu ém pahkuan né tou itii in tou léwo', taan witu un endo si Opo Empung i méyé, ni séra é malumooz wo sumigi' ni Sia, pahpaan ni séra é mahilek am pahwangunen niou an totoz wangun.

1 Petrus 2:9

Taan ni kamumo sé pinéléng ni Opo Empung, walian i mahpaayang wia si Opo Empung si Kolano, tahsasana wanua linenas, nimaéndo tou méisanapa' wia ni Sia, wo ni kamu mahwoka' am pahwangunen ni Opo Empung an totoz wangko'. Si Opo Empung si timawahmomé ni kamu mondolé im witu ung karimbengbengan a muntep witu un ayah-Na un totoz makakompo'en.

1 Petrus 3:4

Taan u nimangun ni kamu kéndis ém witu un até a méyé un zéi'kan mahzéi-zéi'la tanu ang kenu: eluz uman wo zéi'kan mengupi-ngupi'. Niitumo un totoz kapaaz ni Opo Empung.