Yakobus 3:10 - Taaz Weru Witu u Nunuwu'en Tombulu

¹⁰ Im witu u sumah esa é mahondolé a lolooz wo an epa'. Katuari-katuariku, ang kenu én zéi'kan toro mamuali wia ni kita.

Yakobus 3:10 Iomraidhean Croise

Roma 12:14

Mengaléila wia si Opo Empung ing kumamangé sé tou mahzézéha ni kamu. Pekikamangé si Opo Empung séra wo tia' mahaléi wia si Opo Empung i méhé un epa' wia ni séra.

1 Korintus 3:3

Pahpaan ung katou-touan niou é mahkiit uman a lelo wia ung kaayahan, i ni kamu é mahtétéutéuan wo mahéndo-éndoan. Am pemangu-mangunen niou é mahkiitpé' a lelo wia ung kaayahan wo am pemangu-mangunen né tou zéi'kampé' ma'éman.

1 Timutius 5:13

Wo kasii pahpaan séra i menero-neroi uman wana am walé né tou, ni séra nimangun un tou néra i soo kumura. Zéi'kan uman i soo kumura, taan ni séra kasii é mahtawuruk a ngaran né tou walina, menembo-nembor am pahpaayangen né tou walina wo kasii mahnuwu' an zéi'kan wangun i nuwu'en.

Yakobus 1:16

Katuari-katuari ikararaatéku. Tia' kamu ikalulu!

Yakobus 1:19

Katuari-katuari ikararaatéku, totoz wéhanla genang ang kenu: Péléng sé tou é léwo'zéi' rewek i mahtalinga taan tia' tahlous rewek i mahnuwu' wo tia' rewek maupi'.

Yakobus 3:1

Katuari-katuariku, im wia ni kamu én tia' wo lakez sé paaz maéndo méster, pahpaan kata'uan niou sa un ukuman wia ni kita i méster é lumousé un ukuman wia sé tou walina.

Yakobus 3:11

Wéwéhan wé ung kembu'an esa pahkembu'ané un zano tewang wo un zano pa'it?

Yakobus 3:9

Karia u lila' kita mahlooz si Opo Empung Ama'ta wo karia u lila' itii kangkasii, kita mahwéhé un epa' wia si kasuat tou si winangun ni Opo Empung mahsua-suatan wo ni Sia.

1 Petrus 3:9

Tia' u léwo'an ém waéran niou karia u léwo'an, kaapa u sasalou karia u sasalou. Taan, ipengaléi nioula wia si Opo Empung wo séra kamangené, pahpaan ni kamu én tinawah-Na i maéndo kamang wia sé tou walina, wo karia in téntu ni kamu é makailek ung kamang.