Yakobus 3:1 - Taaz Weru Witu u Nunuwu'en Tombulu

¹ Katuari-katuariku, im wia ni kamu én tia' wo lakez sé paaz maéndo méster, pahpaan kata'uan niou sa un ukuman wia ni kita i méster é lumousé un ukuman wia sé tou walina.

Yakobus 3:1 Iomraidhean Croise

Matius 10:24

Si pahtuzu'en én zéi'kan lumousé si mésterna, kaapa si ata én zéi'kan lumousé si tuangna.

Matius 23:13

Ang kuan kasii ni Yesus, “Ikaléwo'la ni kamu in tou tulap un Torat wo ni kamu i sana réwok tou Farisi, é kamu sé tou mahgau-gau lé'os. Pahpaan sé tou maéndo tou ni Opo Empung ém pahpoka-pokalan niou, un tanumokan i nimeneta um pepenet witi Kakolanoan ni Opo Empung. Ni kamu in esa é soo maéndo tou ni Opo Empung wo sé tou sé paaz maéndo tou ni Opo Empung ém pahapé-apé'an niou. [

Matius 23:14

Ikaléwo'la kamu sé tou tulap un Torat wo kamu sé sana réwok tou Farisi, é kamu sé tou mahgau-gau lé'os. Pahpaan sé wéwéné mahesa-esamokan ém pahtowoan niou ing kumahat am walé néra. Am pakahpengaléi niou é lambo' i mahwuwuni a léwo'an niou. Pahpaano niitu, ni kamu én ukumen totoz wutez.]

Matius 9:11

I sé sana réwok tou Farisi nimilekla niitu, ang kuan néra wia sé pahtuzu'en ni Yesus, “Kaa si Méster niou é mahkan karia né menanagi am pajak wo né tou mahsingkéla'?”

Lukas 16:2

Niitumo tawahennamé si melélé'os an zoitna itii, ang kuana, ‘Apa itu ulit ung kinatalingaangkula tumoro ni ko? In tarékan ipakakuamumé wia ni aku am pinaayangmu, pahpaan ni ko én zéi'mo toro maéndo melélé'os an zoitku.’

Lukas 6:37

Ang kuan kasii ni Yesus, “Ni kamu én tia' mahtotoz ulit kaapa zéi'kan am pahwangunen né tou walina, wo kamu zéi'kan totozen ni Opo Empung wana am pinahwangun nioué. Ni kamu én tia' mapahsasala' sé tou wo ni kamu kangkasii én zéi'kan pahsasala'en ni Opo Empung. Ampungala ang kasumalaan né tou wia ni kamu, wo ang kasumalaan niou ampungan ni Opo Empung.

Yohanes 3:10

Si Yesus mingkotla, “Ni ko é méster né tou Israel, amo kahuman niitu zéi'kan kata'uannu?

Kisah Rasul-rasul 13:1

In toro niitu, im wia sé jamaat witi Antiokhia ém wéwéhan sé woopira nabi wo méster. Ni séra é si Barnabas, si Simeon pahkuan in Zemdem, si Lukius tou Kirene, si Menahem si rengané ing koki' ém piniara karia ni kolano Herodes, wo kasii si Saulus.

1 Korintus 12:28

Wo wia ni kamu sé jamaat, sé woopira im wia ni kamu ém pinéléng ni Opo Empung i maéndo: kataré, sé tou niéndo aatu ni Yesus, kazua, sé tou niéndo nabi, katelu, sé tou niéndo méster mahtuzu' an tutuzu' ni Mahpiara, wéwéhan sé tou tinambéran u makawawa i mangun u makakompo'en, wéwéhan sé tou tinambéran u makawawa i lumé'os sé tou saki, wéwéhan sé tou tinambéran u makawawa i mahsawang sé tou walina, wéwéhan sé tou tinambéran u makawawa i maéndo tonaas, wo kasii wéwéhan sé tou tinambéran u makawawa i mahnuwu' karia a nunuwu'en walina un akaz uman si Roh Lenas si mata'u.

2 Korintus 5:10

Pahpaan ni kita péléng é léwo'zéi' i maisaru witu u rurumezan ni Kristus ing Kolano i matotozen ulit kaapa zéi'kan, wo sé tou si esa wo si esa é makailek um wawaér mengiit am winangunna, niitu im wangun kaapa léwo'.

Efesus 4:11

Ni Siamo si timambér wia sé tou i makawawa maéndo aatu-Na, maéndo nabi, wéwéhan sé maéndo mahwoka' u Nuwu' Lé'os, sé maéndo tonaas i mahahkit wo mahtuzu' sé jamaat.

1 Timutius 1:7

Kapaaz néra maéndo tou tulap un Torat, taan ni sérakan én zéi'kan makatulap an ipahsirita néra wo an ipahkua néra am pahgenangen nérala in totoz ulit.

1 Timutius 2:7

Pahpaano niitu, ni aku tinotoz ni Opo Empung i maéndo aatu-Na i mahwoka' u Nuwu' Lé'os wo mahtuzu' wia sé tou zéi'kan Yahudi tumoro um pa'émanen wia si Yesus wo ung kaulitan. Peléng a méikuaku kenu én ulit! Ni aku én zéi'kan mahtowo.

2 Timutius 1:11

U Nuwu' Lé'os itiimo u nimangun ni aku tinotoz ni Opo Empung maéndo mahwoka', maéndo aatu wo méster.

Ibrani 13:17

Pahtali-talingala sé tonaas niou wo mahkii-kiitla ni séra, pahpaan si Opo Empung si niméhé um paayangen wia ni séra in tuméiz um pa'émanen niou in tou mahwangun a méiatu ni Opo Empung. Karia in téntu, ni séra i mahtéiz um pa'émanen niou éng karia i mahpaa-paaz, zéi'kan karia i mema'o-ma'os. Pahpaan sa séra mema'o-ma'os, um pahpaayangen néra én zéi'kan siapa torona im wia ni kamu.

Yakobus 1:16

Katuari-katuari ikararaatéku. Tia' kamu ikalulu!

Yakobus 1:19

Katuari-katuari ikararaatéku, totoz wéhanla genang ang kenu: Péléng sé tou é léwo'zéi' rewek i mahtalinga taan tia' tahlous rewek i mahnuwu' wo tia' rewek maupi'.

Yakobus 3:10

Im witu u sumah esa é mahondolé a lolooz wo an epa'. Katuari-katuariku, ang kenu én zéi'kan toro mamuali wia ni kita.

1 Petrus 5:3

Tia' wo ni kamu mahpeperénta uman wia sé tou ma'éman sé méitarawésama ni Opo Empung wia ni kamu, taan ni kamu é maéndola kékéréan wangun wia ni séra.